Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນາຍົກລັດຖະມົນຕີ ແຫ່ງ ສປປ ລາວ ແລະ ສສ ຫວຽດນາມ ປຶກສາຫາລືສອງຝ່າຍແບບທາງໄກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 07/04/2021 10:06:42 ຈຳ​ນວນ​​ຢ້ຽມ​ຊົມ 2003 ຄັ້ງ

ໃນຕອນແລງຂອງວັນທີ 6 ເມສາ 2021 ທີ່ສຳນັກງານນາຍົກລັດຖະມົນຕີ ໄດ້ມີການ ໂອ້ລົມສົນທະນາທາງໂທລະ ສັບ ລະຫວ່າງ ສະຫາຍ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ແລະ ສະຫາຍ ຟ້າມ ມິງ ຈິງ  ນາຍົກລັດຖະມົນຕີ ແຫ່ງ ສສ ຫວຽດນາມ ເພື່ອເສີມຂະຫຍາຍສາຍພົວພັນມິດ ຕະພາບອັນຍິ່ງໃຫຍ່,  ຄວາມສາ ມັກຄີພິເສດ ແລະ ການຮ່ວມມືຮອບດ້ານຂອງສອງປະເທດ ໃຫ້ນັບມື້ນັບຈະເລີນງອກງາມຍິ່ງໆຂຶ້ນ.

ການພົບປະແບບທາງໄກຄັ້ງນີ້ ໄດ້ມີຂຶ້ນໃນທ່າມກາງບັນຍາກາດທີ່ ສອງພັກ ສອງລັດໄດ້ສຳເລັດກອງປະຊຸມໃຫຍ່ ຂອງຕົນ, ສະພາແຫ່ງຊາດລາວ

ກໍໄດ້ສຳເລັດກອງປະຊຸມຄັ້ງປະຖົມມະລືກ ຊຸດທີ IX ດ້ວຍຜົນສຳເລັດອັນຈົບງາມ ແລະ ສະພາແຫ່ງຊາດ ຫວຽດນາມ ກໍ່ກຳລັງດຳເນີນກອງປະຊຸມສະໄໝສາມັນເທື່ອທີ XI ຊຸດທີ XIV ແລະ ໃນທ່າມກາງທີ່ສະພາບການພາກພື້ນ ແລະ ສາກົນ ຍັງມີຄວາມສັບສົນ. ໃນໂອກາດດັ່ງກ່າວ, ສະຫາຍ  ພັນຄຳ ວິພາວັນ ໄດ້ສະແດງຄວາມຊົມເຊີຍທີ່ ສະຫາຍ ຟ້າມ ມິງ ຈິງ ໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງ ສສ.ຫວຽດນາມ ຄົນໃໝ່ ໃນກອງປະຊຸມສະໄໝສາມັນເທື່ອທີ XI ຂອງສະພາແຫ່ງຊາດ ຊຸດທີ XIV ທີ່ກຳລັງດຳເນີນຢູ່ ຊຶ່ງສະແດງໃຫ້ເຫັນເຖິງຄວາມເຊື່ອໝັ້ນ ແລະ ໄວ້ເນື້ອເຊື່ອໃຈ ຂອງພັກ, ລັດ ກໍຄືປະຊາຊົນ ຫວຽດນາມ ອ້າຍນ້ອງ ທີ່ມອບໝາຍໜ້າທີ່ອັນສຳຄັນ ແລະ ມີກຽດສະຫງ່າ ໃຫ້ແກ່ສະຫາຍ ຟ້າມ ມິງ ຈິງ. ໃນຂະນະດຽວກັນ ກໍໄດ້ສະແດງຄວາມປິຕິຍິນດີທີ່ຈະໄດ້ເຮັດວຽກຮ່ວມກັບຝ່າຍຫວຽດນາມ ຢ່າງໃກ້ ຊິດ ເພື່ອສືບຕໍ່ຮັດແໜ້ນສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ໃຫ້ມີໝາກຜົນຕົວຈິງຍິ່ງໆຂຶ້ນ.

