ຊຽງຂວາງ ສົ່ງ 10 ປະເພດກິລາເຂົ້າຮ່ວມແຂ່ງຂັນກິລາ ນັກຮຽນທົ່ວປະເທດ


...

   ຕາມການລາຍງານ ຂອງທ່ານ ທອງຜີວ ສີປັນຍາ ຮອງຫົວໜ້າພະແນກສຶກສາທິ ການ ແລະ ກິລາ ແຂວງຊຽງ ຂວາງໃຫ້ຮູ້ວ່າ: ແຂວງຊຽງ ຂວາງໄດ້ສົ່ງ 10 ປະເພດກິລາ ເພື່ອເຂົ້າຮ່ວມແຂ່ງຂັນງານມະ ຫະກຳກິລານັກຮຽນມັດທະຍົມ ສຶກສາທົ່ວປະເທດຄັ້ງທີ VI ທີ່ ແຂວງບໍລິຄຳໄຊເປັນເຈົ້າພາບ ຊຶ່ງຈັດຂຶ້ນເປັນທາງການໃນ ເດືອນກຸມພານີ້ ໃນນັ້ນປະກອບ ມີກິລາແລ່ນ - ລານ, ເຕະບານ, ບານສົ່ງໃນຮົ່ມ, ເປຕັງ, ກະຕໍ້ ຫວາຍ, ເທຄວັນໂດ, ດອກປີກ ໄກ່, ປິ່ງປ໋ອງ, ໝາກຂ່າງ ແລະ ໜ້າເກັກ, ມີນັກກິລາພ້ອມດ້ວຍ ຄະນະນຳທັງໝົດ 213 ຄົນ ຍິງ 67 ຄົນ. ທ່ານ ທອງຜີວ ສີປັນຍາ ຍັງໃຫ້ຮູ້ອີກວ່າ: ເພື່ອເປັນການ ສ້າງຄວາມເຂັ້ມແຂງ ແລະ ຄວາມພ້ອມໃຫ້ແກ່ນັກກິລາ ແຕ່ລະປະເພດທາງແຂວງໄດ້ ນຳເອົາຄູຝຶກ ແລະ ນັກກິລາ ເຂົ້ານອນສູນຝຶກຊ້ອມເປັນເວ ລາ 1 ເດືອນ ໂດຍໃຫ້ນັກກິລາ ລົງເດີ່ນຝຶກຊ້ອມເປັນປະຈຳໃນ ແຕ່ລະວັນໃຫ້ຖືກຕາມເວລາ, ຄວບຄຸມອາຫານການກິນໃຫ້ ຖືກຕາມຫຼັກໂພສະນາການ, ພັກຜ່ອນໃຫ້ພຽງພໍ ເພື່ອໃຫ້ ຮ່າງກາຍມີຄວາມສົມບູນ ແລະ ມີຄວາມພ້ອມໃນການເຂົ້າສູ່ ການແຂ່ງຂັນຕົວຈິງ. ທ່ານຍັງ ໃຫ້ຮູ້ອີກວ່າ ສຳລັບກິລາປາຍ ແຫຼມຂອງແຂວງຊຽງຂວາງທີ່ ຈະມີໂອກາດນຳຫຼຽນລາງວັນ ມາໃຫ້ທາງແຂວງນັ້ນກໍຄື: ແລ່ນ - ລານ, ເທຄວັນໂດ,ໝາກຂ່າງ ແລະ ໜ້າເກັກ. ສ່ວນກິລາປະ ເພດອື່ນໆກໍຈະພະຍາຍາມ ເຮັດໃຫ້ດີທີ່ສຸດ. ດັ່ງນັ້ນ, ຈຶ່ງຂໍຮຽກຮ້ອງມາ ຍັງຊາວຊຽງຂວາງທຸກຖ້ວນໜ້າ ຈົ່ງພ້ອມກັນສົ່ງແຮງຈິດແຮງ ໃຈໄປຮ່ວມຊົມຮ່ວມເຊຍໃຫ້ ກຳລັງໃຈແກ່ທັບກິລາແຂວງ ຊຽງຂວາງຄັ້ງນີ້ດ້ວຍ. (ຂ່າວ: ຄານສີສະຫວັນ ພົງພັກດີ)