ອາຄານຮູບແບບຍານອາວະກາດ


...

ຮຽບຮຽງໂດຍ : ບຸນຄົງ ມິດຕະພອນ  
  ບໍລິສັດ Apple ກຳລັງ ຈະສຳເລັດການກໍ່ສ້າງອາຄານ ແມ່ຂອງບໍລິສັດຢູ່ທາງພາກ ເໜືອ ຂອງຄາລິຟໍເນຍ ສະຫະ ລັດອາເມຣິກາ. ເຈົ້າໜ້າທີ່ ບໍລິສັດກ່າວວ່າ: ບໍລິສັດມີແຜນ ຈະຍ້າຍເຂົ້າໄປຢູ່ອາຄານໃໝ່ ນີ້ໃນປີ 2017. ແຫຼ່ງຂ່າວໃນອາເມຣິກາ ລາຍງານວ່າ: ໂຄງການກໍ່ສ້າງ ອາຄານດັ່ງກ່າວ ເລີ່ມຂຶ້ນໃນ ປີ 2013 ແລະ ມູນຄ່າຂອງ ໂຄງການຄາດວ່າຈະແມ່ນ 5 ຕື້ໂດລາສະຫະລັດ. ໂຄງປະ ກອບຫຼັກຂອງອາຄານບໍລິສັດ ແມ່ນສ້າງໃຫ້ເປັນຮູບວົງມົນທີ່ ມີຝາເປັນແກ້ວໃນທຸກດ້ານ. ມັນສູງ 4 ຊັ້ນຈາກໜ້າດິນ. ຫົວໜ້າບໍລິສັດແອັບໂປ ຜູ້ເກົ່າ ທ່ານ ສະເຕັບຈັອຟ ຊຶ່ງ ຄັ້ງໜຶ່ງໄດ້ພັນລະນາເຖິງອາ ຄານໃນອະນາຄົດວ່າ: ມັນ ຄ້າຍຄືກັບຈານບິນກຳລັງລົງ ຈອດ. ທ່ານ ຈັອຟ ໄດ້ສະເໜີ ແຜນຂອງໂຄງການຕໍ່ເຈົ້າໜ້າ ທີ່ ທ້ອງຖິ່ນໃນປີ 2011 ກ່ອນ ລາວຈະເສຍຊີວິດ 1 ເດືອນວ່າ: ລາວຕັ້ງໃຈເຮັດໃຫ້ອາຄານງົດ ງາມທັງພາຍໃນ ແລະ ພາຍ ນອກ. ລາວຍັງກ່າວອີກວ່າ: ອາຄານນີ້ໄດ້ນຳໃຊ້ແຜ່ນແກ້ວ ທັງໝົດໂຄ້ງໄປຕາມແຜນຂອງ ອາຄານ ແລະ ມັນຈະບໍ່ມີຈັກ ແຜ່ນແກ້ວເລີຍທີ່ຊື່. ອາຄານ ຫຼັກແມ່ນເຮືອນແກ້ວໂຄ້ງທີ່ ໃຫຍ່ທີ່ສຸດໃນໂລກ. ແມ່ນແກ້ວ ທີ່ຕັດຫຼາຍພັນປ່ຽງຖືກນຳໃຊ້ ເຮັດຝາເຮືອນທີ່ສາມາດ ເນັ່ງ ຍາວຢຽດອອກໄດ້ເຖິງ 6 ກິ ໂລແມັດ. ອາຄານນີ້ລວມມີຫ້ອງ ປະຊຸມ ແລະ ຫ້ອງແນະນຳສິນ ຄ້າມີເຖິງ 1.000 ຕັ່ງ. ມີຫ້ອງ ຫຼິ້ນກິລາ ສຳລັບພະນັກງານ ເຊັ່ນດຽວກັບມີເຂດນັ່ງຫຼິ້ນ ແລະ ເຂດຫ້ອງອາຫານ, ອາຄານນີ້ ສ້າງຂຶ້ນເພື່ອສາມາດບັນຈຸພະ ນັກງານໄດ້ຫຼາຍກວ່າ 14.000 ຄົນ. ອາຄານນີ້ຍັງມີຫ້ອງຄົ້ນ ຄວ້າ ແລະ ຫ້ອງທົດລອງ. ມີ ສູນໄຟຟ້າຮັບໃຊ້ພາຍໃນ. ບໍລິສັດດັ່ງກ່າວຍັງເວົ້າ ວ່າ: ອາຄານນີ້ຈະນຳໃຊ້ພະລັງ ງານສະອາດ 100% ຜູ້ອອກ ແບບເອີ້ນອາຄານນີ້ວ່າ: ແມ່ນ ໂຄງການໜຶ່ງທີ່ເປັນມິດກັບສິ່ງ ແວດລ້ອມແບບຍືນຍົງທີ່ສຸດ ໃນໂລກ. ດ້ານໃນ ແລະ ອ້ອມ ແອ້ມອາຄານຈະມີຕົ້ນໄມ້ໃບ ຫຍ້າປະດັບແບບດຽວກັບສວນ ສາທາລະນະ, ຈະມີຕົ້ນໄມ້ ແລະ ພືດອື່ນໆ 8.000 ຕົ້ນ. ທ່ານ ສະຕິບຈັອຟ ເວົ້າວ່າ: ເປົ້າ ໝາຍຂອງລາວແມ່ນເຮັດໃຫ້ ອາຄານເປັນສີຂຽວເຖິງ 80%. ສະຖານທີ່ຈອດລົດແມ່ນຊຸກ ເຊື່ອງໄວ້ໃຕ້ດິນ. ຈະມີທາງສຳ ລັບລົດຖີບ ແລະ ບໍລິສັດມີລົດ ຖີບໃຫ້ພະນັກງານຂີ່. ເປົ້າໝາຍທາງດ້ານວິສະ ວະກອນ ແລະ ການອອກແບບ ແມ່ນໃຫ້ສົມບູນແບບ ແລະ ມີ ຊີວິດຊີວາ. ພະນັກງານຂອງບໍ ລິສັດຄົນໜຶ່ງເວົ້າວ່າ: ທຸກໆ ລາຍລະອຽດບໍ່ວ່າຈະແມ່ນ ເລື່ອງເລັກໜ້ອຍທຸກຄັ້ງຕ້ອງ ໄດ້ຂໍຄຳເຫັນດີຈາກຜູ້ຈັດການ ຂອງ Apple. ວັດຖຸທຸກອັນ ແລະ ການປະຕິບັດງານທຸກ ຢ່າງຖືກກວດ ແລະ ກວດຄືນອີກ ໂດຍທີມງານຂອງຜູ້ຮັບເໝົາ ກໍ່ສ້າງຂອງບໍລິສັດ. ກຳມະ ກອນຕ້ອງໄດ້ໃສ່ຖົງມືທຸກຄັ້ງ ເພື່ອປ້ອງກັນການເປ່ເພເສຍ ຫາຍຂອງອາຄານໃໝ່ນີ້.