ການ​ຂະ­ຫຍາຍ​ຄອງ​ປາ​ນາ​ມາ​ເຮັດ​ໃຫ້​ເສດ­ຖະ­ກິດ​ຂະ­ຫຍາຍ­ຕົວ

04.11.2019 10:44     

(ເນື່ອງ​ໃນ​ໂອ​ກາດ​ວັນ​ຊາດ ປາ​ນາ​ມາ 3 ພະ​ຈິກ)

ຮຽບຮຽງ​ໂດຍ​​ : ລຸ້ງ​ດາວ

     ປາ​ນາ​ມາ ຫຼື ມີ​ຊື່​ທາງການ ແມ່ນ​ສາທາລະນະ​ລັດ ປາ​ນາ​ ມາ ຕັ້ງ​ຢູ່​ທະວີບ​ອາ​ເມ​ຣິ​ກາ​ລາ​ ຕິນ ແລະ ເປັນ​ບ່ອນ​ຕໍ່​ກັນລະ ຫວ່າງ ເໜືອ-ໃຕ້. ປະເທດ​ນີ້, ມີ​ ຊາຍ​ແດນ​ຕິດ​ກັບ​ປະເທດ ໂກ​ສ​ຕາ​ຣິ​ກາ ທາງ​ດ້ານ​ຕາເວັນຕົກ​ສ່ຽງ​ເໜືອ, ຕິດ​ກັບ​ໂກ​ລົມ​ບີ ທາງ​ດ້ານ​ຕາເວັນ​ອອກ​ສ່ຽງ​ໃຕ້, ສ່ວນ​ທິດເໜືອ​ຕິດ​ກັບ​ທະເລ​ກາ​ລິ​ບຽນ ແລະ ທິດໃຕ້​ຕິດ​ກັບ​ມະຫາ​ສະ​ໝຸດ​ປາ​ຊີ​ຟິກ. ປາ​ນາ​ມາ ມີ​ເນື້ອທີ່​ທັງ​ໝົດ 75.517 ກິໂລ​ຕາ​ແມັດ, ມີ​ພົນລະເມືອງ​ທັງ​ໝົດ 4 ລ້ານ​ຄົນ (ຂໍ້​ມູນ​ຈາກ​ທະນາຄານ​ໂລກ ປີ 2017). ນະຄອນຫຼວງ​ຂອງ​ປະເທດ​ຊື່ວ່າ ປາ​ນາ​ມາ.

   ອີງ​ຕາມ​ຂໍ້​ມູນ​ຈາກ​ກອງ​ທຶນ​ການ​ເງິນ​ສາກົນ ຫຼື IMF ຄາດ​ຄະເນ​ວ່າ: ໃນ​ຫຼາຍ​ປີ​ຕໍ່ ໜ້າ​ເສດຖະກິດ​ຂອງ​ປາ​ນາມາຈະ​ນຳ​ໜ້າ​ໝູ່​ໃນ​ທະວີບອາເມ​ຣິ​ກາ​ລາ​ຕິນ ຍ້ອນ​ມີ​ການ​ຂະຫຍາຍ​ຄອງ​ປາ​ນາ​ມາ ຈຶ່ງ​ດຶງ​ດູດ​ການ​ລົງທຶນ​ເຂົ້າ​ໃນ​ຂະແໜງການ​ຂົນສົ່ງ, ການ​ທະນາຄານ,ການ​ ສື່ສານ ແລະ ການທ່ອງທ່ຽວ ຊຶ່ງ​ນັກ​ລົງທຶນ​ຈະ​ເລືອກ​ປາ​ນາ​ມາ ເປັນ​ສູນ​ກາງ​ການເງິນ ແລະ ປາ​ນາ​ມາ​ເອງ ກໍມີ​ບັນ ຍາກາດ​ເອື້ອ​ອຳນວຍ​ຕໍ່​ການ ​ລົງ​ທຶນ. ເສດຖະກິດ​ປາ​ນາ​ມາ ຂະຫຍາຍຕົວ​ຍ້ອນ​ລັດ ຖະບານ​ໄດ້​ໃຊ້​ຈ່າຍ​ເງິນ​ຈຳນວນ​ມະ ຫາ ສານ​ເຂົ້າ​ໃນ​ໂຄງການ​ກໍ່ສ້າງຂະ ຫຍາຍ​ຄອງ​ປາ​ນາ​ມາ ແລະ ໂຄງ ການ​ລົງທຶນ​ດ້ານ​ສາ​ທາ​ລະ​ນະ. ລັດຖະບານ ໄດ້​ໃຊ້​ຈ່າຍ​ເງິນ​ເພີ່ມ​ຂຶ້ນ​ອີກ 41% ຈາກ​ໄລຍະ​ດຽວ​ກັນ​ຂອງ​ປີ​ກາຍ 2016. ລັດຖະບານ​ປາ​ນາ​ມາ​ໄດ້​ໃຊ້​ເງິນ 5,25 ຕື້​ໂດ​ລາ ເຂົ້າ​ໃນໂຄງ ການ​ຂະຫຍາຍ​ຄອງ​ປາ​ນາ​ມາ ແລະ ໄດ້​ໃຊ້​ຈ່າຍ ​ເງິນ​ເພື່ອ​ການ​ລົງທຶນ​ດ້ານ​ສາ ທາລະນະ​ອີກ 1,5 ຕື້ ໂດ​ລາ ໂດຍ​ສະເພາະ​ແມ່ນ​ການ​ກໍ່ສ້າງ​ທາງ​ລົດໄຟ ແລະ ການ​ໃຊ້​ຈ່າຍ​ນີ້​ຍັງ​ຈະ​ເຮັດ​ໃຫ້​ເສດຖະກິດ​ຂອງ​ປະເທດ ສືບຕໍ່​ຂະຫຍາຍຕົວ​ຢູ່​ໃນ​ລະດັບ 10%.

