ສປປ ລາວ ຈະ​ເປັນ​ປະ­ເທດ​ກິດ​ຕິ​ມະ​ສັກ​ຂອງ​ງານວາງ­ສະ­ແດງ​ສິນ­ຄ້າ ຈີນ​-​ອາ​ຊຽນ

 

26.09.2019 10:02     

   ວິທະຍຸ​ສາກົນ​ແຫ່ງ​ປະ ເທດ​ຈີນ​ລາຍ​ງານ​ກອງ​ປະຊຸມ​ເຈົ້າ​ໜ້າທີ່​ອາວຸໂສ​ຂອງ​ງານ​ວາງສະແດງ​ສິນຄ້າ​ຈີນ​-​ອາ​ຊຽນ​ຄັ້ງ​ທີ 16 ໄດ້​ຈັດ​ຂຶ້ນ​ຢູ່​ນະຄອນ​ໜານ​​ໜິງ ເຂດ​ປົກຄອງ​ຕົນ​ເອງ​ເຜົ່າ​ຈ້ວງ​ກວາງຊີ ສປ ຈີນ​ໃນ​ວັນ​ທີ 23 ກັນຍາ​ຜ່ານ​ມາ, ກອງ​ປະຊຸມ​ໄດ້​ກຳນົດ​ໃຫ້ ສປປ ລາວ​ເປັນ​ປະເທດ​ກິ​ດຕິ​ມະ​ສັກ​ຂອງ​ງານ​ວາງສະແດງ​ສິນຄ້າ​ຈີນ​-​ອາ​ຊຽນ​ຄັ້ງ​ທີ 17.

   ເຈົ້າ​ໜ້າທີ່​ກົມ​ອາຊີ​ກະ ຊວງ​ການ​ຄ້າ​ຈີນ​ໄດ້​ເປີດເຜີຍ​ໃນ​ກອງ​ປະຊຸມ​ເຈົ້າ​ໜ້າທີ່​ອາ ວຸໂສ​ດັ່ງກ່າວ​ວ່າ:  ຕາມ​ແຜນທີ່​ໄດ້​ກຳນົດ​ໃນ​ເບື້ອງ​ຕົ້ນ, ງານ​ວາງສະແດງ​ສິນຄ້າ​ຈີນ​-​ອາ​ຊຽນ​ຄັ້ງ​ທີ 17 ຈະ​ຈັດ​ຂຶ້ນ​ແຕ່​ວັນ​ທີ 18-21 ກັນຍາ 2020 ໂດຍ​ຈະ​ປິ່ນ​ອ້ອມ 5 ຫົວຂໍ້​ໃຫຍ່​ຄື:  ການ​ຄ້າ​ສິນຄ້າ, ການ​ຮ່ວມ​ມື​ດ້ານ​ການ​ລົງທຶນ, ການ​ຄ້າ​ການ​ບໍລິການ, ເຕັກ​ໂນ​ໂລ​ຊີ​ທີ່​ກ້າວໜ້າ​ທັນ​ສະໄໝ ແລະ ເມືອງ​ສະ​ເໜ່.

   ເຈົ້າ​ໜ້າທີ່​ທ່ານ​ນີ້​ຍັງ​ໃຫ້​ຮູ້​ວ່າ: ປີໜ້າ​ເປັນ​ປີ​ຄົບຮອບ 10 ປີ​ທີ່​ຈີນ​-​ອາ​ຊຽນ​ສ້າງຕັ້ງ​ເຂດ​ການ​ຄ້າ​ເສລີ​ສຳເລັດ, ຈີນ​ຍິນດີ​ຮ່ວມ​ກັບ​ບັນດາ​ຝ່າຍ​ໃນ​ອາ​ຊຽນ ໃນ​ການ​ປັບປຸງ​ກົນ​ໄກ​ຮ່ວມ​ກັນ​ຈັດ​ງານ​ພາຍ​ໃນ 11 ປະເທດ​ໃຫ້​ສົມບູນ, ປິ່ນ​ອ້ອມ​ການ​ສ້າງ "ໜຶ່ງ​ແລວ​ໜຶ່ງ​ເສັ້ນທາງ", ເປີດ​ກວ້າງ​ການ​ຮ່ວມ​ມື​ໃຫ້​ເຂົ້າ​ສູ່​ລ່ວງ​ເລິກ,  ປະກອບສ່ວນ​ຫຼາຍ​ກວ່າ​ເກົ່າ​ເຂົ້າ​ໃນ​ການ​ຮັບປະກັນ​ການ​ສ້າງສາ​ພັດທະນາ ແລະ ຍົກ​ລະດັບ​ເຂດ​ການ​ຄ້າ​ເສລີ​ຈີນ​-​ອາ​ຊຽນ​ໃຫ້​ສູງ​ຂຶ້ນ, ຮ່ວມ​ກັນ​ສ້າງ​ປະຊາ​ຄົມ​ຮ່ວມ​ຊາຕາກຳ​ຈີນ​-​ອາ​ຊຽນ​ໃຫ້​ແໜ້ນ​ແຟ້ນ​ຍິ່ງ​ຂຶ້ນ.
  ຂ່າວ​ແຈ້ງ​ຕື່ມ​ວ່າ: ຕາມ​ແຜນການ, ງານ​ວາງສະແດງ​ສິນຄ້າ​ຈີນ​-​ອາ​ຊຽນ​ຈະ​ຈັດ​ງານ​ວາງສະແດງ​ສັນຈອນ​ຢູ່ ລາວ, ມຽນ​ມາ ແລະ ໄທ​ໃນ​ປີ​ໜ້າ.