ຫວຽດ­ນາມ​-​ຣັດ​ເຊຍ ເພີ່ມ​ການ​ຮ່ວມ​ມື​ດ້ານ​ປ້ອງ​ກັນ​ຊາດ

 

 

28.10.2019 9:39     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ໃນ​ເວລາ​ຕ້ອນຮັບ​ທ່ານ ພົນ​ໂທ ອານ​ເດຣ ວາ​ເລີ​ເຢວິກ ຄາ​ຕາ​ໂປ​ລົບ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ ຫົວໜ້າກົມ ​ໃຫຍ​່ການເມືອງ​ການ​ທະຫານ ​ກອງ​ກຳລັງ​ປະກອບ​ອາວຸດ ສະຫະພັນ​ຣັດ​ເຊຍ, ທີ່ມາ ຢ້ຽມຢາມ ແລະ ເຮັດ​ວຽກ​ຢູ່​ຫວຽດນາມ ເມື່ອ​ທ້າຍ​ອາທິດ ​ຜ່ານ​ມາ, ທີ່​ສຳນັກງານ​ລັດຖະ ບານ, ທ່ານ ເຈືອງ​ຮ່​ວາ​ບິ່ງ ຮອງນາຍົກລັດຖະມົນຕີ ຜູ້​ປະຈໍາ​ການ​ລັດຖະບານ​ຫວຽດ ນາມ​ ກ່າວ​ວ່າ: ຫວຽດນາມພ້ອມ ​ແລ້ວ​ທີ່​ຈະ​ຮ່ວມ​ມື​ໜູນ​ຊ່ວຍສະ ຫະພັນ​ຣັດ​ເຊຍ ເພີ່ມ​ທະວີ ແລະ ພັດທະນາ​ການ​ພົວພັນ​ກັບ​ບັນດາ​ປະເທດ​ອາ​ຊຽນ ກໍຄື​ເຂົ້າ​ຮ່ວມ​ໃນ​ບັນດາ​ກົນ​ໄກ​ປ້ອງ​ກັນ​ຄວາມ​ໝັ້ນຄົງ​ໃນ​ພາກ​ພື້ນ.

   ຂະນະ​ດຽວ​ກັນ, ທ່ານ ພົນ​ໂທ ວາ​ເລີ​ເຢວິກ ຄາ​ຕາ​ໂປລົບ ໃຫ້​ຮູ້​ວ່າ: ຝ່າຍ​ຣັດ​ເຊຍຍາມໃດ ​ກໍຖື​ເປັນ​ສຳຄັນ​ສາຍ​ພົວ ພັນ​ຄູ່​ຮ່ວມ​ມື, ການ​ຮ່ວມ​ມື ລະ ຫວ່າງ ສອງ​ປະເທດ ແລະ ຖື​ນີ້​ ແມ່ນ​ໜຶ່ງ​ໃນ​ໜ້າທີ່​ບຸລິ​ມະ​ສິດ ພ້ອມ​ດຽວ​ກັນ​ນັ້ນ, ກໍໄດ້​ຢັ້ງ​ຢືນ​ຄໍາ​ໝັ້ນ​ສັນຍາ ໃຫ້ການ​ໜູນ​ຊ່ວຍ​ກອງທັບ​ຫວຽດນາມ ໃນ​ທຸກ​ຂົງເຂດ ແລະ ເຊື່ອ​ໝັ້ນ​ວ່າ: ການ​ພົວພັນ​ຮ່ວມ​ມື​ດ້ານ​ການ​ທະຫານ ລະຫວ່າງ ສອງ​ປະເທດ ໃນ​ໄລຍະ​ຈະ​ມາ​ເຖິງ ຈະ​ບັນລຸ​ໄດ້​ໝາກຜົນ​ທີ່​ດີງາມ​ກວ່າ​ເກົ່າ.

   ພ້ອມ​ກັນ​ນີ້, ທ່ານ ເຈືອງ​ຮ່​ວາ​ບິ່ງ ໄດ້​ຕີ​ລາຄາ​ສູງ​ຕໍ່​ສາຍ​ພົວພັນ​ຄູ່​ຮ່ວມ​ຍຸດທະສາດ​ຮອບ ດ້ານ ລະຫວ່າງ ຫວຽດນາມ ແລະ ສະຫະພັນ​ຣັດ​ເຊຍ ທີ່ ໄດ້​ຮັບ​ການ​ພັດທະນາ​ນັບມື້ ນັບເລິກເຊິ່ງ ກວ້າງຂວາງ ແລະ ມີ​ປະສິດ​ທິ​ຜົນ. ໃນ​ນັ້ນ, ສາຍ​ພົວພັນ​ຮ່ວມ​ມື​ດ້ານ​ປ້ອງ​ກັນ​ຊາດ ແມ່ນ​ມີ​ບົດບາດເປັນໜຶ່ງ​ໃນ​ບັນດາ​ເສົາຄ້ຳ​ທີ່​ສຳ​ຄັນ. ທ່ານ ເຈືອງ​ຮ່​ວາ​ບິ່ງ ຢັ້ງຢືນ​ວ່າ: ຫວຽດນາມ ພ້ອມ​ແລ້ວ​ທີ່​ຈະ​ຮ່ວມ​ມື​ໜູນ​ຊ່ວຍ ສະຫະພັນຣັດ ​ເຊຍ, ເພີ່ມ​ທະວີ ແລະ ພັດ ທະນາ​ການ​ພົວພັນ​ກັບ​ບັນດາ​ ປະເທດ​ອາ​ຊຽນ ກໍຄື​ເຂົ້າຮ່ວມ ​ໃນ​ບັນດາ​ກົນ​ໄກ​ປ້ອງ​ກັນ ຄວາມໝັ້ນຄົງ​ໃນ​ພາກ​ພື້ນ, ທ່ານຮອງ​ນາຍົກລັດຖະມົນຕີ​ຫວຽດນາມ ສະເໜີ​ວ່າ: ໃນໄລ ຍະ​ຈະ​ມາ​ເຖິງ, ກະຊວງ​ປ້ອງ ​ກັນ​ປະເທດສອງ​ປະເທດ ຫວຽດ ນາມ-ຣັດ​ເຊຍ ຈະ​ສືບຕໍ່​ເພີ່ມທະ ວີ​ການ​ຮ່ວມ​ມື​ຕາມ​ທິດ​ຍາວ​ນາມ, ຕິດ​ແທດ​ຕົວ​ຈິງ ແລະ ໄວ້​ເນື້ອ​ເຊື່ອ​ໃຈ ບົນ​ພື້ນຖານ​ບັນດາ​ສົນທິສັນຍາ, ຂໍ້​ຕົກລົງ​ສາກົນ​ທີ່​ສອງ​ຝ່າຍ​ໄດ້​ລົງ​ນາມ​ຮ່ວມ​ກັນ.