ການ​ພັດ­ທະ­ນາ​ຂອງ​ຈີນ 70 ປີ ກັບ​ປະ­ຊາ​ຄົມ​ຮ່ວມ​ຊາ­ຕາ­ກຳມວນ​ມະ­ນຸດ

08.11.2019 8:51     

   ຂ່າວສານ​ຊີ​ອາ​ໄອ​ລາຍ​ງານ​ວ່າ: ກອງ​ປະຊຸມ​ຍ່ອຍ​ຂອງ​ເວທີ​ປຶກສາ​ຫາລື​ເສດຖະກິດ​ສາກົນ​ຫົງ​ສຽວ​ຄັ້ງ​ທີ 2 ທີ່​ມີ​ຫົວຂໍ້​ວ່າ; "ການ​ພັດທະນາ​ຂອງ​ຈີນ​ໃນ 70 ປີ​ກັບ​ປະຊາ​ຄົມ​ຮ່ວມ​ຊາຕາກຳ​ມວນ​ມະນຸດ" ໄດ້​ຈັດ​ຂຶ້ນ​ຢູ່​ຊຽງ​ໄຮ້​ຂອງ​ຈີນ ໃນ​ວັນ​ທີ 5 ພະຈິກ​ຜ່ານ​ມາ. ທ່ານ ຮວງ​ຄຸນ​ມິງ ກຳມະການ​ກົມການ ເມືອງສູນ​ກາງ​ພັກ​ກອມມູ​ນິດ​ຈີນ ຫົວໜ້າ​ຄະນະ​ໂຄສະນາ​ອົບ ຮົມ​ສູນ​ກາງ​ພັກ​ກອມ​ມູ​ນິດ​ຈີນ ທີ່​ເຂົ້າ​ຮ່ວມ​ພິທີ​ເປີດ​ ໄດ້ກ່າວ ​ວ່າ: ຊົມໃຊ້​ບົດຮຽນ​ການ​ພັດທະ ນາ ແລະ ການ​ປົກຄອງ​ຮ່ວມ​ກັນ, ສ້າງ​ອະນາຄົດ​ທີ່​ດີງາມ ແລະ ມີ​ຄວາມ​ຜາ​ສຸກ​ຮ່ວມ​ກັນ.

   ທ່ານ ຮວງ​ຄຸນ​ມິງ ກ່າວ​ວ່າ: ໃນ​ສູນ​ທອນ​ພົດ ຂອງ​ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ໄດ້​ສະເໜີ​ຂໍ້​ລິ​ເລີ່ມ 3 ຂໍ້​ກ່ຽວ​ກັບ​ການ​ຮ່ວມ​ກັນ​ສ້າງ​ເສດຖະກິດ​ໂລກ, ໄດ້​ປະກາດ​ມາດ​ຕະການ​ໃໝ່​ຂອງ​ຈີນ ເພື່ອ​ຊຸກຍູ້​ການ​ເປີດ​ປະຕູ​ສູ່​ພາຍ​ນອກ, ໄດ້​ສ່ອງ​ແສງ​ໃຫ້​ເຫັນ​ເຖິງ​ຄວາມ​ໝັ້ນ​ໃຈ ແລະ​ ຄວາມ​ຕັດສິນ​ໃຈ​ຂອງ​ຈີນ​ໃນ​ການ​ສືບຕໍ່​ເປີດ​ກວ້າງ​ການ​ເປີດ​ປະຕູ, ໄດ້​ສະແດງ​ໃຫ້​ເຫັນ​ໜ້າທີ່​ຮັບຜິດຊອບ​ຂອງ​ຈີນ ທີ່​ຍິນດີ​ຮ່ວມ​ກັບ​ປະຊາ​ຄົມ​ໂລກ ສ້າງ​ເສດຖະກິດ​ໂລກ​ແບບ​ເປີດ​ປະຕູ ແລະ ສ້າງ​ປະຊາ​ຄົມ​ຮ່ວມ​ຊາຕາກຳ​ຂອງ​ມວນ​ມະ​ນຸດ.

   ທ່ານ ຮວງ​ຄຸນ​ມິງ ກ່າວ​ຕື່ມ​ວ່າ: ນັບ​ແຕ່ ສປ ຈີນ ສະຖາປະນາ​ເປັນ​ເວລາ 70 ປີ​ມາ​ນີ້, ພັກ​ກອມ​ມູ​ນິດ​ຈີນ ໄດ້​ນຳພາ​ປະຊາຊົນ​ເດີນ​ຕາມ​ເສັ້ນທາງ​ສ້າງສາ​ຄວາມ​ທັນ​ສະໄໝທີ່​ມີ​ສີສັນ​ພິເສດ​ຂອງ​ຈີນ, ທັງ​ສອດຄ່ອງ​ກັບ​ກະແສ​ຂອງ​ຍຸກ​ສະໄໝທີ່​ສະແຫວງຫາ​ສັນຕິພາບ ແລະ ການ​ພັດທະນາ, ເປັນ​ການ​ເຊື່ອມ​ໂຍງ​ເຂົ້າ​ກັບ​ໂລກ​ຢ່າງ​ຫ້າວຫັນ ແລະ ຕັ້ງໜ້າ. ໃນ​ເວລາ​ບັນລຸ​ການ​ພັດທະນາ​ຕົນ​ເອງ​ນັ້ນ ຈີນ​ກໍໄດ້​ນຳ​ເອົາ​ໂອກາດ ແລະ ເພີ່ມ​ພະລັງ​ແຮງ​ຫຼາຍ​ກວ່າ​ເກົ່າ​ເຂົ້າ​ໃນ​ການ​ພັດທະນາ​ໂລກ.