ກອງປະຊຸມລັດຖະມົນຕີການຕ່າງປະເທດ ອາຊຽນ


...

     ຂ່າວຕ່າງປະເທດ ລາຍງານວ່າ: ກອງປະຊຸມລັດ ຖະມົນຕີການຕ່າງປະເທດອາ ຊຽນທີ່ບໍ່ເປັນທາງການໄດ້ຈັດ ຂຶ້ນຢູ່ຟີລິບປິນ ໃນວັນທີ 21 ກຸມພາຜ່ານມານີ້. ໃນຖານະ ເປັນປະເທດປະທານໝູນວຽນ ແລະ ການຈັດກອງປະຊຸມຕ່າງໆ ຂອງອາຊຽນເປັນຄັ້ງທຳອິດ ພາຍຫຼັງ ທ່ານ ໂຣດຣິໂກ ດູເຕີ ເຕ ຂຶ້ນດຳລົງຕຳແໜ່ງປະທາ ນາທິບໍດີຟີລິບປິນ ເປັນຕົ້ນມາ ຈິ່ງໄດ້ສ້າງຄວາມສົນໃຈຈາກ ພາຍໃນ ແລະ ພາຍນອກຫຼາຍ ທີ່ສຸດ. ໜັງສືພິມການຄ້າຟີລິບ ປິນ ສະບັບວັນທີ 20 ກຸມພາ ຜ່ານມານີ້ ຂຽນວ່າ: ບັນດາ ປະເທດອາຊຽນຫວັງໃຫ້ວາງ ກົດລະບຽບແຫ່ງການປະພຶດ ຢູ່ທະເລຕາເວັນອອກ ໃນປີນີ້ ເພື່ອຫຼຸຸດຜ່ອນສະຖານະການ ອັນເຄັ່ງຕຶງຢູ່ທະເລຕາເວັນ ອອກ, ທ່ານ ໂກເຣັສ ອະດີດທີ່ ປຶກສາຄວາມໝັ້ນຄົງແຫ່ງຊາດ ຟີລິບປິນກ່າວວ່າ: ກົດລະບຽບ ແຫ່ງການປະພຶດຢູ່ທະເລຕາ ເວັນອອກທີ່ເປັນຮູບເປັນຮ່າງ ແລະ ມີຜົນບັງຄັບໃຊ້ທາງກົດ ໝາຍນັ້ນ ຈະກາຍເປັນຜົນງານ ດ້ານການເມືອງຂອງທ່ານ ດູເຕີເຕ. ຖະແຫຼງການຂອງກະຊວງ ການຕ່າງປະເທດຟີລິບປິນ ເປີດເຜີຍວ່າ: ກອງປະຊຸມລັດ ຖະມົນຕີການຕ່າງປະເທດອາ ຊຽນທີ່ບໍ່ເປັນທາງການຖືກຈັດ ຂຶ້ນຢູ່ເກາະໂບຣາໄກ ໂດຍ ທ່ານ ເປີເຟັກໂຕ ຢາໄຊ ລັດຖະ ມົນຕີການຕ່າງປະເທດຟີລິບ ປິນ ເປັນປະທານກອງປະຊຸມ ແລະ ປຶກສາຫາລືບັນຫາການ ສ້າງປະຊາຄົມອາຊຽນ ລວມ ທັງວິໄສທັດ 2025 ຂອງປະຊາ ຄົມອາຊຽນ, ບັນຫາພາກພື້ນ ແລະ ສາກົນທີ່ອາຊຽນສົນໃຈ.