ເຄທີ ຈະສືບຕໍ່ສ້າງນັກກິລາເປັນມືອາຊີບ


...

     ທ່ານ ສີສະເກດ ພົມມະຫາໄຊ ຫົວໜ້າຄູຝຶກທີມ ນັກກິລາສະໂມສອນດອກປີກ ໄກ່ ເຄທີ ແລະ ທີມນັກກິລາ ນັກຮຽນພະແນກສຶກສາທິການ ແລະ ກິລາ ນວ ທີ່ສ້າງສະຖິຕິ ໃໝ່ ໃນງານກິລານົກກົກຄຳ ເກມ ໃຫ້ສຳພາດວ່າ: ໃນນາມ ສ່ວນຕົວຮູ້ສຶກເປັນກຽດຢ່າງສູງ ທີ່ຜູ້ນຳພັກ - ລັດຖະບານກໍຄືພະ ແນກສຶກສາທິການ ແລະ ກິລາ ນວ ໄດ້ໄວ້ເນື້ອເຊື່ອໃຈໃຫ້ມາ ຮັບໜ້າທີ່ນຳພານັກກິລາດອກ ປີກໄກ່ນັກຮຽນ ເຂົ້າຮ່ວມສ້າງ ຜົນງານໃນນົກກົກຄຳເກມ 2017 ໄດ້ລື່ນຄາດໝາຍ ຕໍ່ຜົນ ງານດັ່ງກ່າວຂໍໃຫ້ເຊື່ອໝັ້ນວ່າ ຈະສືບຕໍ່ສົ່ງເສີມນັກກິລາດອກ ປີກໄກ່ທັງຮຸ່ນໃໝ່ ແລະ ຮຸ່ນ ເກົ່າ ເນັ້ນໃຫ້ເຂົາເຈົ້າມີການ ເຄື່ອນໄຫວຢ່າງຕໍ່ເນື່ອງ ເພື່ອ ສ້າງໃຫ້ເປັນຜູ້ທີ່ມີປະສົບການ ແລະ ກາຍເປັນມືອາຊີບຕິດ ທີມຊາດຕາງໜ້າປະເທດຊາດ ເຂົ້າຮ່ວມສ້າງຜົນງານໃນການ ແຂ່ງຂັນລາຍການຕ່າງໆໃນ ລະດັບພາກພື້ນ ແລະ ສາກົນ. ໃນໄລຍະທີ່ຜ່ານມາສາ ມາດເວົ້າໄດ້ວ່ານັກກິລາດອກ ປີກໄກ່ທີມຊາດລາວຍັງບໍ່ທັນ ສ້າງຜົນງານໃນການແຂ່ງຂັນຊີ ເກມ, ເອຊຽນເກມ ແລະ ລະ ດັບສາກົນ ສິ່ງສຳຄັນແມ່ນ ການສ້າງເງື່ອນໄຂເພື່ອຈະນຳ ພານັກກິລາດອກປີກໄກ່ສະໂມ ສອນເຄທີ ໄປເຖິງຈຸດຝັນນັ້ນ ໄດ້ກໍຕ້ອງມີຜູ້ໃຫ້ການສະໜັບ ສະໜູນເປັນຫຼັກ ເພື່ອນຳພາ ເຂົາເຈົ້າເຂົ້າເກັບຕົວຝຶກຊ້ອມ ຢ່າງເປັນປົກກະຕິ ແລະ ຮ່ວມ ແຂ່ງຂັນທັງພາຍໃນ ແລະ ຕ່າງ ປະເທດໃຫ້ຫຼາຍທີ່ສຸດ ເພື່ອ ສ້າງປະສົບການໃຫ້ມີການພັດ ທະນາຢ່າງຕໍ່ເນື່ອງມີທັກສະ ຈິດໃຈຕ້ອງທຸ່ນທ່ຽງມີເທັກນິກ ສູງ ແລະ ມີໄຫວພິກເປັນເລີດ ກ່ອນຈະກ້າວສູ່ຜົນສຳເລັດ ຕາມເປົ້າໝາຍທີ່ວາງໄວ້.