WTOຍອມ­ຮັບ​ເລື່ອງ​ອາ​ເມ​ຣິ​ກາ ຈັດ​ວາງ​ພາ­ສີ​ຕໍ່​ສິນ­ຄ້າ​ເອີ​ຣົບ

 

 

17.10.2019 9:39     

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ບັນດາ​ມາດ​ຕະການ​ດ້ານ​ພາສີ​ຂອງ ອາ​ເມ​ຣິ​ກາ ເພື່ອ​ແນໃສ່​ສິນຄ້າ​ໃຊ້​ສອຍ​ປະຈຳ​ວັນ​ຂອງ ເອີ​ຣົບ ອາດ​ຈະ​ມີ​ຜົນສັກສິດ​ໃນ​ວັນ​ທີ 18 ຕຸລາ​ນີ້.

  ຂ່າວ​ລາຍ​ງານ​ວ່າ: ອົງ ການ​ແກ້​ໄຂ​ການ​ຂັດ​ແຍ່ງ​ຂອງ​ອົງການ​ການ​ຄ້າ​ໂລກ (DSB), ລວມ​ມີ​ຜູ້ຕາງໜ້າ​ຈາກ 164 ປະເທດ​ສະມາຊິກ, ວັນ​ທີ 14 ຕຸລາ​ຜ່ານ​ມາ, ໄດ້​ອອກ​ຂໍ້​ຕົກລົງ​ອະນຸຍາດ​ໃຫ້ ອາ​ເມ​ຣິ​ກາ ຈັດ​ວາງ​ພາສີ​ສຳລັບ​ປະລິມານ​ສິນຄ້າ​ຂອງ ສະຫະພາບ​ເອີ​ຣົບ (EU) ກ່ຽວຂ້ອງ​ເຖິງ​ນະໂຍບາຍ​ໜູນ​ຊ່ວຍ​ຂອງ ອົງການ​ນີ້​

ສະຫງວນ​ໃຫ້​ແກ່ ບໍລິສັດ​ປະດິດ​ສ້າງ​ເຮືອບິນ Airbus ໂດຍ​ມີ​ມູນ​ຄ່າ 7,5 ຕື້​ໂດ​ລາ. ຫຼັງ​ຈາກ​ນັ້ນ, ບັນດາ​ມາດ​ຕະການ​ດ້ານ​ພາສີ​ຂອງ​ອາ​ເມ​ຣິ​ກາ ເພື່ອ​ແນໃສ່​ສິນຄ້າ​ໃຊ້​ສອຍ​ປະຈຳ​ວັນ​ຂອງ​ເອີ​ຣົບ ອາດ​ຈະ​ມີ​ຜົນ​ສັກສິດ​ໃນ​ວັນ​ທີ 18 ຕຸລາ​ນີ້.

  ໃນ​ວັນ​ດຽວ​ກັນ​ພາຍຫຼັງ​ອົງການ​ການ​ຄ້າ​ໂລກ (WTO) ອອກ​ຄຳ​ຕັດສິນ, ໃນ​ບົດ​ກ່າວ​ປາ​ໄສ, ທ່ານ​ນາງ ເຊ​ຊິ​ເລຍ ມາ​ມ​ສະ​ທຣອມ ກຳມະການ​ການ​ຄ້າ​ສະຫະພາບ​ເອີ​ຣົບ ຢັ້ງຢືນ​ວ່າ: ເອີ​ຣົບ​ຈະ​ຕໍ່ສູ້​ສຸດ​ກົກ​ສຸດ​ປາຍ ເພື່ອ​ແນໃສ່​ສະກັດ​ກັ້ນ​ບັນດາ​ມາດ​ຕະການ​ພາສີ​ຂອງ ອາ​ເມ​ຣິ​ກາ ເພື່ອ​ແນໃສ່​ສິນຄ້າ​ຂອງ EU ທີ່​ກ່ຽວຂ້ອງ​ເຖິງ​ນະໂຍບາຍ​ໜູນ​ຊ່ວຍ​ທີ່​ຜິດ​ກົດໝາຍ ຊຶ່ງ​ອົງການ​ນີ້​ສະຫງວນ​ໃຫ້ Airbus.