ໂອ​ຕຣິດ ແມ່ນ​ໜຶ່ງ​ໃນ​ບັນ­ດາ​ປະ­ເທດ​ທີ່​ມີ​ການ​ສົ່ງ​ອອກ​ແຮ່​ທາດ​ທີ່​ສຳ­ຄັນ

25.10.2019 9:15
(ເນື່ອງ​ໃນ​ໂອ​ກາດ​ວັນ​ຊາດ ໂອ​ຕ​ຣິດ 26 ຕຸ​ລາ 2019)    

     ສາທາລະນະ​ລັດ​ໂອ​ຕຣິດ ເປັນ​ປະເທດ​ທີ່​ບໍ່​ມີ​ຊາຍ​ແດນ​ຕິດ​ກັບ​ທະເລ, ຕັ້ງ​ຢູ່​ໃຈກາງ​ຂອງ​ທະວີບ​ເອີ​ຣົບ, ມີ​ເນື້ອທີ່​ທັງ​ໝົດ 83.855 ກິໂລ​ຕາ​ແມັດ, ມີ​ພົນລະເມືອງ​ທັງ​ໝົດ 8,773 ລ້ານ​ຄົນ (ຂໍ້​ມູນ​ປີ 2017). ມີ​ຊາຍ​ແດນ​ທາງ​ດ້ານ​ເໜືອ​ຕິດ​ກັບ ສ.ເຊັກ ແລະ ເຢຍ​ລະ​ມັນ, ທາງ​ດ້ານ​ຕາເວັນ​ອອກ​ຕິດ​ກັບ​ສະ​ໂລ​ວາ​ກີ ແລະ ຮົງ​ກາ​ຣີ, ທາງ​ທິດໃຕ້​ຕິດ​ກັບ ສະ​ໂລ​ວາ​ນີ ແລະ ອີ​ຕາ​ລີ. ສ່ວນ​ດ້ານ​ຕາເວັນຕົກ​ຕິດ​ກັບ ສະ​ວິດ ແລະ ເລັກ​ເຕນ​ສະ​ເຕນ. ນະຄອນຫຼວງ​ຊື່ວ່າ ວຽນ​ນາ.

   ເສດຖະກິດ ທີ່​ເປັນ​ທ່າແຮງ​ໃຫ້​ກັບ​ປະເທດ ແມ່ນ​ຂະແໜງ​ອຸດສາຫະກຳ​ການທ່ອງທ່ຽວ ແລະ ການ​ບໍລິການ, ການ​ຄົ້ນຄວ້າ ແລະ ການ​ພັດທະນາ, ພະລັງງານ​ທົດ​ແທນ, ອຸດ​ສາ​ຫະ​ກໍາ​ລົດ ແລະ ອຸດສາຫະກຳ​ອອກ​ແບບ​ອາ​ຄານ. ລວມ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ ຫຼື GDP ບັນລຸ 416,6 ຕື້​ໂດ​ລາ (ຂໍ້​ມູນ​ປີ 2017), ອັດຕາ​ການ​ເຕີບ​ໂຕ​ຂອງ GDP 3%. ລາຍ​ໄດ້​ສະເລ່ຍ​ໃສ່​ຫົວ​ຄົນ​ບັນລຸ 47.290 ກວ່າ​ໂດ​ລາ. ຊັບພະຍາກອນ​ທຳ​ມະ​ຊາດ​ທີ່​ເປັນ​ທ່າແຮງ​ໃຫ້​ກັບ​ປະເທດ​ແມ່ນ ນ້ຳມັນ, ຖ່ານ​ຫີນ, ລິ​ກ​ໄນ, ປ່າໄມ້, ແຮ່​ເຫຼັກ. ສິນຄ້າ​ສົ່ງ​ອອກ​ຕົ້ນຕໍ ແມ່ນ​ອັນຍະ​ມະນີ ແລະ ເຄື່ອງ​ປະດັບ, ເຄື່ອງ​ແຕ່ງ​ກາຍ, ເຄື່ອງ​ສຳອາງ, ສະ​ບູ, ຜະລິດ​ຕະ​ພັນ​ຮັກສາ​ຜິວ, ລົດ ແລະ ອຸປະກອນ, ຜະລິດ​ຕະ​ພັນ​ຢາງ. ຕະຫຼາດ​ສົ່ງ​ອອກ​ທີ່​ສຳຄັນ​ຂອງ​ປະເທດແມ່ນ ​ເຢຍ​ລະ​ມັນ, ອີ​ຕາ​ລີ, ສະ​ວິດ, ຝຣັ່ງ. ຕະ ຫຼາດ​ນຳ​ເຂົ້າ​ຕົ້ນຕໍແມ່ນ​ ເຢຍ​ລະ​ມັນ, ອີ​ຕາ​ລີ, ສະ​ວິດ, ໂຮ​ນ​ລັງ. ສິນ ຄ້າ​ນຳ​ເຂົ້າ ແມ່ນ​ເຄື່ອງ​ກົນ​ຈັກ ແລະ ສ່ວນ​ປະກອບ, ຜະລິດ​ຕະ​ພັນ​ແກ້ວ ແລະ ແກ້ວ, ເພັດ​-​ພອຍ, ອັນຍະ​ມະນີ, ເງິນ, ຄຳ ແລະ ເຄ​ມີ.

   ໂອ​ຕຣິດ ແມ່ນ​ໜຶ່ງ​ໃນບັນ ດາ​ປະເທດ​ທີ່​ມີ​ການ​ສົ່ງ​ອອກ ​ແຮ່​ທາດ​ທີ່​ສຳຄັນ​ຕ່າງໆ​ເປັນ​ຈຳນວນ​ຫຼວງຫຼາຍ ໂດຍ​ສະ ເພາະ ຖ່ານ​ຫີນ ແລະ ເຫຼັກ. ໃນ​ປີ​ທີ່​ຜ່ານ​ມາ, ຍອດ​ການ​ສົ່ງ​ອອກ​ແຮ່​ທາດ​ກວມ​ເອົາ 51% ຂອງ​ມູນ​ຄ່າ​ການ​ສົ່ງ​ອອກ​ທັງ​ໝົດ. ປະເທດ​ຕົ້ນຕໍ​ທີ່​ໂອ​ຕຣິດ ສົ່ງ​ອອກ​ຄື: ຈີນ, ສ.ເກົາຫຼີ, ອິນ​ເດຍ, ຍີ່ປຸ່ນ ແລະ ອາ​ເມ​ຣິ​ກາ. ສ່ວນ​ອຸດສາຫະກຳ​ໃໝ່ ທີ່​ໂດດ​ເດັ່ນ​ໃນ​ຫຼາຍ​ປີ​ທີ່​ຜ່ານ​ມາ. ນອກຈາກ​ເໝືອງ​ແຮ່, ທຸລະ​ກິດ​ທຳອິດ​ທີ່​ກຳລັງ​ເຕີບ​ໂຕ​ຢ່າງ​ວ່ອງໄວ ແລະ ໄດ້​ຮັບ​ຄວາມ​ສົນໃຈ​ຫຼາຍ ແມ່ນ​ທຸລະ​ກິດ​ດ້ານ​ເຕັກ​ໂນ​ໂລ​ຊີ. ເຖິງ​ວ່າ ຈະ​ບໍ່​ໄດ້​ມີ​ບໍລິສັດ​ດ້ານ​ເຕັກ​ໂນ​ໂລ​ຊີ​ຂະໜາດ​ໃຫຍ່​ເຊັ່ນ: Apple ຫຼື Google, ແຕ່ ໂອ​ຕຣິດ ກຳລັງ​ເຕີບ​ໂຕ​ໃນ​ດ້ານ​ເຕັກ​ໂນ​ໂລ​ຊີ​ຫຼາຍ​ຂຶ້ນ. ປີ 2017 ຫຼາຍ​ກວ່າ 70,3% ຂອງ GDP ທັງ​ໝົດ ແມ່ນ​ມາ​ຈາກ​ຂະແໜງການ​ບໍລິການ ຈຶ່ງ​ບໍ່​ແປກ​ໃຈ​ທີ່​ໂອ​ຕຣິດ ໄດ້​ກາຍເປັນ​ແຫຼ່ງ​ພັດທະນາ​ເຕັກ​ໂນ​ໂລ​ຊີ​ໃໝ່ໆ ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ການ​ບໍ ລິການ​ເຫຼົ່າ​ນີ້, ບໍ່​ວ່າ​ຈະ​ເປັນ​ດ້ານ​ການ​ເງິນ, ກະສິກຳ, ການ​ແພດ ແລະ ການ​ສຶກສາ.