ໃນໂອກາດນີ້, ສອງນາ ຍົກລັດຖະມົນຕີ ລາວ-ຫວຽດນາມ ໄດ້ຕີລາຄາສູງຕໍ່ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຍັງຄົງສືບຕໍ່ຮັດແໜ້ນຢ່າງເປັນປົກກະຕິ ເຖິງແມ່ນວ່າ ສະພາບການແຜ່ລະບາດຂອງພະຍາດໂຄວິດ-19 ຈະເປັນອຸປະສັກໃຫ້ແກ່ການໄປມາຫາສູ່ກັນ ຂອງປະຊາຊົນສອງຊາດ ລາວ-ຫວຽດນາມ ກໍ່ຕາມ. ປັດຈຸບັນ, ສອງຝ່າຍ ກຳລັງຮ່ວມກັນຊຸກຍູ້ການຈັດຕັ້ງປະຕິບັດ ບັນດາສັນຍາ ແລະ ຂໍ້ຕົກລົງຕ່າງໆ ທີ່ສອງປະເທດໄດ້ມີຮ່ວມກັນ ໃຫ້ປະກົດຜົນເປັນຈິງຍິ່ງໆຂຶ້ນ ໂດຍສະເພາະແມ່ນ ຜັນຂະຫຍາຍຜົນກອງປະຊຸມ ສອງກົມການເມືອງ ແລະ ຜົນກອງປະຊຸມ ຄະນະກໍາມະການຮ່ວມມືສອງຝ່າຍ ຄັ້ງທີ 43 ທີ່ຮ່າໂນ້ຍ ໃນທ້າຍປີ 2020; ພ້ອມນີ້, ສອງຄະນະຮ່ວມມື ລາວ-ຫວຽດນາມ ກໍາລັງຮ່າງຍຸດທະສາດການຮ່ວມມື 10 ປີ (2021-2030) ແລະ ສັນຍາຮ່ວມມື 5 ປີ (2021-2025) ຊຶ່ງຄາດວ່າຈະໄດ້ລົງນາມໄວໆນີ້. ໃນຂະນະດຽວກັນ, ການຮ່ວມມືດ້ານການຄ້າ-ການລົງທຶນ ໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ນີ້ ກໍຍັງສືບຕໍ່ດຳເນີນໄປດ້ວຍດີ ເນື່ອງຈາກທັງສອງຝ່າຍ ໄດ້ມີຄວາມພະຍາຍາມອຳນວຍຄວາມສະດວກໃຫ້ແກ່ການລົງທຶນ, ການຄ້າ, ການຂົນສົ່ງ ແລະ ການໄປມາຫາສູ່ກັນ ບໍ່ໄດ້ຢຸດສະງັກ. ພ້ອມດຽວກັນນີ້, ສອງນາຍົກລັດຖະມົນຕີ ລາວ-ຫວຽດນາມ ໄດ້ເຫັນດີສືບຕໍ່ຊຸກຍູ້ການຈັດຕັ້ງປະຕິບັດໂຄງການຕ່າງໆ ທີ່ມີການຕົກລົງນຳກັນແລ້ວ ໃຫ້ໄດ້ຮັບຜົນສຳເລັດຢ່າງເປັນຮູບປະທຳ, ສະແດງຄວາມຊົມເຊີຍຕໍ່ຜົນການເຮັດວຽກຮ່ວມກັນຂອງ ສອງຄະນະຮ່ວມມື ລາວ-ຫວຽດນາມ, ຫວຽດນາມ-ລາວ ໃນວັນທີ 1-2 ເມສາ ຜ່ານມາ ຢູ່ດ່ານຊາຍແດນ ແດນສະຫວັນ-ລາວບ່າວ ທີ່ໄດ້ປຶກສາຫາລືບັນຫາສຳຄັນ ກ່ຽວກັບການຮ່ວມມືລົງທຶນຂອງສອງຝ່າຍ ແລະ ຫວັງຢ່າງຍິ່ງວ່າ ພາຍຫຼັງທີ່ພະຍາດໂຄວິດ-19 ໄດ້ຮັບການແກ້ໄຂດີຂຶ້ນ ການຄ້າ-ການລົງທຶນສອງຝ່າຍ ກໍຈະຂະຫຍາຍຕົວໄວຂຶ້ນ. ສຳລັບທິດທາງການຮ່ວມມືໃນຕໜ້າ, ສອງຝ່າຍ ເຫັນດີໃຫ້ສືບຕໍ່ການແລກປ່ຽນການຢ້ຽມຢາມຂອງຄະນະຜູ້ແທນນຳກັນ ໃນທຸກລະດັບ ຕາມທິດກະທັດຮັດ ແລະ ມີປະສິດທິຜົນ, ສືບຕໍ່ຊຸກຍູ້ສົ່ງເສີມດ້ານການຄ້າ-ການລົງທຶນ ສອງຝ່າຍ ໂດຍສະເພາະໃນບັນດາຂະແໜງການທີ່ເປັນທ່າແຮງຂອງສອງປະເທດ; ພິເສດ ສອງຝ່າຍຈະໄດ້ຮ່ວມກັນຈັດຕັ້ງການສະເຫຼີມສະຫຼອງປີສາມັກຄີມິດຕະພາບ ໃນປີ 2022 ກໍຄື ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍຄວາມໝາຍ ສຳຄັນ ເພື່ອໃຫ້ຄົນຮຸ່ນຫຼັງໄດ້ຮັບຮູ້ ແລະ ເຂົ້າໃຈຕໍ່ສາຍພົວ ພັນພິເສດທັງສອງປະເທດ.