   ປະເທດ​ປາ​ນາ​ມາ ມີລວມ​ ຍອດຜະລິດ​ຕະ​ພັນ​ພາຍ​ໃນ​ປະເທດ ຫຼື GDP ບັນລຸ 61,84 ລ້ານ​ໂດ​ລາ (ຂໍ້​ມູນ​ຈາກ​ທະ ນາຄານ​ໂລກ ປີ 2017), ລາຍ​ໄດ້​ສະເລ່ຍ​ຕໍ່​ຫົວ​ຄົນ​ບັັນ​ລຸ 15.000 ກວ່າ​ໂດ​ລາ, ອັດຕາ​ການ​ເຕີບ​ໂຕ​ຂອງ GDP ກວມ 5,4%. ຊັບພະຍາກອນ​ທຳ​ມະ​ຊາດ​ທີ່​ເປັນ​ທ່າແຮງ​ໃຫ້​ກັບ​ປະເທດ​ແມ່ນ ທອງແດງ, ປ່າໄມ້, ກຸ້ງ, ໄມ້, ພະລັງງານ​ນ້ຳ. ດ້ານ​ອຸດສາຫະກຳ ແມ່ນ​ຂະແໜງ​ກໍ່ສ້າງ, ຊີມັງ ແລະ ວັດ​ສະ​ດຸ​ກໍ່ສ້າງ, ນ້ຳຕານ, ເຄື່ອງ​ດື່ມ. ສິນຄ້າ​ສົ່ງ​ອອກ​ທີ່​ສຳຄັນ​ແມ່ນ: ໝາກ​ໄມ້, ຖົ່ວ, ສັດ​ນ້ຳ, ໄມ້, ເຫຼັກ ແລະ ເຫຼັກ​ເສດ. ຕະ ຫຼາດ​ສົ່ງ​ອອກ​ທີ່​ສຳຄັນ​ແມ່ນ ອາ​ເມ​ຣິ​ກາ, ເຢຍ​ລະ​ມັນ, ຈີນ, ໂກ​ສ​ຕາ​ຣິ​ກາ, ນູ​ແວນ​ເຊ​ລັງ, ຫວຽດນາມ. ສິນຄ້າ​ນຳ​ເຂົ້າ​ຕົ້ນ ຕໍ​ແມ່ນນ້ຳມັນ​ເຊື້ອ​ໄຟ, ເຄື່ອງ ​ກົນ​ຈັກ, ລົດ, ເຫຼັກ ແລະ ເຫຼັກ​ກ້າ, ເຄື່ອງໃຊ້​ທາງ​ການ​ແພດ. ຕະຫຼາດ​ນຳ​ເຂົ້າ​ຕົ້ນຕແມ່ນ ອາ​ເມຣິ​ກາ, ຈີນ, ແມັກ​ຊີ​ໂກ. ຍ້ອນ ມີ​ທີ່​ຕັ້ງ​ທາງ​ດ້ານ​ພູມ​ສາດ​ທີ່ ສຳຄັນ​ຄື: ຄອງ​ປາ​ນາ​ມາ ຈຶ່ງ​ເອື້ອ​ອຳນວຍ​ຄວາມ​ສະດວກ​ຕໍ່​ການ​ພັດທະນາ​ຂະແໜງການ​ບໍລິການ​ໄດ້​ດີ​ທີ່​ສຸດ​ເຊັ່ນ: ການ​ທະນາຄານ, ການ​ຄ້າ ແລະ ການ​ທ່ອງ​ທ່ຽວ.

   ສປປ ລາວ ແລະ ສາທາ ລະນະ​ລັດ ປາ​ນາ​ມາ ສ້າງຕັ້ງ​ສາຍ​ພົວພັນ​ທາງ​ການ​ທູດ​ນຳ​ກັນ ໃນ​ວັນ​ທີ 9 ກັນຍາ ປີ 1994.