   ອີງ​ຕາມ​ລາຍ​ງານ​ຜົນ​ການ​ສຳຫຼວດ​ໃນ​ປີ 2019, ມີ​ບໍລິສັດ​ກ່ຽວ​ກັບ Fintech ເປີດ​ໂຕ​ແລ້ວ​ຫຼາຍ​ກວ່າ 700 ແຫ່ງ ແລະ ມີ​ເຖິງ 7 ບໍລິສັດ ທີ່​ຕິດ 100 ອັນ​ດັບ​ສູງ​ສຸດ​ຂອງ​ໂລກ ແລະ ຍັງ​ມີ​ບໍລິສັດ ທີ່​ກ່ຽວຂ້ອງ​ກັບ​ເຕັກ​ໂນ​ໂລ​ຊີ​ດ້ານ​ອື່ນໆ ອີກ​ຫຼາຍ​ຮ້ອຍ​ບໍລິສັດ ເປີດ​ໂຕ​ໃນ​ປີ​ທີ່​ຜ່ານມາ. ນອກຈາກ​ນີ້, ໂອ​ຕຣິດ ຍັງ​ຫັນ​ມາ​ອາ​​ໄສ​ພະລັງງານທາງ​ເລືອກ ​ຫຼາຍ​ຂຶ້ນ​ເຊັ່ນ: ການ​ສ້າງ​ຟາ​ມ​ພະລັງງານ​ແສງຕາ​ເວັນ (Solar cell)ທີ່​ໃຫຍ່​ທີ່​ສຸດ​ໃນ​ໂລກ ຖືກ​ພັດທະນາ​ໂດຍ​ບໍລິສັດ​ທີ່​ມີ​ຊື່​ດັງ​ຄື: Tesla ແລະ ເປີດ​ໃຫ້​ບໍລິການ​ໃນ​ປີ​ນີ້. ສໍາ​ລັບ​ການ​ສຶກສາ, ປັດຈຸບັນ ໂອ​ຕຣິດ ກາຍ​ເປັນ​ໜຶ່ງ​ໃນ​ປະເທດ​ທີ່​ຄົນ​ສົນໃຈ​ຢາກ​ໄປ​ຮຽນ​ຫຼາຍ​ທີ່​ສຸດ ແລະ ເປັນ​ປະເທດ​ທີ່​ມີ​ມະຫາວິທະຍາໄລ​ຕິດ 100 ອັນ​ດັບ​ຂອງ​ໂລກ, ສູງ​ສຸດ​ເປັນ​ອັນ​ດັບ​ທີ 3 ຂອງ​ໂລກ. ປັດຈຸບັນ, ໂອ​ຕຣິ​ດ ເຖິງ​ວ່າ​ຈະ​​ບໍ່​​ມີ​ປະຫວັດສາດ​ມາ​ຍາວ​ນານ ໂຕ​ເລກ​ເສດຖະກິດ​ອາດ​ຈະ​ບໍ່​ໄດ້​ສູງ ເມື່ອ​ທຽບ​ກັບ​ປະເທດ​ມະຫາ​ອຳນາດ​ອື່ນໆ ແຕ່​ກໍ​ມີ​ການ​ພັດທະນາ​ຕະຫຼອດ ຈົນ​ສາມາດ​ເຕີບ​ໂຕ​ຢ່າງ​ຕໍ່​ເນື່ອງ​ມາ​ເປັນ​ເວລາ​ຫຼາຍ​ກວ່າ 28 ປີ.

   ເຖິງ​ຢ່າງໃດ​ກໍຕາມ, ປີນີ້​ ແມ່ນ​ປີ​ທີທ້າ​ທາຍ​ສຳລັບ​ໂອ​ຕຣິດເນື່ອງ​ຈາກ​ປີ 2018, ເສດ ຖະກິດ​ຂະຫຍາຍຕົວ​ພຽງ​ແຕ່ 1,8% ແລະ ໃນ 3 ເດືອນ​ຕົ້ນປີ 2019, ເພີ່ມ​ຂຶ້ນ​ພຽງ 0,4% ຊຶ່ງ​ຖື​ວ່າ ເປັນ​ການ​ເຕີບ​ໂຕ​ທີ່​ຊ້າ​ທີ່​ສຸດ​ນັບ​ຕັ້ງແຕ່​ປີ 2009, ຈາກ​ເມື່ອ​ກ່ອນ​ທີ່​ຂະຫຍາຍຕົວ​ປີ​ລະ 3,2%. ເຫດຜົນ​ໜຶ່ງ​ແມ່ນ​ມາ​ຈາກ​ການ​ຫົດ​ຕົວ​ຂອງ​ເສດຖະກິດ​ໂລກ ແລະ ສົງຄາມ​ການ​ຄ້າ ລະຫວ່າງ ຈີນ - ອາ​ເມ​ຣິ​ກາ.

   ສປປ ລາວ ແລະ ສາທາ ລະນະ​ລັດ ໂອ​ຕຣິດ ສ້າງຕັ້ງ​ສາຍ​ພົວພັນ​ທາງ​ການ​ທູດ​ນຳ​ກັນ ໃນ​ວັນ​ທີ 1 ກັນຍາ ປີ 1967.