ໃນຕອນທ້າຍຂອງການ ສົນທະນາ, ສະຫາຍ   ພັນຄຳ  ວິພາວັນ ໄດ້ສະແດງຄວາມຂອບໃຈມາຍັງພັກ, ລັດຖະບານ ແລະ ປະຊາຊົນ ຫວຽດນາມອ້າຍນ້ອງ ທີ່ໄດ້ໃຫ້ການຊ່ວຍເຫຼືອອັນລໍ້າຄ່າ, ທັນການ ແລະ ມີປະສິດທິຜົນ ທັງການຊ່ວຍເຫຼືອປົກກະຕິປະຈໍາປີ ກໍ່ຄືການຊ່ວຍເຫຼືອໃນຍາມໄພພິບັດຕ່າງໆ ພິເສດ ແມ່ນການຮັບມືກັບພະຍາດໂຄວິດ-19, ຊຶ່ງ ສສ. ຫວຽດນາມ ເປັນປະເທດທໍາອິດທີ່ເຂົ້າມາໃຫ້ການຊ່ວຍເຫຼືອແກ່ ສປປ ລາວ; ຂອບໃຈຕໍ່ການຊ່ວຍເຫຼືອໂຄງການກໍ່ສ້າງຫໍສະພາແຫ່ງຊາດລາວ ຫຼັງໃໝ່  ຊຶ່ງໄດ້ສຳ ເລັດ ແລະ ທັນຮັບໃຊ້ໃຫ້ແກ່ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ IX. ໃນໂອກາດນີ້, ສະຫາຍ ພັນຄໍາ ວິພາວັນ ກໍໄດ້ເຊື້ອເຊີນ ສະຫາຍ ຟ້າມ ມິງ ຈິງ ພ້ອມດ້ວຍພັນລະຍາ ມາຢ້ຽມຢາມ ສປປ ລາວ ໃນເວລາທີ່ສະດວກ ແລະ ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມື ຮອບດ້ານ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນຕະຫຼອດກາລະນານ.

ຂ່າວ: ກະຊວງການຕ່າງປະເທດ, ພາບ: ກົງມະລີ + ແສງຈັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com