ສີລັງກາ ວາງແຜນເພີ່ມລາຍຮັບ ໃຫ້ຄົນໃນຊາດ


...

   ( ເນື່ອງໃນໂອກາດວັນຊາດ ສີລັງກາ 4 ກຸມພາ ) ຮຽບຮຽງໂດຍ: ບຸນຄົງ ມິດຕະພອນ    ສີລັງກາ ຫຼື ຊື່ທາງການ ວ່າ: ສາທາລະນະລັດ ສັງຄົມ ນິຍົມ ປະຊາທິປະໄຕ ສີລັງກາ ເປັນຊາດທີ່ເປັນເກາະຕັ້ງຢູ່ ອາຊີໃຕ້ ແລະ ຖືກອ້ອມລ້ອມ ໄປດ້ວຍມະຫາສະໝຸດອິນ ເດຍ, ອ່າວມັນນາ, ຊ່ອງແຄບ ປອກ, ສີລັງກາແມ່ນປະເທດ ທີ່ຢູ່ໃກ້ກັບອິນເດຍ ແລະ ມານ ດິບ, ນະຄອນຫຼວງ ຂອງປະ ເທດນີ້ ແມ່ນ ໂກລຳໂບ. ທ່ານ ຣານິວ ນາຍົກລັດ ຖະມົນຕີສີລັງກາ ໄດ້ສະເໜີ ແຜນພັດທະນາເສດຖະກິດ 5 ປີ ຂອງປະເທດຕໍ່ສະພາບໃນ ທ້າຍປີກາຍວ່າ: ລັດຖະບານ ໄດ້ເຮັດວຽກຢ່າງຫ້າວຫັນ ເພື່ອ ເພີ່ມລາຍຮັບໃຫ້ຄົນໃນຊາດ ເພື່ອເລັ່ງການບໍລິໂພກພາຍໃນ ແລະ ເນັ້ນໜັກວ່າການແຕກ ໂຕນກັນທາງດ້ານລາຍຮັບສົມ ຄວນໄດ້ຮັບການແກ້ໄຂ. ຜູ້ນຳປະເທດນີ້ ຍັງກ່າວ ອີກວ່າ: ລັດຖະບານມີເປົ້າໝາຍ ສົ່ງເສີມລາຍຮັບຂອງສີລັງກາ ໃຫ້ເພີ່ມຂຶ້ນສອງເທົ່າຂອງລາຍ ຮັບປັດຈຸບັນ. ທ່ານກ່າວວ່າ: ອັດຕາການຂະຫຍາຍຕົວທາງ ເສດຖະກິດໃນປັດຈຸບັນແມ່ນ 5% ຈະເຮັດໃຫ້ແຜນການເພີ່ມ ລາຍຮັບສຳເລັດໃນປີ 2033. ຖ້າຢາກໃຫ້ລາຍຮັບເພີ່ມຂຶ້ນ 2 ເທົ່າ ໃນປີ 2025 ອັດຕາການ ເຕີບໂຕທາງເສດຖະກິດຕໍ່ປີກໍ ຕ້ອງແມ່ນ 7% ຕໍ່ປີ. ທ່ານກ່າວວ່າ: ພວກເຮົາ ຕ້ອງການອັດຕາເຕີບໂຕສູງ ຢ່າງໝັ້ນທ່ຽງ ເພື່ອບັນລຸຜົນ ສຳເລັດນີ້. ດ້ານໜຶ່ງແມ່ນຈາກ ການສົ່ງອອກຕ້ອງສູງ ແລະ ການບໍລິໂພກພາຍໃນແຂງ ແຮງ. ການສົ່ງອອກຂອງພວກ ເຮົາບັນລຸ 11 ຕື້ໂດລາສະຫະ ລັດ, ໃນນັ້ນ ພາກເຄື່ອງນຸ່ງຫົ່ມ ບັນລຸ 5 ຕື້ໂດລາສະຫະລັດ. ເພື່ອອອກຈາກຄວາມຍາກຈົນ ພວກເຮົາຕ້ອງການໆລົງທຶນ ຂອງຕ່າງປະເທດຢ່າງມະຫາ ສານ ແລະ ເລັ່ງການເຕີບໂຕ ຂອງປະເທດ. ເຈົ້າໜ້າທີ່ລະດັບສູງຂອງ ລັດຖະບານສີລັງກາ ກ່າວໃນປີ ກາຍວ່າ: ລັດຖະບານມີແຜນ ການສົ່ງເສີມການລົງທຶນຈາກ ຕ່າງປະເທດ ໂດຍຕັ້ງເປົ້າໝາຍ ໃຫ້ບັນລຸ 5 ຕື້ໂດລາສະຫະລັດ ໃນ 3 ປີຕໍ່ໜ້າ ຊຶ່ງປີຜ່ານມາ ສາມາດດຶງດູດການລົງທຶນ ຈາກຕ່າງປະເທດ ຫຼື FDI ໄດ້ 800 ລ້ານໂດລາສະຫະລັດ. ແຜນການນີ້ຖືກຂັບເຄື່ອນໂດຍ ກະຊວງການຄ້າສາກົນ ແລະ ວາງແຜນພັດທະນາ. ເພື່ອຈັດຕັ້ງແຜນນຂ້າງ ເທິງນັ້ນລັດຖະບານສີລັງກາ ໄດ້ຈັດຕັ້ງກອງປະຊຸມສົ່ງເສີມ ການລົງທຶນ. ສີລັງກາວາງແຜນ ພັດທະນາເມືອງທິນໂກ ມາລີ ໃນພາກຕາເວັນອອກຂອງປະ ເທດ ແລະ ຈະຖືກສ້າງໃຫ້ເປັນ ເຂດເສດຖະກິດພິເສດ ໂດຍ ການລົງທຶນຈາກນັກລົງທຶນ ຈີນ. ນອກນີ້ ຍັງຈະສ້າງໂຮງ ໄຟຟ້າຖ່ານຫີນ 2 ແຫ່ງ ທີ່ມີ ກຳລັງການຜະລິດ 500 ເມກາ ວັດ ໃນແຕ່ລະແຫ່ງໂດຍການ ລົງທຶນຂອງຍີ່ປຸ່ນ. ສ່ວນເດີ່ນ ບິນພາຍໃນປະເທດຈະຖືກ ສ້າງຂຶ້ນໃນເມືອງບັດຕີໂກໂລ ເພື່ອດຶງດູດນັກທ່ອງທ່ຽວມາ ພາກຕາເວັນອອກ. ລັດຖະບານປະເທດນີ້ ຍັງ ວາງແຜນພັດທະນາປະເທດ ໃຫ້ກາຍເປັນສູນກາງດ້ານເສດ ຖະກິດ ແລະ ການຄ້າຂອງອາ ຊີ. ສີລັງກາກຳລັງຈະເຮັດຂໍ້ຕົກ ລົງການຮ່ວມມືດ້ານເຕັກໂນ ໂລຊີ ແລະ ເສດຖະກິດກັບ ອິນເດຍ ແລະ ປາກິສຖານ ລວມທັງສົ່ງເສີມຂໍ້ຕົກລົງການ ຄ້າເສລີກັບ 2 ປະເທດນີ້ ລວມ ທັງຈີນ ແລະ ສິງກະໂປທີ່ເປັນ ຕະຫຼາດໃໝ່. ວິໄສທັດຂອງລັດ ຖະບານແມ່ນກ່ຽວຂ້ອງກັບ ພາກສ່ວນເອກະຊົນທີ່ຈະເປັນ ແຮງຂັບເຄື່ອນການສ້າງວຽກ ເຮັດງານທຳ, ການສ້າງລາຍ ຮັບ ແລະ ການຊຸກຍູ້ການເຕີບ ໂຕດ້ານເສດຖະກິດ. ສີລັງກາ ມີເນື້ອທີ່ທັງໝົດ ປະມານ 65.610 ກິໂລແມັດ ມົນທົນ, ມີພົນລະເມືອງ 20.277.560 ຄົນ, GDP ຂອງ ປະເທດໃນປີ 2016 ແມ່ນ 82,239 ຕື້ໂດລາສະຫະລັດ, ລາຍໄດ້ສະເລ່ຍຕໍ່ຫົວຄົນແມ່ນ 3.870 ໂດລາສະຫະລັດຕໍ່ຄົນ ຕໍ່ປີ. (ສະກຸນເງິນຂອງປະເທດ ແມ່ນຣູບປີ ສີລັງກາ) ສປປ ລາວ ແລະ ສີລັງກາ ສ້າງຕັ້ງສາຍພົວພັນທາງການ ທູດນຳກັນໃນວັນທີ 2 ກໍລະກົດ 1965.