ຣັດ​ເຊຍ​-​ອາ​ຟຣິ​ກາ ຊຸກ­ຍູ້​ການ​ພົວ­ພັນ​ຮ່ວມ​ມື

24.10.2019 9:19     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະຊຸມ​ສຸດ​ຍອດ​ຄັ້ງ​ທຳອິດ ລະຫວ່າງ ຣັດ​ເຊຍ ແລະ ອາ​ຟຣິ​ກາ ຈະ​ດຳເນີນ​ໃນ​ລະຫວ່າງ​ວັນ​ທີ 23- 24 ຕຸລາ​ນີ້, ຢູ່​ນະຄອນ​ໂຊ​ຈີ, ສະຫະພັນ​ຣັດ​ເຊຍ.ນີ້​ແມ່ນ​ກອງ​ປະຊຸມ​ສຸດ​ຍອດ​ຄົບ​ຄະນະ​ຄັ້ງ​ທຳອິດ ໂດຍ​ມີ​ການ​ເຂົ້າ​ຮ່ວມ​ຂອງ​ການ​ນຳ​ບັນດາ​ປະເທດ​ອາ​ຟຣິ​ກາ ແລະ ການ​ນຳ​ບັນດາ​ອົງການ​ແຖວ​ໜ້າ​ຢູ່​ພາກ​ພື້ນ. ກອງ​ປະຊຸມ​ໄດ້​ຮັບ​ຄວາມ​ຫວັງ​ວ່າ ຈະ​ກາຍເປັນ​ຈຸດ​ເລີ່ມ​ຕົ້ນ​ໃນ​ການ​ສ້າງ​ການ​ພົວພັນ​ຄູ່​ຮ່ວມ​ມື​ສະເໝີພາບ ບົນ​ພື້ນຖານ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ.

   ຂ່າວ​ລະບຸ​ວ່າ: ຣັດ​ເຊຍ ຊຸກຍູ້​ການ​ພົວພັນ​ກັບ​ອາ​ຟຣິ​ກາ ອີງໃສ່​ພື້ນຖານ​ການ​ພົວພັນ​ທີ່​ເປັນ​ມູນເຊື້ອ​ອັນ​ດີງາມ ແລະ ຄວາມ​ສາມາດ​ບົ່ມ​ຊ້ອນ​ໃນ​ການ​ຮ່ວມ​ມື​ທີ່​ອຸດົມ​ສົມ​ບູນ. ຫວນ​ຄືນ​ປະຫວັດສາດຂອງ​ ການ​ພົວພັນ​ລະ​ຫວ່າງ 2 ຝ່າຍ, ຣັດ​ເຊຍ ໄດ້​ສວມ​ບົດບາດ​ສຳ ຄັນ​ໃນ​ໄລຍະ​ປົດ​ປ່ອຍ​ທະວີບ, ໜູນ​ຊ່ວຍ​ບັນດາ​ປະເທດ​ຢູ່​ທະ ວີບ​ອາ​ຟຣິ​ກາ ໃນ​ການ​ຕໍ່ສູ້​ຕ້ານ ​ລັດທິ​ລ່າ​ເມືອງ​ຂຶ້ນ, ການ​ຈຳ ແນກ​ເຜົ່າ​ພັນ. ຣັດ​ເຊຍ ໄດ້ຊ່ວຍ ​ໃຫ້​ປະຊາຊົນ​ອາ​ຟຣິ​ກາປົກ​ປັກ​ ຮັກສາ​ເອກະລາດ ແລະ ອະ ທິປະ​ໄຕ, ສ້າງສາ​ປະເທດ​ຊາດ, ສ້າງຕັ້ງ​ບັນດາ​ຮາກ​ຖານ​ຂອງ​ພື້ນຖານ​ເສດຖະກິດ​ແຫ່ງ​ຊາດ, ສ້າງ​ກຳລັງ​ປະກອບ​ອາວຸດ​ທີ່​ມີ​ຄວາມ​ສາມາດ​ໃນ​ການ​ຕໍ່​ສູ້. ບັນດາ​ນັກ​ຊ່ຽວຊານ​ໂຊ​ວຽດ, ປັດຈຸບັນ​ແມ່ນ​ຣັດ​ເຊຍ ໄດ້​ເຂົ້າ​ຮ່ວມ​ການ​ກໍ່ສ້າງ​ບັນດາ​ກິດຈະກຳ​ພື້ນຖານ​ໂຄງ​ລ່າງ​ສຳຄັນ, ບັນດາ​ໂຮງງານ​ໄຟຟ້າ​ນ້ຳຕົກ, ກໍ່ສ້າງ​ທາງ, ບັນດາ​ໂຮງງານ​ອຸດສາຫະກຳ​ຢູ່​ບັນດາ​ປະເທດ​ອາ​ຟຣິ​ກາ. ມີ​ປະຊາຊົນ​ອາ​ຟຣິ​ກາ ນັບ​ພັນໆ​ຄົນ​ໄດ້​ຮຽນ​ຈົບ​ຢູ່​ບັນດາ​ມະຫາວິທະຍາໄລ​ຂອງ​ຣັດ​ເຊຍ. ກ່ອນ​ໜ້າ​ນີ້, ທ່ານ ວະ​ລາ​ດີ​ເມຍ ປູ​ຕິນ ປະ ທານາທິບໍດີ​ຣັດ​ເຊຍ ຍັງ​ຢືນຢັນ​ວ່າ: ຈະ​ສ້າງ​ຍຸດທະສາດ​ຮ່ວມ​ມືພັດທະນາ​ອື່ນໆ​ກັບ​ບັນດາ​ປະເທດ​ຝ່າຍ​ຕາເວັນຕົກ ຫຼື ຈີນ.