ສະໜາມໄຊ ນຳໃຊ້ງົບປະມານ 600 ລ້ານກວ່າກີບ ງານມະຫະກຳກິລາມິດຕະພາບທົ່ວແຂວງ


...

     ເພື່ອເຮັດໃຫ້ງານມະ ຫະກຳແຂ່ງຂັນກິລາປະຈຳປີ ທົ່ວແຂວງອັດຕະປື ຄັ້ງທີ 3 ທີ່ ເມືອງສະໜາມໄຊ ເປັນເຈົ້າ ພາບ ຊຶ່ງຈະຈັດຂຶ້ນໃນວັນທີ 8 - 22 ເດືອນມີນານີ້ ໃຫ້ກາຍ ເປັນຕົວແບບທີ່ດີ ທັງຮັບປະ ກັນຄຸນນະພາບດ້ານຕ່າງໆສູງ ຂຶ້ນນັ້ນ ການນຳຂັ້ນເມືອງ ແລະ ການນຳຂັ້ນແຂວງໄດ້ນຳໃຊ້ງົບ ປະມານສູງເຖິງ 600 ລ້ານ ກວ່າກີບເຂົ້າໃນການສ້າງມາດ ຕະຖານດ້ານສະຖານທີ່ ເພື່ອ ຮັບຕ້ອນນັກກິລາທົ່ວແຂວງກໍ ຄືນັກທ່ອງທ່ຽວທັງພາຍໃນ ແລະ ຕ່າງແຂວງ. ທ່ານ ບຸນໂຮມ ພົມມະ ສານ ກຳມະການພັກແຂວງ ເຈົ້າເມືອງສະໜາມໄຊ ໃຫ້ຮູ້ ວ່າ: ເພື່ອສ້າງຂະບວນການ ແລກປ່ຽນບົດຮຽນທາງດ້ານ ວຽກງານກິລາກາຍະກຳ, ທັງ ເປັນການເສີມຂະຫຍາຍວຽກ ງານກິລາກາຍະກຳເມືອງໃຫ້ ສູງຂຶ້ນໄປສູ່ລະດັບສູງເທື່ອລະ ກ້າວຕາມແຜນຍຸດທະສາດ ຂອງການພັດທະນາກິລາ, ມາ ຮອດປັດຈຸບັນໄດ້ສ້າງ ແລະ ສ້ອມແປງບັນດາສະຖານທີ່ ໂຄງລ່າງຕ່າງໆ ເພື່ອກຽມ ຄວາມພ້ອມເປັນເຈົ້າພາບ ເຊັ່ນ: ສ້າງເດີ່ນເຕະບານ, ສ້າງ ເສັ້ນທາງອ້ອມເດີ່ນ, ສ້າງເດີ່ນ ບານສົ່ງ, ເດີ່ນເປຕັງ, ເດີ່ນກະ ຕໍ້ຫວາຍ ແລະ ສະຖານທີ່ອື່ນໆ ມາຮອດປັດຈຸບັນການກໍ່ສ້າງ ດັ່ງກ່າວມີຄວາມສຳເລັດໄດ້ ປະມານ 80% ແລະ ຍັງມີບາງ ວຽກງານເທົ່ານັ້ນທີ່ຈະຕ້ອງໄດ້ ເກັບລາຍລະອຽດຄືນ ຊຶ່ງລວມ ງົບປະມານປະກອບສ່ວນເຂົ້າ ໃນການຈັດງານມະຫະກຳຄັ້ງ ນີ້ສູງເຖິງ 600 ລ້ານກວ່າກີບ. ງົບປະມານດັ່ງກ່າວຈຳນວນ ໜຶ່ງແມ່ນໄດ້ຈາກງົບປະມານ ຂອງລັດ, ເມືອງ ແລະ ການປະ ກອບສ່ວນສັງຄົມຕ່າງໆ. ສຳ ລັບການແຂ່ງຂັນທາງຄະນະ ຮັບຜິດຊອບໄດ້ຕົກລົງເອົາ 4 ປະເພດກິລາລວມມີ 14 ລາຍ ການເຊັ່ນ: ເຕະບານຊາຍ - ຍິງ, ບານສົ່ງຊາຍ - ຍິງ, ກະຕໍ້ ຫວາຍຊາຍ - ຍິງ ແລະ ກິລາ ເປຕັງຊາຍ - ຍິງ. ການແຂ່ງຂັນມະຫະກຳກິ ລາມິດຕະພາບທົ່ວແຂວງອັດ ຕະປືໃນສອງຄັ້ງຜ່ານມາ ຄັ້ງທີ 1 ໄດ້ເຂົ້າຮ່ວມຢູ່ເມືອງໄຊເສດ ຖາ ສາມາດຍາດໄດ້ 5 ຫຼຽນ ໃນນັ້ນມີ 2 ຫຼຽນຄຳ, 1 ຫຼຽນ ເງິນ, 2 ຫຼຽນທອງ, ຄັ້ງທີ 2 ຢູ່ ເມືອງພູວົງ ຍາດໄດ້ 2 ຫຼຽນ ໃນນັ້ນມີ 1 ຫຼຽນເງິນ ຈາກກິລາ ປະເພດເຕະບານ ແລະ 1 ຫຼຽນທອງ ຈາກກິລາປະເພດ ເປຕັງ; ສະເພາະຄັ້ງທີ 3 ທີ່ ເມືອງສະໜາມໄຊ ໄດ້ເປັນເຈົ້າ ພາບຄາດຫວັງສູ້ຊົນຍາດໃຫ້ ໄດ້ປະມານ 14 ຫຽນ, ຫຼຽນຄຳ ຄາດຄະເນຈະໄດ້ 3 ຫຼຽນ, ໃນ ນີ້ ເປຕັງ 2 ຫຼຽ-ນ ແລະ 1 ເຕະ ບານຊາຍ, ຫຼຽນເງິນຄາດຄະ ເນວ່າຈະໄດ້ 4 ຫຼຽນ ໃນນີ້ຈະ ເອົາຢູ່ໃນ 3 ຫຼຽນ ກິລາເປຕັງ, ບານສົ່ງຍິງ, ເຕະບານຍິງ ແລະ ຫຼຽນທອງ ຄາດຄະເນວ່າຈະ ປະມານ 5-6 ຫຼຽນ ຊຶ່ງຈະເອົາ ຢູ່ໃນກິລາເປຕັງ, ກະຕໍ້ຫວາຍ ແລະ ບານສົ່ງຊາຍ. (ໂດຍ: ມາລາທິບ)