Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເປີດປີທ່ອງທ່ຽວລາວ ແລະ ບຸນນະມັດສະການພະທາດຫຼວງ ຈັດໃຫ້ມີຫຼາຍກິດຈະກຳດຶງດູດນັກທ່ອງທ່ຽວ

ເຜີຍ​ແຜ່​ໂດຍ​: admin ເວ​ລາ: 27/12/2019 16:32:46 ຈຳ​ນວນ​​ຢ້ຽມ​ຊົມ 1442 ຄັ້ງ

ພິທີ​ເປີດ​ປີ​ທ່ອງ​ທ່ຽວ​ລາວ 2018 ແລະ ງານ​ບຸນ​ນະ​ມັດ​ສະການ​ພະ​ທາດຫຼວງ​ວຽງ​ຈັນ ປີ 2017 ຢ່າງ​ເປັນ​ທາງ​ການ​ ໄດ້​ຈັດຂຶ້ນ​ວັນ​ທີ 28 ຕຸລາ 2017 ທີ່​ເດີ່ນພະ​ທາດຫຼວງ​ວຽງ​ຈັນ ໃຫ້​ກຽດເຂົ້າ​ຮ່ວມ​ຂອງ​ທ່ານ ທອງ​ລຸນ  ສີ​ສຸ​ລິດ ນາຍົກ​ລັດ​​​ຖະ​ມົນຕີ ທ່ານ ສິນ​ລະ​ວົງ ຄຸດ​ໄພທູນ ເຈົ້າຄອງ​ນະຄອນຫຼວງ​ວຽງ​ຈັນ ທ່ານ ບໍ່​ແສງ​ຄຳ ວົງ​ດາລາ ລັດຖະມົນຕີກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ບັນດາ​ລັດຖະ​ມົນຕີ ຮອງ​ລັດຖະມົນຕີ ພັນລະ​ຍາ​ການ​ນຳ​ຂັ້ນ​ສູງ ທູຕານຸທູດ ອົງ​ການຈັດຕັ້ງ​ສາກົນ​ປະຈຳ​ລາວ ແຂກ​ຕ່າງປະເທດ ການ​ນຳ​ນະຄອນ​ຫຼວງ​ວຽງ​ຈັນ ຫົວໜ້າ​ພະແນກ ຖວທ ແຂວງ​ທົ່ວ​ປະເທດ ນັກທຸລະກິດ ຊາວ​ຄ້າຂາຍ ແລະ ມວນ​ຊົນ​ເຂົ້າ​ຮ່ວມ.

     ໃນ​ພິທີ​ທ່ານ​ລັດຖະມົນຕີ​ກະຊວງ ຖວທ ໄດ້​ຂຶ້ນ​ລາຍ​ງານ​ການກະກຽມ​ປີ​ທ່ອງ​ທ່ຽວ​ລາວ 2018 ວ່າ: ການ​ເປີດ​ປີ​ທ່ອງ​ທ່ຽວ​ລາວ 2018 ເປັນ​ກິດຈະກຳ​ໜຶ່ງ​ທີ່​ສຳຄັນ​ທີ່​ສຸດ ແນໃສ່​ສົ່ງເສີມ​ການທ່ອງ​ທ່ຽວ ທັງ​ເປັນ​ການ​ພັດ​ທະນາ​ການທ່ອງທ່ຽວ ​ໃຫ້​ມີ​ຄວາມສາມາດ​ຮອງ​ຮັບ​ນັກ​ທ່ອງ​ທ່ຽວ​ໃນ​ປັດຈຸບັນ ແລະ ອະນາຄົດ ພ້ອມສ້າງ​ຈິດ​ສຳນຶກ​ຍົກ​ສູງ​ຄວາມ​ຮັບຮູ້​ຂອງ​ສັງຄົມ ກໍ່​ຄືປະຊາຊົນ​ລາວບັນດາເຜົ່າ ກ່ຽວ​ກັບ​ບົດບາດ ແລະ ຄວາມ​ສຳຄັນ​ຂອງ​ວຽກງານ​ການທ່ອງທ່ຽວ​ ທີ່​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະ​ກິດ-ສັງຄົມ​ຂອງ​ຊາດ ແລະ ຂອງ​ທ້ອງຖິ່ນ ໂດຍ​ສອດຄ່ອງ​ກັບກົດໝາຍ ແລະ ນິຕິ​ກຳ​ອື່ນໆທີ່​ກ່ຽວຂ້ອງ ສົ່ງເສີມ​ທຸລະ​ກິດ​ຂະໜາດ​ນ້ອຍ ແລະ ຂະໜາດ​ກາງ ຂະແໜງການ​ຕ່າງໆ​ທີ່​ກ່ຽວຂ້ອງ ໃຫ້​ມີ​ການ​ພັດທະນາ​ດີ​ຂຶ້ນ ຍາດແຍ່ງ​ໂອກາດ ແລະ ທ່າ​ອ່ຽງ​ການທ່ອງ​ທ່ຽວ​ຂອງ​ໂລກ​ຂອງ​ພາກ​ພື້ນອະນຸ ແລະ ພາກ​ພື້ນ​ເຂົ້າ​ໃນ​ການພັດທະນາ​ສົ່ງເສີມ​ການທ່ອງທ່ຽວຂອງ​ລາວ​ຢ່າງ​ແຂງແຮງ ຖື​ເອົາການທ່ອງທ່ຽວ​ເພີ່ມ​ຄວາມ​ເຂົ້າອົກ​ເຂົ້າໃຈ ຮັດ​ແໜ້ນ​ມິດຕະພາບລະຫວ່າງ​ຊາດ ແລກປ່ຽນ​ທາງດ້ານ​ວັດທະນະທຳ ການ​ຮ່ວມ​ມືການ​ເຊື່ອມ​ຕໍ່​ດ້ານ​ການທ່ອງທ່ຽວ ລະຫວ່າງ ສປປ ລາວ ກັບ​ບັນດາປະເທດ​ອະນຸ​ພາກ​ພື້ນ ແລະ ໃນໂລກ ເຊິ່ງ​ຊຸມ​ປີຜ່ານມາ​ການທ່ອງ​ທ່ຽວ​ລາວ ​ໄດ້​ມີ​ການ​ຂະຫຍາຍ​ຕົວ​ເປັນ​ກ້າວໆ ເຮັດ​ໃຫ້​ມີນັກ​ທ່ອງ​ທ່ຽວ​ເຂົ້າ​ມາ​ທ່ຽວ​ລາວ ນັບ​ມື້​ຫຼາຍ​ຂຶ້ນ ສະແດງ​ໃຫ້​ເຫັນ​ປີ 2000 ນັກ​ທ່ອງ​ທ່ຽວ​ເຂົ້າ​ມາລາວ​ມີ​ພຽງ​ແຕ່ 737.208 ຄົນ ມີ​ລາຍ​ຮັບ 113.898.285 ໂດ​ລາສະຫະລັດ ປີ 2015 ຈຳນວນ​ນັກທ່ອງ​ທ່ຽວ​ເຂົ້າ​ມາ​ເພີ່ມ​ຂຶ້ນ​ເປັນ 4.684.429 ຄົນ ມີ​ລາຍ​ຮັບ 725.365.681 ໂດ​ລາ ແລະ ຄາດ​ຄະເນ​ປີ 2020 ຈະ​ມີ​ນັກທ່ອງ​ທ່ຽວ​ເຖິງ 6.206.423 ຄົນ ຈະ​ມີ​ລາຍ​ຮັບ 933.427.000 ໂດ​ລາ ສະເພາະ​ປີ 2018 ໃຫ້​ມີນັກ​ທ່ອງ​ທ່ຽວ​ເຂົ້າ​ມາ​ບໍ່​ຕ່ຳ​ກວ່າ 5 ລ້ານ​ຄົນ ສ້າງ​ລາຍ​ຮັບ​ໃຫ້ໄດ້​ປະມານ 900 ລ້ານ​ໂດ​ລາ.

