ຮ່າ​ໂນ້ຍ ໄດ້​ຮັບ­ຮອງ​ເປັນ​ນະ­ຄອນ​ປະ­ດິດ​ຄິດ​ສ້າງ​ຂອງ ອຸຍ​ແ​ນັສ​ໂກ

04.11.2019 10:38     

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ອົງການ​ສະ ຫະ​ປະຊາຊາດ​ດ້ານ​ການ​ສຶກ ສາ, ວິທະຍາສາດ ແລະ ວັດ ທະນະທຳ (UNESCO) ໄດ້​ຮັບຮອງ​ນະຄອນຫຼວງ​ຮ່າ​ໂນ້ຍ ເປັນ​ນະຄອນ​ປະດິດ​ຄິດ​ສ້າງ​ຂອງ UNESCO ໃນ​ຂົງເຂດ​ການ "ອອກ​ແບບ".

   ຂ່າວ​ລະບຸ​ວ່າ: ທ້າຍ​ເດືອນ​ຕຸລາ​ຜ່ານ​ມາ, ທ່ານ ອໍ​ເດຣ ອາ​ຊູ​ເລ ຜູ້ອຳນວຍການ​ໃຫຍ່ UNESCO ໄດ້​ປະກາດ​ຮັບຮອງ​ຮ່າ​ໂນ້ຍ​ເປັນ​ນະຄອນຫຼວງ​ປະດິດ​ຄິດ​ສ້າງ ໂດຍ​ມີ​ທ່າແຮງ​ໃນ​ຂົງເຂດ​ອາຫານ, ຫັດຖະກຳ ແລະ ສິລະ​ປະ​ພື້ນ​ເມືອງ. ໃນ​ນັ້ນ, ຂົງເຂດ​ອອກ​ແບບ ຍັງ​ໄດ້​ຖື​ວ່າ: ແມ່ນ​ໜຶ່ງ​ໃນ​ບັນດາ​ມາດຕະຖານ​ດີເດັ່ນ​ຂອງນະ ຄອນຫຼວງ​ຮ່າ​ໂນ້ຍ, ໄດ້​ຮັບ ​ຄວາມ​ເຫັນ​ດີ​ເຫັນ​ພ້ອມ​ຢ່າງ​ ສູງ​ຈາກ​ປະຊາ​ຄົມ ກໍຄື​ບັນດາ​ນັກວິທະຍາສາດ, ນັກ​ຊ່ຽວ ຊານ, ນັກ​ຄຸ້ມ​ຄອງ ເພື່ອ​ອອກ​ ສະໝັກ​ເລືອກ​ຕັ້ງ​ເຂົ້າ​ໃນ​ຕາ ໜ່າງ​ນະຄອນ ປະດິດ​ຄິດ​ສ້າງ​ຂອງ UNESCO.

   ພ້ອມ​ກັນ​ນັ້ນ, ບັນດານັກ​ ຊ່ຽວຊານ​ຕີ​ລາຄາ​ວ່າ: ຮ່າ​ໂນ້ຍ ມີ​ໂອກາດ​ຫຼາຍ​ຢ່າງ​ຊຶ່ງ UNES CO ຈະ​ສະເໜີ​ເຂົ້າ​ໃນ​ຕາ ໜ່າງນະຄອນ​ປະດິດ​ຄິດ​ສ້າງ​ຂອງ​ໂລກ. ທ່ານ ຫ​ງວຽນ ​ວັນ​ຟອງ ຫົວໜ້າ​ຄະນະໂຄສະ ນາ​ສຶກສາ ຄະນະ​ພັກ​ນະຄອນ​ຮ່າ​ໂນ້ຍ ກ່າວ​ວ່າ: ການ​ເຂົ້າ​ຮ່ວມ​ຕາໜ່າງ​ນະຄອນ​ປະດິດ​ຄິດ​ສ້າງ, ຮ່າ​ໂນ້ຍ ຈະ​ມີ​ໂອກາດ​ເຮັດ​ໃຫ້​ວັດທະນະທຳ​ທີ່​ເປັນ​ເອກະລັກ​ຂອງ​ນະຄອນ​ໂດດ​ເດັ່ນ​ຂຶ້ນ​ໃນ​ໂລກ.

   ຄຽງ​ຄູ່​ກັນ​ນັ້ນ, ຮ່າ​ໂນ້ຍ ຍັງ​ຮັກສາ​ສະຖາປັດຕະຍະກຳ, ຂໍ້​ລິ​ເລີ່ມ​ກ່ຽວ​ກັບ​ສະຖາປັດ ຕະຍະກຳ​ຫຼາຍ​ຮູບ​ຫຼາຍແບບ​ ຂອງ​ຝ່າຍ​ຕາເວັນຕົກ ແລະ ຝ່າຍ​ຕາເວັນ​ອອກ, ສະຖາປັດ ຕະຍະກຳ​ທ້ອງຖິ່ນ​ເດີມ ແລະ ຄວາມ​ສີວິໄລ​ຂອງ​ໂລກ​ໄວ້​ໄດ້, ລວມ​ທັງ​ຄວາມ​ກົມກຽວລະ ຫວ່າງ​ສະຖາປັດຕະຍະກຳ​ບູ ຮານ ແລະ ຍຸກ​ປັດຈຸບັນ​ຄື: ໂຮງ​ລະຄອນ​ໃຫຍ່​ຮ່າ​ໂນ້ຍ, ຫໍ​ພິ​ພິ​ທະ​ພັນ​ວິຈິດ​ສິນ​ຫວຽດນາມ, ຂົວ​ລອງ​ບຽນ, ຂົວ​ເຍິດ​ເຕິ​ນ.