ບໍລິສັດ SNG ແລະ J&D ສະໜັບສະໜູນເຕະບານຍິງ U14


...

   ສະຫະພັນບານເຕະ ແຫ່ງຊາດລາວ (ສຕລ) ຈັດພິທີ ມອບຮັບເງິນໃນການຊຸກຍູ້ທີມ ຊາດຍິງ ຢູ14 ຈຳນວນເງິນ 30.000.000 ກີບ ເມື່ອວັນທີ 2 ກຸມພານີ້ ເພື່ອເຂົ້າຮ່ວມການ ແຂ່ງ ຂັນລາຍການ Jockey Club Girls International Youth Invitationl Football ທີ່ຮົງ ກົງ ໄດ້ຮັບກຽດເປັນເຈົ້າພາບ ມອບໂດຍທ່ານ ອາໂນໄທ ເມືອງ ມະນີ ຕາງໜ້າບໍລິສັດ SNG ແລະ J&D ສູນບໍລິການທີ່ໄດ້ມາດຕະ ຖານ, ຮັບໂດຍ ທ່ານ ຄຳໄພ ປະ ເສີດ ຮອງປະທານສະຫະພັນບານ ເຕະແຫ່ງຊາດລາວພ້ອມດ້ວຍບັນ ດາຄະນະນຳຄູຝຶກແລະນັກກິລາ. ຈຸດປະສົງໃນການມອບ ເງິນຊຸກຍູ້ໃນຄັ້ງນີ້ກໍເພື່ອເປັນ ການໃຫ້ຂວັນກຳລັງໃຈອັນສຳ ຄັນແກ່ນັກກິລາໃຫ້ສາມາດ ສ້າງ ຜົນງານອັນໂດດເດັ່ນມາສູ່ ວົງ ການເຕະບານລາວ. ສຳລັບ ການແຂ່ງຂັນ Jockey Club Girls’ International Youth Invitational Football ທີ່ຮົງ ກົງໄດ້ຮັບກຽດເປັນເຈົ້າພາບ ໃນລະຫວ່າງວັນທີ 9 - 13 ເດືອນ ກຸມພາ 2017 ມີທີມເຂົ້າຮ່ວມ ທັງໝົດ 4 ທີມແຂ່ງຂັນພົບກັນ ໝົດປະກອບມີ ຮົງກົງ (ເຈົ້າພາບ), ໄທ, ລາວ ແລະ ມົງໂກລີ. ຕາຕະລາງການແຂ່ງຂັນ ຂອງທີມຊາດລາວ ຢູ14, ວັນທີ 10 ກຸມພາ 2017 ເວລາ 15: 30 ໂມງ ຮົງກົງ ພົບ ລາວ, ວັນ ທີ 11 ກຸມພາ 2017 ເວລາ 11: 20 ໂມງ ລາວ ພົບ ມົງໂກລີ, ວັນທີ 12 ກຸມພາ 2017 ເວລາ 11:30 ໂມງ ໄທ ພົບ ລາວ.