ຣັດ​ເຊຍ ຢັ້ງ­ຢືນ​ຈະ​ສ້າງ​ບົດ­ບາດ​ສຳ­ຄັນຢູ່​ຕາ­ເວັນ​ອອກ​ກາງ

 

 

16.10.2019 9:28     

   ວິທະຍຸກະຈາຍສຽງຫວຽດ ນາມລາຍງານວ່າ: ວັນທີ 13 ຕຸລາຜ່ານມາ, ທ່ານ ວະລາດີ ເມຍ ປູຕິນ ປະທານາທິບໍດີ ຣັດເຊຍ ໄດ້ຢືນຢັນວ່າ: ມົດສະ ກູ ອາດຈະສ້າງບົດບາດຫຼັກຢູ່ ພາກພື້ນຕາເວັນອອກກາງ ຍ້ອນມີການພົວພັນອັນດີງາມ ກັບ ອີຣານ ແລະ ໂລກອາຣັບ.

   ຂ່າວລາຍງານວ່າ: ເມື່ອ ຕອບສຳພາດທາງໂທລະພາບ Al Arabiya ຂອງ ຊາອຸດິດ ອາຣາບີ ກ່ອນການເດີນທາງ ຢ້ຽມຢາມປະເທດລາຊະອານາ ຈັກອິສລາມນີ້ເປັນຄັ້ງທຳອິດ ໃນກວ່າທົດສະວັດທີ່ຜ່ານມາ, ທ່ານ ປູຕິນ ຊີ້ແຈງວ່າ: ຊາອຸດິດ ອາຣາບີ ແລະ ສະຫະລັດ ອາຣັບ ເອມີເຣດ (UAE) ລ້ວນແຕ່ ບໍ່ ຢາກໃຫ້ເກີດ ບັນຫາກັບ ອີຣານ. ການນຳ ຣັດເຊຍ ຢືນຢັນວ່າ: ທ່ານ ກໍມີການພົວພັນໃນນາມ ສ່ວນຕົວທີ່ສະໜິດສະໜົມ ກັບອົງມົງກຸດລາຊະກຸມມານ ໂມຮາເໝັດ ບິນ ຊານມານ ແຫ່ງ ຊາອຸດິດ ອາຣາບີ.

   ກ່ຽວຂ້ອງເຖິງບັນຫາ ອີຣານ, ທ່ານ ປູຕິນ ຖືວ່າ: ໂຄງການລູກສອນໄຟຂອງປະ ເທດສາທາລະນະລັດ ອິສລາມ ຄວນໄດ້ຮັບການແກ້ໄຂຕ່າງ ຫາກ ໂດຍບໍ່ກ່ຽວກັບໂຄງການ ນິວເຄລຍຂອງ ເຕເຮຣານ.

   ໃນຂົງເຂດນ້ຳມັນ, ທ່ານ ປູຕິນ ກ່າວວ່າ: ປະລິມານນ້ຳ ມັນທົ່ວໂລກຄວນໄດ້ຮັບການ ຫຼຸດຜ່ອນລົງໃນລະດັບທີ່ ເໝາະ ສົມ. ທ່ານຢືນຢັນວ່າ: ຈະ ຮ່ວມ ມືກັບ ຊາອຸດິດ ອາຣາບີ ແລະ ບັນດາຄູ່ຮ່ວມມືອື່ນໆ ເພື່ອສະ ກັດກັ້ນກົນອຸບາຍກໍ່ຄວາມຂາດສະຖຽນລະພາບໃນຕະຫຼາດ ນ້ຳມັນ.
ກ່ຽວກັບສະພາບການ ຊີຣີ, ທ່ານປະທານາທິບໍດີຣັດເຊຍ ຊີ້ແຈງວ່າ: ລັດຖະທໍາມະນູນໃໝ່ສະບັບໃດໆຢູ່ປະເທດຕາ ເວັນອອກກາງນີ້ ກໍຕ້ອງຮັບ ປະກັນສິດຜົນປະໂຫຍດໃຫ້ແກ່ ບັນດາກຸ່ມສາສະໜາ ແລະເຜົ່າ ພັນທັງໝົດ. ໄປຄຽງຄູ່ກັນນັ້ນ, ທ່ານ ປູຕິນ ເຊື່ອໝັ້ນວ່າ: ຊາອຸດິດ ອາຣາບີ ຈະເຮັດບົດບາດໃນການ ຊຸກຍູ້ຄວາມກ້າວໜ້າ ເພື່ອກ້າວ ໄປສູ່ຂໍ້ຕົກລົງການເມືອງຢູ່ ຊີຣີ.