ກອງ​ປະ­ຊຸມ​ສຳ​ມະ​ນາ​ກ່ຽວ​ກັບ​ເສດ­ຖະ­ກິດ​ການ​ຄ້າ​ອາ­ຊີ

01.11.2019 10:29     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະ​ຊຸມ​ສໍາ​ມະ​ນາສາ​ກົນ ວ່າ​ດ້ວຍ​ຫົວຂໍ້; "ບັນດາ​ບຸລິມະສິດ​ໃນ​ນະໂຍບາຍ​ເສດຖະກິດ ແລະ ການ​ຄ້າ ອາຊີ ປີ 2020", ລວມ​ມີ 3 ວາລະ​ໃນ​ການ​ປຶກສາ​ຫາລື ດ້ວຍ​ການ​ເຂົ້າ​ຮ່ວມ​ຂອງ​ບັນດາ​ນັກ​ຊ່ຽວຊານ​ເສດຖະກິດ​ແຖວ​ໜ້າ​ຂອງ ອິນ​ໂດ​ເນ​ເຊຍ ແລະ ບັນດາ​ນັກ​ຊ່ຽວຊານ​ເສດຖະກິດ​ສາ​ກົນ.

   ຂ່າວ​ລາຍ​ງານ​ວ່າ: ວັນ​ທີ 29 ຕຸລາ​ຜ່ານ​ມາ, ຢູ່​ນະຄອນ ຫຼວງ​ຈາ​ກາ​ຕາປະເທດ​ອິນໂດ​ ເນ​ເຊຍ, ອົງການ​ຄົ້ນຄວ້າເສດ ຖະກິດ ອິນ​ໂດ​ເນ​ເຊຍ (IBER) ແລະ ອົງການ​ຄົ້ນຄວ້າ​ເສດ ຖະກິດ​ອາຊີ (ABER) ໄດ້​ສົມທົບ​ກັນຈັດ​ຕັ້ງ​ກອງ​ປະ​ຊຸມ​ສໍາ​ມະ​ນາສາ​ກົນ ວ່າ​ດ້ວຍຫົວ ຂໍ້; "ບັນດາ​ບຸລິມະສິດ​ໃນ​ນະໂຍ ບາຍ​ເສດຖະກິດ ແລະ ການ ​ຄ້າອາຊີ ປີ 2020" ໂດຍ​ການ ​ໜູນຊ່ວຍ​ຂອງ​ສະ​ຖາ​ບັນ​ຄົ້ນ ຄວ້າເສດຖະກິດ ອາ​ຊຽນ ແລະ ອາຊີ (ERIA), ສູນ​ຄົ້ນຄວ້າ​ຍຸດທະສາດ ແລະ ສາກົນອິນ​ໂດ​ເນ​ເຊຍ (CSIS). ຈຸດ​ປະ ສົງແມ່ນ​ສ້າງ​ພື້ນ​ຖານ​ສໍາ​ຄັນ​ເພື່ອ​ສັງ​ລວມ​ບັນດາ​ການ​ປະ​ກອບ​ຄໍາ​ເຫັນ ໃຫ້​ແກ່​ການ​ແກ້​ໄຂ​ບັນດາ​ຄວາມ​ຫຍຸ້ງຍາກ ແລະ ສິ່ງ​ທ້າ​ທາຍ ຊຶ່ງ​ພື້ນຖານ​ເສດຖະກິດ​ອາຊີພວມ​ປະ​ເຊີນ​ໜ້າ.

   ກອງ​ປະຊຸມ​ໄດ້​ກໍາ​ນົດວ່າ: ນີ້​ແມ່ນ​ກາລະ​ໂອກາດ​ເພື່ອ​ປຶກສາ​ຫາລື ແລະ ຍົກ​ອອກ​ບັນດາ​ມາດ​ຕະການ​ທີ່​ມີ​ປະສິດ​ທິ​ຜົນ​ກ່ຽວ​ກັບ​ບັນດາ​ບຸລິມະສິດ​ໃນ​ນະໂຍບາຍ​ເສດຖະກິດ ແລະ ການ​ຄ້າ ອາຊີ ໃນ​ປີ2020.