ກອງ​ປະ­ຊຸມ​ສຸດ​ຍອດ​ອາ​ຊຽນ ຄັ້ງ​ທີ 35

05.11.2019 9:23     

     ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 35, ທີ່​ດໍາ​ເນີນ​ຢູ່​ນະຄອນຫຼວງ​ບາງກອກ ປະເທດ​ໄທ ລະ ຫວ່າງ ວັນ​ທີ 2-4 ພະຈິກ​ນີ້ ໂດຍ​ການ​ເປັນ​ປະທານ​ຂອງ ທ່ານ ປຣະ​ຢຸດ ຈັນ​ໂອຊາ ນາຍົກລັດຖະມົນຕີ​ໄທ ໂດຍ​ໄດ້​ເນັ້ນໜັກເຖິງບັນດາຜົນ ງານ ຊຶ່ງ​ອາ​ຊຽນ ບັນລຸໄດ້​ໃນ​ປີ 2019 ດ້ວຍ​ຫົວຂໍ້; "ຊຸກຍູ້​ ການ​ພົວພັນ​ຄູ່​ຮ່ວມມື​ ເພື່ອ​ຄວາມ​ໝັ້ນຄົງ", ຄວາມ​ສຳຄັນ​ຂອງ​ການ​ຮ່ວມ​ມື​ລະຫວ່າງອາ​ຊຽນ ກັບ​ ບັນດາ​ຄູ່​ຮ່ວມ​ມື​ ພາຍ​ນອກ​ ສຳລັບ​ຂະບວນ​ວິວັດ​ການ​ ກໍ່ສ້າງ​ປະຊາ​ຄົມ​ອາ​ຊຽນ.

   ຂ່າວ​ລະບຸ​ວ່າ: ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 35, ທ່ານນາຍົກລັດຖະມົນຕີ​ໄທ ໄດ້​ເນັ້ນ​ໜັກ​ເຖິງ​ບັນດາ​ຜົນງານ​ຊຶ່ງ​ອາ​ຊຽນ ບັນລຸ​ໄດ້​ໃນ​ປີ 2019 ດ້ວຍ​ຫົວຂໍ້; "ຊຸກຍູ້​ການ​ພົວພັນ​ຄູ່​ຮ່ວມ​ມື​ ເພື່ອ​ຄວາມ​ໝັ້ນຄົງ", ເນັ້ນ​ໜັກ​ເຖິງ​ຄວາມ​ສຳຄັນ​ຂອງ​ການ​ຮ່ວມ​ມື​ລະຫວ່າງ​ອາ​ຊຽນ ກັບ​ບັນດາ​ຄູ່​ຮ່ວມ​ມື​ພາຍ​ນອກ​ສຳລັບ​ຂະບວນ​ວິວັດ​ການ​ກໍ່ສ້າງ​ປະຊາ​ຄົມ​ອາ​ຊຽນ.

   ຂ່າວ​ລະບຸ​ວ່າ: ວັນ​ທີ 2 ພະຈິກ​ຜ່ານ​ມາ, ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ແຫ່ງ ສປປ​ ລາວ ໄດ້​ນຳ​ໜ້າ​ຄະນະ​ຜູ້​ແທນ​ລາວ ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ຄົບ​ຄະນະ​ອາ​ຊຽນ ຄັ້ງ​ທີ 35 ແລະ ບັນດາ​ກອງ​ປະຊຸມ​ທີ່​ກ່ຽວ​ຂ້ອງ. ບັນດາ​ຜູ້​ນໍາ​ອາ​ຊຽນ ໄດ້​ພ້ອມ​ກັນ​ປຶກສາ​ຫາລື ແລະ ແລກ​ປ່ຽນ​ຄໍາ​ເຫັນ​ກ່ຽວ​ກັບ​ຄວາມ​ພະຍາຍາມ​ໃນ​ການ​ສືບຕໍ່​ສ້າງ​ປະຊາ​ຄົມ​ອາ​ຊຽນ​ໃຫ້​ເຂັ້ມແຂງ, ເສດຖະກິດ​ຂະຫຍາຍຕົວ​ໄປ​ພ້ອມ​ກັບ​ການ​ພັດທະນາ​ແບບ​ຍືນ​ຍົງ ແລະ ບໍ່​ປ່ອຍ​ໃຫ້​ຜູ້​ໃດ​ໄວ້​ທາງ​ຫຼັງ​ພາຍ​ໃຕ້​ຄໍາ​ຂວັນ; "ຮ່ວ​ມແຮງ​ຮ່ວມ​ໃຈ​ກ້າວ​ໄກ​ຍືນ​ຍົງ".