     ສຳລັບ​ການ​ເປີດ​ບຸນ​ນະ​ມັດສະການ​ພະ​ທາດຫຼວງ ປະຈຳ​ປີ 2017 ເຊິ່ງ​ເປັນ​ປາງ​ບຸນ​ໃຫຍ່​ຂອງຊາດ​ລາວ ຖື​ເປັນ​ປະເພນີ​ສືບ​ທອດກັນ​ມາ​ເປັນ​ເວລາ​ຍາວ​ນານ ພິເສດ ປີ​ນີ້​ມີ​ຄວາມ​ໝາຍ​ສຳຄັນຢ່າງ​ຍິ່ງ ເພາະ​ພວກ​ເຮົາ​ໄດ້​ສຳເລັດ​ໂຄງການ​ປະຕິສັງຂອນ​ພິ​ພິທະ​ພັນ​ພະ​ທາດຫຼວງ ຄັ້ງ​ທີ 4 ໄດ້​ຮັບ​ຜົນສຳເລັດ​ຕາມ​ຄາດໝາຍວາງ​ໄວ້ ລວມ​ມີ 8 ໜ້າ​ວຽກ​ສຳຄັນ ພົ້ນ​ເດັ່ນ​ແມ່ນ​ການ​ໂອບ​ຄຳໃສ່​ຈອມ​ພະທາດ​ໃຫຍ່ ພະທາດປາລະມີ 30 ທາດ ແລະ ພະທາດສີ​ທຳ​ມະ​ຫາຍ​ໂສກ​ຢ່າງ​ສະຫງ່າງາມ ແລະ ມີ​ການ​ຫຼໍ່​ພະ​ພຸດ​ທະຮູບ​ຄຳ ເພື່ອ​ປະດິດສະຖານ​ໃຫ້​ຄົງຢູ່​ກັບ​ພະ​ທາດຫຼວງ ອັນ​ສະແດງໃຫ້​ເຫັນ​ເຖິງ​ສັນຍະລັກ​ສຳຄັນ​ໜຶ່ງ ໃນ​ໂຄງການ​ປະຕິສັງຂອນ ເຊິ່ງພາຍ​ໃນ​ງານ​ບຸນ​ໄດ້​ມີ​ຫຼາຍ​ກິດ​ຈະກຳ​ທີ່​ສຳຄັນ ເປັນຕົ້ນ ການ​ຈັດວາງ​ຕະຫຼາດນັດ​ວາງສະແດງ​ສິນຄ້າ​ ທີ່​ເນັ້ນ​ໃສ່​ການ​ສົ່ງເສີມ​ສິນຄ້າໜຶ່ງ​ເມືອງ​ໜຶ່ງ​ຜະລິດ​ຕະ​ພັນ ສິນຄ້າ​ຄອບຄົວ​ຕົວ​ແບບ ຜະລິດ​ຕະພັນ​ຂະໜາດ​ນ້ອຍ ແລະ ກາງສິນຄ້າ​ກະສິກຳ ຫັດຖະກຳ ການວາງສະແດງ​ຜະລິດ​ຕະ​ພັນ​ການທ່ອງ​ທ່ຽວ​ຂອງ​ພາຍ​ໃນ ແລະ ຕ່າງປະເທດຈຳນວນ​ໜຶ່ງ ການຈັດ​ສະແດງ​ເຮືອນ​ຊົງ​ລາວ ການສະແດງ​ສິລະ​ປະ​ວັນນະຄະດີ ການ​ເຂົ້າ​ສັກກາລະ​ບູຊາ​ພະທາດຫຼວງ ຈັດ​ພິທີກຳ​ທາງ​ປະເພນີ ແລະ ສາສະໜາ​ຕະຫຼອດ​ໄລຍະບຸນ ສ່ວນ​ການວາງສະແດງ​ສິນຄ້າ​ ໄດ້​ຈັດ​ຂຶ້ນ​ຢູ່​ສູນ​ການ​ຄ້າ​ລາວ-ໄອ​ເຕັກ ມີ​ຮ້ານ​ວາງສະແດງ​ພາຍໃນ ແລະ ຕ່າງປະເທດ 460 ຮ້ານ ແລະ ບໍລິເວນ​ສະໜາມຫຼວງ ມີ 640 ຮ້ານ ໃນ​ນີ້​ມີ​ຮ້ານສິນຄ້າ​ຂອງ​ຕ່າງປະເທດ 3 ຮ້ານ ນອກ​ນັ້ນຍັງ​ໄດ້​ຈັດ​ສັນ​ບໍລິເວນດ້ານ​ໃນ​ກົມ​ມະ​ລຽນ ແລະ ບໍ​ລິເວນ​ດ້ານ​ນອກ​ຢ່າງ​ສວຍ​ງາມ ເພື່ອ​ຈັດ​ໃຫ້​ມີ​ບ່ອນ​ນັ່ງ​ຊົມ​ການແຫ່​ຜາສາດ​ເຜິ້ງ​ດ້ານ​ທິດເໜືອຂອງ​ພະ​ທາດຫຼວງ ຈັດ​ສັນ​ເດີ່ນພະ​ທາດຫຼວງ ແລະ ສະໜາມຫຼວງ​ໃຫ້​ກວ້າງຂວາງ​ຢ່າງ​ເປັນ​ລະບຽບ ເພື່ອ​ຊົມ​ການ​ແຂ່ງຂັນ​ຕີຄີ ການ​ຕັກບາດ ການ​ວຽນທຽນ ໃຫ້​ມວນ​ຊົນ ພະສົງ​ສາມະເນນ ເຂົ້າ​ຮ່ວມ​ຢ່າງ​ຫຼວງຫຼາຍ ໃຫ້​ສາມາດ​ບັນທຶກ​ເປັນ​ປະຫວັດ​ການ​ໃຫ້​ສົມ​ກຽດ​ສັກ​ສີ ໃນ​ພິທີ​ສະເຫຼີມ​ສະຫຼອງ​ຜົນສຳເລັດ​ໂຄງການ​ປະຕິສັງ​ຂອນ​ພິ​ພິ​ທະ​ພັນ​ພະ​ທາດຫຼວງ ຄັ້ງ​ທີ IV ແລະ ການ​ເປີດ​ປີ​ທ່ອງທ່ຽວ​ລາວ 2018.

    ໃນ​ໂອກາດ​ທີ່​ມີ​ຄວາມ​ໝາຍຄວາມ​ສຳຄັນ​ນີ້ ທ່ານ​ນາຍົກ​ລັດຖະ​ມົນຕີ ໄດ້​ໃຫ້​ກຽດ​ຂຶ້ນ​ກ່າວ​ເປີດປີ​ທ່ອງ​ທ່ຽວ​ລາວ 2018 ຢ່າງ​ເປັນທາງ​ການ ພ້ອມ​ດ້ວຍ​ລັ່ນຄ້ອງ 9 ບາດ ເພື່ອ​ເປັນ​ສັນຍະລັກ​ໃຫ້​ແກ່ງານ​ຢ່າງ​ຄຶກຄື້ນ ພ້ອມ​ນີ້​ທ່ານນາຍົກລັດຖະມົນຕີ ຍັງ​ໄດ້​ກ່າວຕື່ມ​ວ່າ: ການ​ເປີດ​ປີ​ທ່ອງ​ທ່ຽວລາວ ຄັ້ງ​ນີ້​ເປັນ​ຄັ້ງ​ທີ 3 ນັບ​ແຕ່​ປີ 1999 ເປັນຕົ້ນ​ມາ ລັດຖະບານ​ຖືເອົາ​ການ​ເປີດ​ປີ​ທ່ອງ​ທ່ຽວ​ລາວ ເປັນ​ເຫດການ​ອັນ​ສຳຄັນ​ທີ່​ສະແດງ​ໃຫ້​ເຫັນ​ວ່າ​ທົ່ວ​ພັກ ທົ່ວ​ກຳລັງ​ປະກອບ​ອາວຸດ ແລະ ປະຊາຊົນ​ລາວ​ທັງ​ຊາດ​ພວກ​ເຮົາ​ ໄດ້ພ້ອມພຽງ​ຮຽງ​ໜ້າ​ກັນ​ຫ້າງ​ຫາກະກຽມ​ການ​ເປັນ​ເຈົ້າພາບ​ທີ່​ດີ ເພື່ອ​ຕ້ອນຮັບ​ນັກ​ທ່ອງ​ທ່ຽວ​ຕ່າງປະເທດ​ທີ່​ມາ​ຈາກ​ທົ່ວ​ມຸມ​ໂລກ ຖື​ເອົາ​ການ​ເປີດ​ປີ​ທ່ອງ​ທ່ຽວ​ລາວ ເປັນ​ການ​ເປີດ​ກວ້າງ​ພັດທະນາຮອບດ້ານ ແລະ ການ​ເຊື່ອມ​ໂຍງຂອງ​ທຸກ​ຂະແໜງການ​ໃນ​ທົ່ວ​ປະເທດ ເພື່ອ​ຍົກ​ສູງ​ກຳລັງ​ແຮງ​ສັງລວມ​ຂອງ​ຊາດ​ຮ່ວມ​ກັບ​ພາກ​ພື້ນ ແລະ ສາກົນ​ໃນ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ຂອງ​ຊາດ ພະຍາຍາມ​ດຶງດູດ​ນັກ​ທ່ອງ​ທ່ຽວ​ໃຫ້​ເຂົ້າ​ມາ​ທ່ອງທ່ຽວ​ປະເທດ​ລາວ​ນັບ​ມື້​ຫຼາຍ​ຂຶ້ນ ແລະ ສ້າງ​ລາຍ​ຮັບ​ໃຫ້​ໄດ້​ຕາມຄາດໝາຍ​ທີ່​ວາງ​ໄວ້.

ພາຍຫຼັງ​ສຳເລັດ​ພິທີ​ເປີດ​ຢ່າງເປັນ​ທາງ​ການ​ແລ້ວ ທ່ານນາຍົກລັດຖະມົນຕີ ພ້ອມ​ດ້ວຍ​ຄະນະ ແລະ ແຂກ​ເຂົ້າ​ຮ່ວມ​ງານ ຍັງ​ໄດ້ທ່ຽວ​ຊົມ​ບັນດາ​ຮ້ານ​ວາງສະແດງ​ຜະລິດ​ຕະ​ພັນ​ການທ່ອງທ່ຽວ​ຂອງ​ແຕ່​ລະ​ແຂວງ ອົງ​ການຈັດຕັ້ງ​ສາກົນ​ຂອງ​ຕ່າງປະເທດ ສິນຄ້າ​ໂອດ໊ອບ ແລະ ທ່ຽວ​ຊົມ​ກິດຈະກຳຕ່າງໆ​ຂອງ​ໝູ່​ບ້ານ​ເຮືອນ​ຊົງ​ລາວ ທີ່​ບໍລິສັດ ຊີ​ເອັນ​ພີ ຂາ​ອອກ-ຂາເຂົ້າ ແລະ ສຳ​ຫຼວດ​ຂຸດ​ຄົ້ນ​ບໍ່​ແຮ່ ຈຳກັດ ເປັນ​ຜູ້​ສ້າງ​ຂຶ້ນ​ຢູ່​ພາຍ​ໃນເດີ່ນ​ກົມ​ມະ​ລຽນ​ດ້ານ​ນອກ​ຕື່ມອີກ ເຊິ່ງ​ງານ​ບຸນ​ພະ​ທາດຫຼວງປີ​ນີ້ ​ຈະ​ໄດ້​ຈັດ​ຂຶ້ນ​ວັນ​ທີ 28 ຕຸລາ ຫາ 3 ພະຈິກ 2017 ຈຶ່ງ​ສຳເລັດ.

ຂອບໃຈຂໍ້ມູນຈາກ: ໜັງສືພີມວຽງຈັນໃໝ່


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com