ເກີດ​ແຜ່ນ­ດິນ​ໄຫວ 6,5 ຣິກ​ເຕີ​ຢູ່​ພາກ​ໃຕ້​ຟີ​ລິບ​ປິນ

04.11.2019 10:43     

     ຂ່າວສານ​ຊີ​ອາ​ໄອ​ລາຍ​ງານ​ວ່າ: ຢູ່​ພາກ​ໃຕ້​ຟິ​ລິ​ປິນ ໄດ້​ເກີດ​ແຜ່ນດິນ​ໄຫວ​ສາມາດ​ວັດ ແທກ​ໄດ້​ເຖິງ 6,5 ຣິກ​ເຕີ, ຕອນ​ເຊົ້າ​ວັນ​ທີ 31 ຕຸລາ​ຜ່ານ​ມາ ແລະ ຍັງ​ເກີດ​ແຮງ​ສັ່ນ​ສະເທືອນ​ຕາມ​ມາ​ຫຼາຍ​ສິບ​ເທື່ອ, ສົ່ງ​ຜົນ​ເຮັດ​ໃຫ້​ມີ​ຜູ້​ເສຍ​ຊີວິດ 8 ຄົນ, 2 ຄົນ​ຫາຍ​ສາບ​ສູນ ແລະ ເກືອບ 400 ຄົນ​ໄດ້​ຮັບ​ບາດ​ເຈັບ.
 ຂ່າວ​ລະບຸ​ວ່າ: ໃນ​ເວລາ​ເກີດ​ແຜ່ນດິນ​ໄຫວ, ຢູ່​ຫຼາຍ​ແຫ່ງ​ຂອງ​ເກາະ​ມິນ​ດາ​ນາວ, ລວມ​ທັງ​ດາ​ວາວ ຕົວ​ເມືອງ​ໃຫຍ່​ທີ່​ສຸດ​ຢູ່​ພາກ​ໃຕ້​ຂອງ​ຟິ​ລິບ​ປິນ ລ້ວນ​ແຕ່​ຮັບ​ຮູ້​ໄດ້​ເຖິງ​ແຮງ​ສັ່ນ​ສະເທືອນ​ຢ່າງ​ຮຸນ​ແຮງ. ນີ້​ເປັນ​ແຜ່ນດິນ​ໄຫວ​ແຮງ​ສາມາດ​ວັດແທກ​ແຮງ​ສັ່ນ​ສະເທືອນ​ໄດ້​ເຖິງ 6,5 ຣິກ​ເຕີ ຊຶ່ງ​ຄັ້ງ​ທີ 3 ທີ່​ເກີດ​ຂຶ້ນ​ຢູ່ພາກ​ໃຕ້​ຟິ​ລິບ​ປິ​ນ​ໃນ 3 ມື້​ຜ່ານ​ມາ. ນອກ​ນັ້ນ, ຍັງ​ເກີດ​ແຮງ​ສັ່ນ​ສະເທືອນ​ຕາມ​ມາ​ຫຼາຍ​ສິບ​ເທື່ອ, ມາ​ຮອດປັດ ຈຸບັນ ໄດ້​ເຮັດ​ໃຫ້​ມີ​ຜູ້​ເສຍ​ຊີ ວິດ 8 ຄົນ, 2 ຄົນ​ຫາຍ​ສາບ​ສູນ ແລະ ເກືອບ 400 ຄົນ​ໄດ້​ຮັບ​ບາດ​ເຈັບ. ປັດຈຸບັນ, ເຈົ້າ​ໜ້າທີ່​ ທີ່​ກ່ຽວຂ້ອງ​ຂອງ​ຟີ​ລິບ​ປິ​ນ​ພວມ​ດຳເນີນ​ການ​ກູ້​ໄພ​ຢ່າງ​ຮີບ​ດ່ວນ.