   ນອກຈາກ​ນັ້ນ, ຍັງ​ໄດ້​ດໍາ​ເນີນ​ກອງ​ປະຊຸມ​ປິ່​ນ​ອ້ອມ​ທີ່​ກ່ຽວຂ້ອງ​ເຊັ່ນ: ກອງ​ປະຊຸມ​ສຸດ​ຍອດ​ອາ​ຊຽ​ນ-​ຈີນ​ຄັ້ງ​ທີ 22, ໄດ້​ເນັ້ນ​ໜັກ​ເຖິງ​ຄວາມ​ສຳຄັນ​ຂອງ​ການ​ພົວພັນ​ຄູ່​ຮ່ວມ​ມື​ຍຸດທະສາດ​ອາ​ຊຽ​ນ-​ຈີນ ດ້ວຍ​ສັນຕິພາບ, ຄວາມ​ໝັ້ນຄົງ, ສະຖຽນ​ລະ​ພາບ ແລະ ວັດທະນາ​ຖາວອນ​ໃນ​ພາກ​ພື້ນ, ແລກປ່ຽນ​ການ​ຄ້າ ການ​ລົງທຶນ, ການ​ຜັນ​ຂະຫຍາຍ​ປະຕິບັດ​ອະນຸ​ສັນຍາ ປັບປຸງ​ສັນຍາ​ການ​ຄ້າ​ເສລີ ອາ​ຊຽ​ນ-​ຈີນ ຢ່າງ​ມີ​ປະສິດ​ທິ​ຜົນ, ສູ້​ຊົນ​ບັນລຸ​ເປົ້າ​ໝາຍ​ວົງ​ເງິນ​ການ​ຄ້າ 2 ສົ້ນ​ໃນ​ລະດັບ 1 ພັນ​ຕື້​ໂດ​ລາ ແລະ ການ​ລົງທຶນ​ບັນລຸ 150 ຕື້​ໂດ​ລາ ໃນ​ປີ 2020. ສອງ ຝ່າຍ​ໄດ້​ຮັບຮອງ​ເອົາ​ເອກະສານ 3 ສະບັບ ລວມ​ມີ ຖະແຫຼງການ​ຂອງ​ບັນດາ​ການ​ນຳ​ອາ​ຊຽ​ນ-​ຈີນ ກ່ຽວ​ກັບຂໍ້​ ລິ​ເລີ່ມ​ຮ່ວມ​ມື​ນະຄອນ​ອັດ​ສະ​ລິ​ຍະ; ຖະແຫຼງການ​ຮ່ວມອາ​ຊຽນ-​ຈີນ​ກ່ຽວ​ກັບ​ການ​ເພີ່ມ​ທະວີ​ແລກປ່ຽນ ແລະ ຮ່ວມ​ມື​ທາງ​ດ້ານ​ສື່​ມວນ​ຊົນ; ຖະແຫຼງ ການ​ອາ​ຊຽ​ນ-​ຈີນ ກ່ຽວ​ກັບ​ການ​ເຊື່ອມ​ຕໍ່​ແຜນ​ສັງ​ລວມ ແລະ ເຊື່ອມ​ຈອດ​ອາ​ຊຽນ ແລະ ຂໍ້​ລິ​ເລີ່ມ​ໜຶ່ງ​ແລວ​ໜຶ່ງ​ເສັ້ນ​ທາງ.

   ວັນ​ທີ 3 ພະຈິກ, ໄດ້​ດໍາ​ເນີນ​ກອງ​ປະຊຸມ​ຂັ້ນ​ສູງ​ດຳເນີນ​ທຸລະ​ກິດ ແລະ ການ​ລົງທຶນ​ອາ​ຊຽນ 2019 (ABIS - 2019) ດ້ວຍ​ຫົວຂໍ້; "ມອບ​ສິດ​ໃຫ້​ແກ່​ອາ​ຊຽນ 4.0", ປຶກສາ​ຫາລື 6 ໝວດ​ບັນຫາ​ຄື: ຊຸກຍູ້​ອາ​ຊຽນ 4.0 ໃນ​ລະບົບ​ມູນ​ຄ່າ​ທົ່ວ​ ໂລກ; ອາ​ຊຽນ 4.0 ໝັ້ນຄົງ; ເສດຖະກິດ​ຄົບ​ວົງ​ຈອນ.