ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນຊຸດໃໝ່ ໄຂຂຶ້ນຢູ່ນະຄອນຫຼວງປັກກິ່ງ


   ວິທະຍຸສາກົນແຫ່ງປະເທດຈີນລາຍງານວ່າ: ເພື່ອລະນຶກການປະຕິຮູບເປີດປະຕູສູ່ພາຍນອກຂອງຈີນຄົບຮອບ 40 ປີ, ປຶ້ມ "ຄົ້ນຄວ້າແນວຄິດການປະຕິຮູບເປີດປະຕູສູ່ພາຍນອກຂອງທ່ານສີຈິ້ນຜິງ" ໄດ້ພິມຈຳໜ່າຍໂດຍສຳນັກພິມຈຳໜ່າຍປະຊາຊົນໃນຫວ່າງມໍ່ໆມານີ້. ປຶ້ມດັ່ງກ່າວແມ່ນປື້ມທີ່ບັນຍາຍແນວຄິດຂອງທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນກ່ຽວກັບການປະຕິຮູບເປີດປະຕູສູ່ພາຍນອກຮອບດ້ານຫົວທຳອິດ. ປື້ນດັ່ງກ່າວ, ໄດ້ບັນຍາຍເບື້ອງຫຼັງປະຫວັດສາດ, ແຫຼ່ງທິດສະດີທີ່ແນວຄິດການປະຕິຮູບເປີດປະຕູສູ່ພາຍນອກຂອງທ່ານ ສີຈິ້ນຜິງ ຈໍ່ຕົວຂຶ້ນຢ່າງເປັນລະບົບ, ໄດ້ອະທິບາຍການປະກອບສ່ວນທີ່ສຳຄັນດ້ານທິດສະດີຂອງແນວຄິດການປະຕິຮູບເປີດປະຕູສູ່ພາຍນອກຂອງທ່ານ ສີຈິ້ນຜິງ ຢ່າງເລິກເຊິ່ງ, ຕົ້ນຕໍໄດ້ຄົ້ນຄວ້າ ແລະ ວິເຄາະແນວຄິດການປະຕິຮູບເປີດປະຕູສູ່ພາຍນອກທີ່ກ່ຽວພັນກັນຢ່າງໃກ້ຊິດກັບການຈັດວາງໂດຍລວມ "ການພັດທະນາພາລະກິດ 5 ດ້ານຢ່າງເປັນເອກະພາບກັນ". ປຶ້ມຫົວນີ້ ໄດ້ວິເຄາະລະບົບທິດສະດີຂອງແນວຄິດການປະຕິຮູບເປີດປະຕູສູ່ພາຍນອກຂອງທ່ານ ສີຈິ້ນຜິງ ຢ່າງຮອບດ້ານຈາກ 9 ດ້ານຄື: ກຳໂອກາດໃໝ່ການປະຕິຮູບ ແລະ ການພັດທະນາ, ຊຸກຍູ້ການປະຕິຮູບອົງປະກອບດ້ານການສະໜອງ, ປະຕິບັດການພົວພັນ ລະຫວ່າງ ລັດຖະບານ ແລະ ຕະຫຼາດຢ່າງຖືກຕ້ອງ, ສ້າງປະເທດສັງຄົມນິຍົມທີ່ມີວັດທະນະທຳເຂັ້ມແຂງ, ສ້າງສະຖານະການປົກຄອງສັງຄົມຮ່ວມກັນ ແລະ ແບ່ງປັນຜົນປະໂຫຍດຮ່ວມ, ສ້າງປະເທດຈີນທີ່ສວຍງາມ, ປະຕິບັດຂໍ້ລິເລີ່ມ "ໜຶ່ງແລວໜຶ່ງເສັ້ນທາງ", ສ້າງປະຊາຄົມຮ່ວມຊາຕາກຳຂອງມວນມະນຸດ ແລະ ຢຶດໝັ້ນການນຳພາຂອງພັກໃນຂະບວນການປະຕິຮູບເປີດປະຕູສູ່ພາຍນອກ