ຫວຽດ­ນາມ ກາຍ­ເປັນ​ຈຸດ​ພົ້ນ​ເດັ່ນ​ໃນ​ການ​ດຶງ​ດູດເງິນ​ລົງ­ທຶນ​ໃໝ່

 

 

15.10.2019 9:37     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ຫວຽດນາມ ພວມ​ກາຍເປັນ​ຈຸດ​ພົ້ນ​ເດັ່ນ​ໃນ​ການ​ດຶງ​ດູດ​ເງິນ​ລົງທຶນ​ຈາກ​ຕ່າງ ປະເທດ ຢູ່ອາຊີ​ຕາເວັນ​ອອກ​ສ່ຽງ​ໃຕ້ (ອາ​ຊຽນ). ຕາມ​ການ​ສັງເກດ​ຂອງ​ທ່ານ ຊາມ​ຊອງ​ວີ ຜູ້ອຳນວຍການ​ໃຫຍ່​ຄຸ້ມ​ຄອງ ແລະ ໃຫ້​ຄຳ​ປຶກສາ​ການ​ລົງທຶນ​ຕ່າງປະເທດ​ຂຶ້ນ​ກັບ​ທະນາຄານ United Overseas Bank.

   ໃນ​ບົດ​ວິເຄາະ​ກ່ຽວ​ກັບສະ ພາບ​ການ​ເສດຖະກິດ​ພາກ​ພື້ນ ​ທີ່​ລົງ​ໃນ ໜັງສືພິມ ຂອງ​ສິງກະ ໂປໃນ​ວັນ​ທີ 9 ຕຸລາ​ຜ່ານ​ມາ, ໄດ້​ສະແດງ​ໃຫ້​ເຫັນ​ວ່າ: ໃນ​ຊຸມ​ປີ​ມໍ່ໆ​ນີ້, ແຫຼ່ງ​ເງິນ​ທຶນ​ລົງທຶນ​ໂດຍ​ກົງ​ຈາກ​ຕ່າງປະເທດ​ເຂົ້າ​ຕະຫຼາດ​ຫວຽດນາມ ໄດ້​ເພີ່ມ​ຂຶ້ນ​ຢ່າງ​ບໍ່​ຢຸດ​ຢັ້ງ. ໂຕ​ເລກ​ສະ ຖິຕິ​ຂອງ​ກອງ​ປະຊຸມ​ກ່ຽວ​ກັບ​ການ​ຄ້າ ແລະ ພັດທະນາ ສປຊ (UNCTAD) ສະແດງ​ໃຫ້​ເຫັນ​ວ່າ: ປິ 2018, ຫວຽດນາມ ດຶງ​ດູດ​ເງິນ​ລົງທຶນ​ໂດຍ​ກົງ​ຈາກ​ຕ່າງປະເທດ (FDI) ໄດ້​ເຖິງ 16 ຕື້​ໂດ​ລາ. ພ້ອມ​ກັນ​ນັ້ນ, ກະຊວງ​ແຜນການ ແລະ ການ​ລົງທຶນ ຫວຽດນາມ ກໍໄດ້​ປະກາດ​ບົດ​ລາຍ​ງານ​ໃຫ້​ຮູ້​ວ່າ: ໃນ 9 ເດືອນ​ຕົ້ນ​ປີ​ນີ້ ຫວຽດນາມ, ດຶງ​ດູດ ເງິນ​ລົງທຶນ FDI ໄດ້​ຫຼາຍ​ກວ່າ 18,4 ຕື້​ໂດ​ລາ, ການ​ເຕີບ​ໂຕ​ກ່ຽວ​ກັບ​ເສດຖະກິດ ແລະ ອຸດສາຫະກຳ ຈະ​ຊ່ວຍ​ໃຫ້ ຫວຽດນາມ ຍາມ​ໃດ​ກໍເປັນ​ຄູ່​ຮ່ວມ​ມື ແລະ ຕະ ຫຼາດ ທີ່​ສຳຄັນ​ໃນ​ພາກ​ພື້ນ​ອາຊີ​ຕາເວັນ​ອອກ​ສ່ຽງ​ໃຕ້ ໃນ 10 ປີ​ຈະ​ມາ​ເຖິງ.  

   ຂະນະ​ດຽວ​ກັນ, ກະຊວງ​ອຸດສາຫະກຳ ແລະ ການ​ຄ້າ​ຫວຽດນາມ ປະກາດ​ວ່າ: ມາ​ ຮອດ​ທ້າຍ​ໄຕ​ມາດ​ທີ III ປີ 2019, ການ​ສົ່ງ​ອອກ​ຂອງກຸ່ມ ​ວິ​ສາ​ຫະ​ກິດ​ທີ່​ມີ​ເງິນ​ລົງທຶນ​ພາຍ ​ໃນ​ປະເທດ 100% ຄາດ​ວ່າ: ບັນລຸ​ໄດ້​ເກືອບ 60 ຕື້​ໂດ​ລາ, ເພີ່ມ​ຂຶ້ນ​ເຖິງ 16,4% ເມ່ືອ​ທຽບໃສ່​ໄລຍະ​ດຽວ​ກັນ​ຂອງ​ປີ 2018.