Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວເຫວີຍ ເປີດສະຖາບັນການສຶກສາ “ASEAN Academy” ສ້າງບຸກຄະລາກອນເລັ່ງພັດທະນາລະບົບນິເວດດິຈິຕ໋ອນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 26/05/2020 11:03:52 ຈຳ​ນວນ​​ຢ້ຽມ​ຊົມ 4525 ຄັ້ງ

  ໃນວັນທີ 21 ພືດສະພາ 2020 ນີ້, ບໍລິສັດຫົວເຫວີຍ ໄດ້ເປີດໂຕສະຖາບັນການສຶກສາ Huawei ASEAN Academy ແຫ່ງທໍາອິດຂອງພາກພື້ນອາຊີປາຊີຟິກ ຢູ່ປະເທດມາເລເຊຍ ໂດຍຕັ້ງເປົ້າໃຫ້ເປັນສູນກາງຫຼັັກສູດການຝຶກອົບຮົມຊ່ວຍສົ່ງເສີມຄວາມສາມາດດ້ານດິຈີຕ້ອນໃນລະດັບພາກພື້ນ.

  ສຳລັບຄວາມມຸ່ງໝັ້ນໃນຄັ້ງນີ້ ຫົວເຫວີຍ ຕັ້ງເປົ້າຝຶກອົບຮົມບຸກຄະລາກອນໃຫ້ໄດ້ 50.000ຄົນ ພາຍໃນເວລາ 5 ປີຂ້າງໜ້າ, ໃນນີ້ສູນຝຶກອົບຮົມດັ່ງກ່າວ ໄດ້ເປີດຫຼັກສູດອົບຮົມດ້ານເຕັກໂນໂລຊີຂໍ້ມູນຂ່າວສານ ແລະ ການສື່ສານ ICT ຫຼາຍກວ່າ 3.000 ຫຼັກສູດ ພ້ອມມີຜູ້ຊ່ຽວຊານ 100 ທ່ານ ທີ່ຈະຊ່ວຍພັດທະນາຄວາມສາມາດຂອງບຸກຄະລາກອນດ້ານດິຈີຕ໋ອນຢ່າງເຕັມທີ່, “Huawei ASEAN Academy ໃນປະເທດມາເລເຊຍເປັນສູນຝຶກອົບຮົມແຫ່ງທໍາອິດໃນພາກພື້ນອາຊີປາຊີຟິກ ເຊິ່ງມີບົດບາດສຳຄັນສຳລັບການພັດທະນາດ້ານ ICT ເພື່ອນໍາໄປສູ່ການເຕີບໂຕທາງເສດຖະກິດດິຈີຕ໋ອນ ແລະ ທີ່ສຳຄັນຄືການອົບຮົມ ແລະ ພັດທະນາຄົນທ້ອງຖິ່ນເພື່ອໃຫ້ພວກເຂົາໄດ້ຮັບຄວາມຮູ້ດ້ານ ICT ຢ່າງເໝາະສົມ ແລະ ສາມາດນໍາໄປປັບໃຊ້ກັບໂລກປັດຈຸບັນທີ່ມີການປ່ຽນແປງຢູ່ຕະຫຼອດເວລາ. ໃນນີ້, ກະຊວງການສື່ສານ ແລະ ສັງຄົມ ມາເລເຊຍ ແລະ ຫົວເຫວີຍ ໄດ້ສານສໍາພັນ ແລະ ຮ່ວມມືກັນດ້ານ ICT ມາຢ່າງຍາວນານ ນັບຕັ້ງແຕ່ ບໍລິສັດ ຫົວເຫວີຍ ມາເລເຊຍ ໄດ້ສ້າງຕັ້ງຂື້ນໃນປີ 2001, ມາເລເຊຍຫວັງວ່າທັງສອງຝ່າຍຈະປະສົບຄວາມສຳເລັດກັບການຮ່ວມມືໃນວຽກງານຕ່າງໆອີກຢ່າງໃນຂ້າງໜ້າ ເພື່ອຊຸກຍູ້ເສດຖະກິດດິຈີຕ໋ອນໃຫ້ໄປສູ່ແນວທາງທີ່ຖືກຕ້ອງ” ທ່ານ ວາຍບີ ດາໂຕະ ໄຊຟຸດດິນ ອັບດຸລະ (YB Dato Saifuddin Abdullah)ລັດຖະມົນຕີກະຊວງ ການສື່ສານ ແລະ ສັງຄົມ ຂອງມາເລເຊຍ ໄດ້ກ່າວ.

  ໂປແກມການຝຶກອົບຮົມດ້ານ ICT ລວມເຖິງຫຼັກສູດການຝຶກອົບຮົມຕ່າງໆ ໄດ້ອອກແບບເພື່ອໜ່ວຍງານພາກລັດ ຜູ້ຊ່ຽວຊານໃນພາກອຸດສາຫະກຳ ແລະ ນັກສຶກສາມະຫາວິທະຍາໄລ ແລະ ຈະສົ່ງມອບວິທີການຄວບຄຸມສໍາລັບການພັດທະນາລະບົບນິເວດດິຈີຕ໋ອນດ້ານ ICT ຂອງປະເທດ.

 ໂຄງການນີ້ຈະນຳເອົາວິທີການຮຽນ-ການສອນທີ່ຫຼາກຫຼາຍມາປັບໃຊ້ເຊັ່ນ: ການຝຶກອົບຮົມໂດຍອີງໃສ່ພື້ນຖານສະຖານະການຕົວຈິງ ແລະ ການຖ່າຍທອດສົດໃນຮູບແບບອອນລາຍ ລວມເຖິງການໄປທັດສະນະສຶກສາຕ່າງປະເທດ. ສູນຝຶກອົບຮົມດັ່ງກ່າວໄດ້ມອບໂຊລູຊັ່ນທີ່ມີຫຼາຍມິຕິ ສຳລັບທັກສະທີ່ແຕກຕ່າງ ແລະ ຄວາມຕ້ອງການຫຼາກຫຼາຍລະດັບ ເພື່ອໃຫ້ໝັ້ນໃຈວ່າໂຊລລູຊັ້ນເຫຼົ່ານີ້ຈະສາມາດຕອບໂຈດ ຄວາມຕ້ອງການດ້ານທັກສະທີ່ຍັງຂາດເຂີນໃນກຸ່ມວິສາຫະກິດປັດຈຸບັນໄດ້ຢ່າງມີປະສິດຕິພາບ.

  ທ່ານ ໄມເຄິ້ນ ຢວນ ປະທານກໍາມະການບໍລິຫານ ຫົວເຫວີຍ ມາເລເຊຍ ໄດ້ກ່າວ: “ໃນຂະນະທີ່ເຮົາກຳລັງປັບໂຕເຂົ້າສູ່ການເວັ້ນໄລຍະຫ່າງທາງສັງຄົມ ຫຼື ການດໍາເນີນວິຖີຊີວິດແບບໃໝ່ (new normal) ໂຄງສ້າງພື້ນຖານ ແລະ ເຄືອຂ່າຍດິຈີຕ໋ອນ ທີ່ເຂັ້ມແຂງມີຄວາມສໍາຄັນຫຼາຍຂຶ້ນຢ່າງທີ່ບໍ່ເຄີຍເປັນມາກ່ອນ ໂດຍຫົວໃຈສໍາຄັນທີ່ຈະສົ່ງເສີມໂຄງສ້າງພື້ນຖານ ແລະ ເຄືອຂ່າຍດິຈີຕ໋ອນທີ່ເຂັ້ມແຂງນັ້ນຍັງຄົງຢູ່ທີ່ບຸກຄະລາກອນຜູ້ສ້າງ ແລະ ເບິ່ງແຍງບໍລິການຕ່າງໆ ເຫຼົ່ານີ້ ເພື່່ອປະຊາກອນມາເລເຊຍ ການອົບຮົມທັກສະ ແລະ ໂປແກມຕ່າງໆຈາກສູນຝຶກອົບຮົມ ASEAN academy ຈະເສີມສັກກາຍຍະພາບຂອງບຸກຄະລາກອນໃນທ້ອງຖິ່ນໃຫ້ມີຄວາມພ້ອມສຳລັບການພັດທະນາໃນອະນາຄົດ ແລະ ສາມາດເປັນສ່ວນໜຶ່ງໃນການຂັບເຄື່ອນການປ່ຽນແປງດິຈີຕ໋ອນຂອງປະເທດໄດ້”.

  ສູນຝຶກອົບຮົມນີ້ໄດ້ນຳເຕັກໂນໂລຊີມາໃຊ້ເປັນສ່ວນສຳຄັນໃນການເສີມທັກສະ ແລະ ການພັດທະນາບຸກຄະລາກອນ ເພື່ອສ້າງຄວາມເຂັ້ມແຂງໃຫ້ກັບຮາກຖານດ້ານເສດຖະກິດດິຈີຕ໋ອນຂອງປະເທດ.

  ໃນຖານະທີ່ເປັນຜູ້ນຳດ້ານໂຊລູຊັ່ນດ້ານເຕັກໂນໂລຊີຂໍ້ມູນຂ່າວສານ ແລະ ການສື່ສານລະດັບໂລກ ຫົວເຫວີຍ ສະໜັບສະໜູນໃຫ້ເກີດລະບົບນິເວດຂອງບຸກຄະລາກອນ ICTທີ່ເປີດກວ້າງ ການຮ່ວມມື ແລະ ການແບ່ງປັນຂໍ້ມູນຈະສົ່ງຜົນດີຕໍ່ທຸກຝ່າຍ ສູນຝຶກອົບຮົມ Huawei ASEAN Academy ສະແດງໃຫ້ເຫັນເຖິງກ້າວສໍາຄັນອີກກ້າວໜຶ່ງຂອງ ຫົວເຫວີຍ ໃນການພັດທະນາບຸກຄະລາກອນ ICT ແລະ ຂັບເຄື່ອນປະເທດມາເລເຊຍໃຫ້ເຂົ້າສູ່ຍຸກດິຈີຕ໋ອນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com