ການ​ເຈ­ລະ­ຈາ​ການ​ຄ້າ​ຈີນ​-​ອາ​ເມ​ຣິ​ກາ ມີ​ຄວາມ​ຄືບ​ໜ້າ

 

 

30.10.2019 9:06     

   ຂ່າວສານ​ຊີ​ອາ​ໄອ​ລາຍ​ງານ​ວ່າ: ຫວ່າງແລ້ວນີ້, ຫົວໜ້າ​ຂອງ​ທັງ​ສອງ​ຝ່າຍ ຈີນ​-​ອາ​ເມ​ຣິ​ກາ ທີ່​ຮັບຜິດຊອບ​ການ​ປຶກສາ​ຫາລື​ລະດັບ​ສູງ​ດ້ານ​ເສດຖະກິດ​ການ​ຄ້າ ໄດ້​ໂອ້​ລົມ​ທາງ​ໂທລະສັບ ໂດຍ​ເຫັນ​ດີ​ແກ້​ໄຂ​ບັນຫາ​ທີ່​ຕ່າງ​ຝ່າຍ​ຕ່າງ​ໃຫ້​ຄວາມ​ສົນໃຈ​ຢ່າງ​ເໝາະ​ສົມ ແລະ ສຳເລັດ​ການ​ປຶກສາ​ຫາລື​ດ້ານ​ເຕັກນິກ​ໃນ​ເອກະສານ​ຈຳນວນ​ໜຶ່ງ​ໂດຍ​ພື້ນຖານ, ເປັນ​ການຈັດຕັ້ງ​ປະຕິບັດ​ໝາກຜົນ​ຂອງ​ການ​ເຈລະຈາ​ລະດັບ​ສູງ​ກ່ຽວ​ກັບ​ເສດຖະກິດ​ການ​ຄ້າ ລະຫວ່າງ ຈີນ​-​ອາ​ເມ​ຣິ​ກາ ຮອບ​ໃໝ່, ອັນ​ໄດ້​ສະແດງ​ໃຫ້​ເຫັນ​ວ່າ: ສອງ​ຝ່າຍ​ໄດ້​ສືບຕໍ່​ເດີນ​ໄປ​ສູ່​ເປົ້າ​ໝາຍ​ການ​ເຊັນ​ສັນຍາ​ທີ່​ມີ​ລັກສະນະ​ຂັ້ນ​ຕອນ.

   ຂ່າວ​ລາຍ​ງານ​ວ່າ: ຈີນ ແລະ ອາ​ເມ​ຣິ​ກາ ຢາກ​ຈະ​ບັນລຸ​ການ​ເຊັນ​ສັນຍາ​ເສດຖະກິດ​ການ​ຄ້າ, ສຳຄັນ​ແມ່ນ​ຕ້ອງ​ພິຈາລະນາ​ເຖິງ​ບັນຫາ​ທີ່​ຕ່າງ​ຝ່າຍ​ໃຫ້​ຄວາມ​ສົນໃຈ​ຊຶ່ງ​ກັນ ແລະ ກັນ ບົນ​ພື້ນຖານ​ສະ ເໝີພາບ ແລະ ຕ່າງ​ເຄົາລົບກັນ. ຫົວໜ້າ​ທີມ​ງານ​ເຈລະຈາສອງ​ ຝ່າຍ​ຄັ້ງ​ນີ້, ໄດ້​ເຫັນ​ດີ​ແກ້​ໄຂ​ບັນຫາ​ທີ່​ສອງ​ຝ່າຍ​ໃຫ້​ຄວາມ ​ສົນໃຈ​ນັ້ນ​ຢ່າງ​ເໝາະ​ສົມ ຊຶ່ງ​ສອງ​ຝ່າຍ​ຈະ​ທຳ​ຄວາມ​ພະຍາ ຍາມ​ຮ່ວມ​ກັນ​ເພື່ອ​ລຶບ​ລ້າງ​ອຸປະ ສັກ​ທີ່​ສຳຄັນ​ທີ່​ສຸດ​ໃນ​ການ​ກີດ​ກັ້ນ​ການ​ບັນລຸ​ເປົ້າ​ໝາຍ​ຮ່ວມ​ກັນ, ເຮັດ​ແນວ​ນີ້ ແມ່ນ​ມີ​ຜົນ​ດີ​ຕໍ່​ການ​ເພີ່ມ​ຄວາມ​ໄວ້​ເນື້ອ​ເຊື່ອ​ໃຈ​ກັນ ແລະ ຊຸກຍູ້​ການ​ປຶກສາ​ຫາລື​ກ້າວ​ໄປ​ໜ້າ.

   ປັດຈຸບັນ, ການ​ປຶກສາ​ຫາລື​ດ້ານ​ເສດຖະກິດ​ການ​ຄ້າ ລະຫວ່າງ ຈີນ​-​ອາ​ເມ​ຣິກາ ໄດ້​ເຂົ້າ​ສູ່​ໄລຍະ​ສຳຄັນ​ທີ່​ສຸດ, ສອງ​ຝ່າຍ​ໄດ້​ພິຈາລະນາ​ເຖິງ​ຜົນ​ປະໂຫຍດ​ຂອງ​ຜູ້​ຜະລິດ ແລະ ຜູ້​ບໍລິໂພກ, ຢຶດ​ໝັ້ນ​ການ​ສະແຫວງຫາ​ຄວາມ​ເຫັນ​ເປັນ​ເອກະ​ພາບ​ກັນ ແລະ ສະ ຫງວນ​ຄວາມ​ເຫັນ​ຕ່າງ​ກັນ, ກ້າວ​ເດີນ​ໄປ​ຕາມ​ທິດ​ດຽວ​ກັນ, ພະຍາຍາມ​ສ້າງ​ສະພາບ​ແວດ ​ລ້ອມ​ທີ່​ດີ ແລະ ທຳ​ຄວາມ​ພະຍາຍາມ​ຢ່າງ​ບໍ່​ລົດ​ລະ​ເພື່ອ​ບັນລຸ​ການ​ເຊັນ​ສັນຍາ​ຮ່ວມ​ກັນ.