ອີ​ຢູ​-​ອັງ­ກິດ ຍາກ​ທີ່​ຈະ​ບັນ­ລຸ​ໄດ້ຂໍ້​ຕົກ­ລົງ Brexit

 

 

16.10.2019 9:28     

   ວິທະຍຸກະຈາຍສຽງຫວຽດ ນາມລາຍງານວ່າ: ເປົ້າໝາຍ ບັນລຸໄດ້ຂໍ້ຕົກລົງພື້ນຖານກ່ຽວ ກັບເລື່ອງອັງກິດຖອນຕົວອອກ ຈາກສະຫະພາບເອີຣົບ (Brexit) ພາຍໃນເວລາ 48 ຊົ່ວໂມງ ຊຶ່ງທ່ານ ໂບຣິສ ຈອນສັນ ນາ ຍົກລັດຖະມົນຕີອັງກິດ ໄດ້ ວາງອອກໃນວັນທີ 11 ຕຸລາ ຜ່ານມາໄດ້ຖືກປະລາໄຊ ເມື່ອ 2 ຝ່າຍສະຫະພາບເອີຣົບ (ອີຢູ) ແລະ ອັງກິດ ສິ້ນສຸດບັນດາກອງ ປະຊຸມເຈລະຈາໃນວັນທີ 13 ຕຸລາ ຊຶ່ງບໍ່ບັນລຸໄດ້ບາດກ້າວ ບຸກທະລຸພົ້ນເດັ່ນໃດໆ.

   ຂ່າວລະບຸວ່າ: ໃນກອງປະ ຊຸມເພື່ອແຈ້ງ ໝາກຜົນກັບ ເອກອັກຄະລັດຖະທູດບັນດາ ປະເທດ ອີຢູ ຢູ່ບຣຸກແຊນ ປະເທດແບນຊິກ, ທ່ານ ໄມເຄິນ ບານີເອີ ຫົວໜ້າຄະນະເຈລະ ຈາ Brexit ຂອງ ອີຢູ ໃຫ້ຮູ້ວ່າ: ຂໍ້ສະເໜີກ່ຽວກັບພາສີຢູ່ຊາຍ ແດນ ໄອແລນ ຊຶ່ງຝ່າຍອັງກິດ ຍົກອອກມານັ້ນ ຍັງມີຄວາມ ສ່ຽງຫຼາຍຢ່າງທີ່ບໍ່ທັນໄດ້ຮັບ ການ ກວດກາເທື່ອ, ຍັງມີຈຸດບໍ່ ຈະ ແຈ້ງຫຼາຍຢ່າງ. ດັ່ງນັ້ນ, ອີຢູ ບໍ່ສາມາດສະໜັບສະໜູນໄດ້.

   ທ່ານ ໄມເຄິນ ບານີເອີ ກ່າວຢໍ້າວ່າ: ຄວາມສາມາດບັນ ລຸ ໄດ້ຂໍ້ຕົກລົງ Brexit ໃນອາ ທິດນີ້ຢູ່ກອງປະຊຸມສຸດຍອດ ອີຢູ ແມ່ນບໍ່ສາມາດ ເປັນໄປໄດ້, ຖ້າຫາກຝ່າຍອັງກິດ ບໍ່ຍົກອອກ ຂໍ້ສະເໜີໃໝ່ທີ່ດີ ກວ່ານັບແຕ່ ນີ້ຈົນຮອດວັນທີ 16 ຕຸລານີ້, ກ່ອນທີ່ກອງປະຊຸມສຸດ ຍອດອີຢູ ເລີ່ມດຳເນີນໃນວັນທີ 17 ຕຸລາ.