ເພີ່ມທະວີຄວາມສາມັກຄີ ພັນທະພາບກຳມະກອນ, ກະສິກອນ, ນັກຮຽນຮູ້ປັນຍາຊົນ ພາຍໃຕ້ການນຳພາຂອງພັກປະຊາຊົນ ປະຕິວັດລາວ!

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

         ລົງທະບຽນເປັນສະມາຊິກ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລເຕັມສະບັບ ມີສີທູກຫນ້າ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ຊຽງຂວາງເຂົ້າຮ່ວມແຂ່ງຂັນເຮືອປະເພນີ ທີ່ແຂວງບຶງການ

ທັບນັກກິລາຊ່ວງເຮືອ ແຂວງຊຽງຂວາງ ຊຶ່ງນຳໂດຍ ທ່ານ ທອງສີ ພັນທະວົງ ຮອງ ຫົວໜ້າພະແນກສຶກສາທິການ ແລະ ກິລາ ແຂວງຊຽງຂວາງ ພ້ອມນັກກິລາຈຳນວນເກືອບ 30 ຄົນ, ໄດ້ເດີນທາງໄປຮອດ ແຂວງບຶງການ ປະເທດໄທ ໃນ ວັນທີ 8 ກັນຍານີ້, ເພື່ອເຂົ້າ ຮ່ວມແຂ່ງຂັນຊ່ວງເຮືອຍາວ ປະເພນີ ໄທ-ລາວ-ຫວຽດນາມ ທີ່ແຂວງບຶງການປະເທດໄທ. ພາຍຫຼັງທີ່ທີມງານໄປ ຮອດກໍໄດ້ຖືກຮັບຕ້ອນຈາກຄະ ນະເຈົ້າພາບດ້ວຍຄວາມອົບ ອຸ່ນ, ສະໜິດສະໜົມ ແລະ ເປັນ ກັນເອງ, ພ້ອມນັ້ນຄະນະເຈົ້າ ພາບຍັງອຳນວຍຄວາມສະດວກ ທາງດ້ານພາຫະນະຮັບສົ່ງ, ອາຫານການກິນ ແລະ ທີ່ພັກ ໂຮງແຮມໃຫ້ແກ່ທັບນັກກິລາ, ພິເສດຄະນະເຈົ້າພາບຍັງໄດ້ ຮັບມອບວັດຖຸປັດໄຈຈຳນວນ ໜຶ່ງ ເພື່ອເປັນການກະຕຸກຊຸກຍູ້ ແລະ ໃຫ້ກຳລັງໃຈແກ່ ທັບນັກ ກິລາແຂວງຊຽງຂວາງ ໃຫ້ກຽດ ເຂົ້າຮ່ວມບຸນປະເພນີຊ່ວງເຮືອ ຄັ້ງນີ້. ທ່ານ ທອງສີ ພັນທະວົງ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງທີ່ ທາງຄະນະເຈົ້າພາບໄດ້ໃຫ້ກຽດ ຕ້ອນຮັບ ແລະ ອຳນວຍຄວາມ ສະດວກທຸກຢ່າງໃຫ້ແກ່ທັບ ນັກກິລາແຂວງຊຽງຂວາງ, ທ່ານ ຍັງກ່າວຕື່ມອີກວ່າ: ການທີ່ ແຂວງຊຽງຂວາງສົ່ງນັກກິລາ ເຂົ້າຮ່ວມຊ່ວງເຮືອບຸນປະເພນີ ທີ່ແຂວງບຶງການ ປະເທດໄທ ໃນຄັ້ງນີ້ ນອກຈາກຈະເປັນ ການແລກປ່ຽນບົດຮຽນທາງ ດ້ານວັດທະນະທຳ ຮີດຄອງປະເພນີ ຖານບ້ານໃກ້ເຮືອນຄຽງ ແລ້ວ, ຍັງເປັນການຮັດແໜ້ນ ສາຍພົວພັນ, ຄວາມ ສາມັກຄີ ໄມຕີຈິດມິດຕະພາບ ລະຫວ່າງ ບ້ານພີ່ເມືອງນ້ອງ, ພ້ອມນັ້ນ ຍັງເປັນການຫ້າງຫາກະກຽມ ຄວາມພ້ອມດ້ານຕ່າງໆໃຫ້ແກ່ ແຂວງຊຽງຂວາງ ໃນການທີ່ຈະ ເປັນເຈົ້າພາບງານມະຫາກຳກິ ລາແຫ່ງຊາດ ຄັ້ງທີ XI ທີ່ຈະຈັດ ຂຶ້ນໃນຂ້າງໜ້ານີ້. ການຊ່ວງເຮືອບຸນປະເພ ນີ ໄທ-ລາວ-ຫວຽດນາມ ຂອງ ແຂວງບຶງການປະເທດໄທໄດ້ຈັດຂຶ້ນທຸກປີ ຊຶ່ງປີນີ້ເປັນຄັ້ງທີ XVI ຈະເລີ່ມລົງແຂ່ງຂັນຕົວຈິງວັນທີ 11 ກັນຍານີ້ ຮອດວັນທີ 13 ກັນຍາຈຶ່ງສຳເລັດ, ຄາດວ່າ: ມີ 20-25 ສີພາຍ (ເພື່ອຊີງຖ້ວຍ ພະລາດຊະທານ ສົມເດັດພະ ເທບຣັຕນະຣາດສະສຸດາ ສະ ຫຍາມບໍຣົມຣາດຊະກຸມມາລີ) ງານດັ່ງກ່າວ ນອກຈາກການ ຈັດການແຂ່ງຂັນຊ່ວງເຮືອ ແລ້ວ ຍັງມີການວາງສະແດງ ສິນຄ້າໜຶ່ງເມືອງໜຶ່ງຜະລິດຕະ ພັນ ຫຼື ວ່າສິນຄ້າໂອທັອບທີ່ ເປັນເອກະລັກ ແລະ ຮັບຊົມ ການສະແດງສິລະປະວັນນະ ຄະດີຂອງ 3 ປະເທດອີກດ້ວຍ. (ຂ່າວ: ຄານສີສະຫວັນ ພົງພັກດີ)

EditRegion3

 

 

 

ວີດີໂອຂ່າວສານ


ລາຍການວີດີໂອເພີ່ມ

ບົດນຳ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110