ກອງ​ປະ­ຊຸມ​ຂັ້ນ​ສູງ​ກ່ຽວ​ກັບ​ອຸດ­ສາ­ຫະ­ກຳ 4.0

 

 

07.10.2019 9:24     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ້າຍ​ອາທິດ​ແລ້ວນີ້, ຢູ່​ນະຄອນຫຼວງ​ຮ່າ​ໂນ້ຍ, ຄະນະ​ເສດຖະກິດ​ສູນ​ກາງ​ພັກ​ກອມ​ມູ​ນິດ ຫວຽດນາມ ໄດ້​ສົບ​ທົມ​ກັບ​ບັນດາ​ກະຊວງ, ຂະແໜງການຈັດ​ຕັ້ງ​ກອງ​ປະ ຊຸມ​ຂັ້ນ​ສູງ​ຂອງ​ເວທີ​ປາ​ໄສ​ຂັ້ນ​ສູງ ແລະ ງານ​ວາງສະແດງ​ສາ ກົນ​ກ່ຽວ​ກັບ​ອຸດສາຫະກຳ 4.0 ປີ 2019.ດ້ວຍ​ຫົວຂໍ້; "ແຜນ​ນະໂຍບາຍ ແລະ ໂຄງການ​ດຳເນີນ​ງານ​ຂອງ​ຫວຽດນາມ ໃນ​ການ​ເປັນ​ເຈົ້າ​ການ​ເຂົ້າ​ຮ່ວມ​ການ​ປະຕິວັດ​ອຸດສາຫະກຳ 4.0". ນອກ​ນັ້ນ, ກອງ​ປະຊຸມ​ສຳ​ມະ​ນາ​ຫົວ​ເລື່ອງ​ສະເພາະ​ໄດ້​ສຸມ​ໃສ່ 5 ຫົວຂໍ້​ຕົ້ນຕໍ​ລວມ​ມີທະນາຄານ​ອັດ​ສະ​ລິ​ຍະ, ນະ ຄອນ​ອັດ​ສະ​ລິ​ຍະ, ການ​ຜະລິດ​ອັດ​ສະ​ລິ​ຍະ, ພະລັງງານ​ອັດ​ສະ​ລິ​ຍະ ແລະ ເສດຖະກິດ​ດີຈີ​ ຕອນ.

   ຂ່າວ​ລາຍ​ງານ​ວ່າ: ເວທີ​ປາ​ໄສ​ດັ່ງກ່າວ, ໄດ້​ແນະນຳ​ກ່ຽວ​ກັບ​ວິທີ​ການ​ສ້າງ​ບັນດາ​ເນື້ອ​ໃນ​ພື້ນຖານ​ຂອງ​ມະຕິ​ກົມ​ການເມືອງ ກ່ຽວ​ກັບ​ບາງ​ແຜນ​ນະໂຍບາຍ, ນະໂຍບາຍ​ໃນ​ການ​ເປັນ​ເຈົ້າ​ການ​ເຂົ້າ​ຮ່ວມ​ການ​ປະຕິວັດ​ອຸດສາຫະກຳ ຄັ້ງ​ທີ 4 (4.0) ແລະ ບັນດາ​ບົດ​ລາຍ​ງານ​ກ່ຽວ​ກັບ​ບັນຫາ​ຍຸດທະສາດ​ການ​ປະຕິວັດ​ອຸດສາຫະກຳ 4.0 ແຫ່ງ​ຊາດ​ຂອງ​ຫວຽດນາມ ກ່ຽວ​ກັບ​ການ​ຫັນ​ປະເທດ​ຊາດ​ເປັນ​ດີ​ຈີ​ຕອນ ກ້າວ​ໄປ​ສູ່​ພື້ນຖານ​ເສດຖະກິດ​ດີ​ຈີ​ຕອນ ແລະ ສັງ ຄົມ​ດີ​ຈີ​ຕອນ. ພ້ອມ​ກັນ​ນັ້ນ, ຍັງ​ມີ​ກອງ​ປະຊຸມ​ສຳ​ມະ​ນາ​ຫົວ​ເລື່ອງ​ສະເພາະ​ໄດ້​ສຸມ​ໃສ່ 5 ຫົວຂໍ້​ຕົ້ນຕໍ​ລວມ​ມີ: ທະນາຄານ​ອັດ​ສະ​ລິ​ຍະ, ນະຄອນ​ອັດ​ສະ​ລິ​ຍະ, ການ​ຜະລິດ​ອັດ​ສະ​ລິ​ຍະ, ພະລັງງານ​ອັດ​ສະ​ລິ​ຍະ ແລະ ເສດຖະກິດ​ດີ​ຈີ​ຕອນ.

   ກ່າວ​ຄຳ​ເຫັນ​ໃນ​ກອງປະ ຊຸມ, ທ່ານ ຫ​ງວຽນ​ວັນ​ບິ່ງຫົວ ໜ້າ​ຄະນະ​ເສດຖະກິດ​ສູນ​ກາງ​ໃຫ້​ຮູ້​ວ່າ: ການ​ປະຕິວັດ​ອຸດສາ ຫະກຳ 4.0 ແມ່ນ​ທ່າ​ອ່ຽງ​ທີ່​ຍິ່ງ​ໃຫຍ່, ພວມ​ເກີດ​ຂຶ້ນ​ໃນ​ທົ່ວ​ໂລກ​ດ້ວຍ​ການ​ພັດທະນາ​ຂອງ​ວິທະຍາສາດ ແລະ ເຕັກ​ໂນ​ໂລ​ຊີ ຢ່າງ​ແຮງ ຊຶ່ງ​ບັນຫາ​ຫຼັກໆ​ແມ່ນ​ອຸດສາຫະກຳ​ດີ​ຈີ​ຕອນ, ເຮັດ​ໃຫ້​ຂົງເຂດ​ການ​ຜະລິດ, ດຳເນີນ​ທຸລະ​ກິດ, ຊີວິດ​ວັດທະນະທຳ - ສັງຄົມ, ການ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະຫງົບ​ມີ​ການ​ປ່ຽນແປງ​ຢ່າງ​ວ່ອງໄວ ແລະ ແຂງແຮງ, ສ້າງ​ໂອກາດ ແລະ ວາງ​ມາດ​ຕະການ​ຮັບ​ມື​ກັບ​ສິ່ງ​ທ້າ​ທາຍ​ໃຫ້​ທຸກໆ​ປະ​ເທດ.