ຈີນ ຈະ​ສືບ­ຕໍ່​ພັດ­ທະ­ນາ​ເສດ­ຖະ­ກິດ​ໂລກ​ແບບ​ເປີດ​ປະ­ຕູ​ສູ່​ພາຍ​ນອກ

31.10.2019 9:27     

   ຂ່າວ​ສານ​​ຊີ​ອາ​ໄອ ໄດ້​ລົງ​ພິມ​ບົດ​ວິເຄາະ​ດ້ວຍ​ຫົວຂໍ້; "ຈີນ​ຈະ​ສືບຕໍ່​ເພີ່ມ​ພະລັງ​ຊຸກ​ດັນ​ຕໍ່​ການ​ພັດທະນາ​ເສດຖະກິດ​ໂລກ​ແບບ​ເປີດ​ປະຕູ​ສູ່​ພາຍ​ນອກ", ໃນ​ວັນ​ທີ 28 ຕຸລາ​ຜ່ານ​ມາ. ບົດ​ຄວາມ​ລະບຸ​ວ່າ: ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ໄດ້​ສົ່ງ​ສານ​ສະແດງ​ຄວາມ​ຊົມເຊີຍ​ເຖິງ​ກອງ​ປະຊຸມ​ສາກົນ​ກວາງ​ໂຈ່​ວ​ໃນ​ຫົວຂໍ້; "ເຂົ້າໃຈ​ປະເທດ​ຈີນ" ປີ 2019 ໂດຍ​ກ່າວ​ວ່າ: ປັດຈຸບັນ, ຂະ ບວນ​ການ​ເສດຖະກິດ​ໂລກາ​ພິ​ວັດ​ປະສົບ​ກັບ​ຄວາມ​ຫຍຸ້ງຍາກ​ຈຳນວນ​ໜຶ່ງ, ແຕ່​ຂະບວນການ ​ເສດຖະກິດ​ໂລກາ​ພິ​ວັດ​ຈະ​ບໍ່​ສາມາດ​ຕ່າວ​ປີ້ນ​ໄດ້, ຜົນ​ປະ ໂຫຍດ​ຂອງ​ປະເທດ​ຕ່າງໆ​ໄດ້​ເຊື່ອມ​ໂຍງ​ເຂົ້າກັນ, ຊາຕາກຳ​ຂອງ​ປະເທດ​ຕ່າງໆ​ໄດ້​ເຊື່ອມ​ໂຍງ​ເຂົ້າກັນ ຊຶ່ງ​ເປັນ​ທ່າ​ອ່ຽງ​ທີ່​ຕ້ອງ​ເປັນ​ໄປ, ການ​ສ້າງ​ຊີວິດ​ການ​ເປັນ​ຢູ່​ທີ່​ດີງາມ​ກວ່າ​ເກົ່າ​ຢ່າງ​ບໍ່​ຢຸດ​ຢັ້ງ ແມ່ນ​ຄວາມ​ປາ ຖະໜາ​ຮ່ວມ​ຂອງ​ປະຊາຊົນ​ບັນດາ​ປະ​ເທດ.

   ຂ່າວ​ລະບຸ​ວ່າ: ຄຳ​ເວົ້າ​ຂອງ​ທ່ານ ສີ​ຈິ້ນ​ຜິງ ເປັນ​ການ​ສົ່ງ​ສັນຍານ​ຢ່າງ​ຈະແຈ້ງ​ຕໍ່​ປະຊາ​ຄົມ​ໂລກ​ອີກ​ເທື່ອ​ໜຶ່ງ​ວ່າ: ຈີນ ຈະ​ສະໜັບສະໜູນ​ຂະບວນ​ການ​ໂລກາ​ພິ​ວັດ ແລະ ສືບຕໍ່​ເປີດ​ກວ້າງ​ການ​ເປີດ​ປະຕູ​ສູ່ ພາຍ​ນອກ ຊຶ່ງ​ຈະ​ມີ​ຜົນ​ດີ​ຊ່ວຍ​ໃຫ້​ປະຊາ​ຄົມ​ໂລກ​ສາມາດ​ເຕົ້າໂຮມ​ຄວາມ​ເຫັນ​ທີ່​ເປັນ​ເອກະ​ພາບ​ກັນ ແລະ ຊຸກຍູ້​ໃຫ້​ຂະບວນ​ການ​ເສດຖະກິດ​ໂລກາ​ພິ​ວັດ​ຂະຫຍາຍ​ໄປ​ສູ່​ທິດ​ທາງ​ທີ່​ຖືກ​ຕ້ອງ.