Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການສີດວັກຊິນເປັນປັດໄຈໜູນເສດຖະກິດໂລກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 12/05/2021 19:59:52 ຈຳ​ນວນ​​ຢ້ຽມ​ຊົມ 1165 ຄັ້ງ

ຮຽບຮຽງໂດຍ: ວິໄລພອນ ເພັດໄພບູນ

ກອງທຶນເງິນຕາສາກົນ (IMF) ໄດ້ເຜີຍແຜ່ບົດລາຍງານທ່າອ່ຽງເສດຖະກິດໂລກ (WEO) ໂດຍໄດ້ປັບເພີ່ມການຄາດຄະເນການເຕີບໂຕຂອງເສດຖະກິດໂລກວ່າ: ຈະຂະຫຍາຍຕົວ 6% ໃນປີນີ້, ເພີ່ມຂຶ້ນຈາກທີ່ເຄີຍຄາດຄະເນໄວ້ເມື່ອເດືອນມັງກອນທີ່ຜ່ານມາ, ຈະຂະຫຍາຍຕົວ 5,5% ເພາະປັດໄຈໜູນມາຈາກໂຄງການສີດວັກຊິນໃນຫຼາຍປະເທດທົ່ວໂລກ. ພ້ອມກ່າວເຕືອນວ່າ: ຄວາມທ້າທາຍຍັງຄົງມີຢູ່ເນື່ອງຈາກແຕ່ລະປະເທດມີຄວາມຄືບໜ້າໃນການສີດວັກຊິນບໍ່ເທົ່າກັນ.

ນອກຈາກນີ້, IMF ຍັງໄດ້ປັບເພີ່ມການຄາດຄະເນເສດຖະກິດປີ 2022 ໂດຍຄາດຄະເນວ່າ: ເສດຖະກິດປີໜ້າຈະຂະຫຍາຍຕົວ 4,4% ເພີ່ມຂຶ້ນຈາກເດີມທີ່ເຄີຍຄາດຄະເນໄວ້ທີ່ຈະຂະຫຍາຍຕົວ 4,2%. ສ່ວນຈີນ, IMF ໄດ້ປັບເພີ່ມການຄາດຄະເນການຂະຫຍາຍຕົວຂອງເສດຖະກິດໃນປີ 2021 ເປັນ 8,4% ເນື່ອງຈາກວ່າ, ຈີນ ມີມາດຕະການຄວບຄຸມໂຣກໂຄວິດ-19 ທີ່ມີປະສິດທິພາບ ຊ່ວຍກະຕຸ້ນການຟື້ນຕົວຂອງເສດຖະກິດຢ່າງແຂງແຮງ. IMF ຄາດຄະເນວ່າ: ເສດຖະກິດຈີນ ຈະເພີ່ມຂຶ້ນ 0,3% ຈາກໂຕເລກການຄາດຄະເນໃນເດືອນມັງກອນ. ຂະນະທີ່ການຄາດຄະເນການຂະຫຍາຍຕົວຂອງເສດຖະກິດຈີນ ໃນປີ 2022 ຍັງໃນລະດັບ 5,6% ຊຶ່ງເປັນການຄາດຄະເນບົນພື້ນຖານຄວາມຂັດແຍ່ງລະຫວ່າງ ອາເມຣິກາກັບຈີນ ໃນຫຼາຍໆບັນຫາ.

ບົດລາຍງານລະບຸວ່າ: ຄວາມບໍ່ສະເໝີພາບທາງດ້ານເສດຖະກິດພາຍໃນປະເທດ ທີ່ເກີດຈາກການແຜ່ລະບາດຂອງພະຍາດໂຄວິດ-19, ອາດຈະເຮັດໃຫ້ເກີດການກີດກັນທາງດ້ານການຄ້າແບບໃໝ່ ທ່າມ ກາງຂໍ້ຈຳກັດດ້ານການຄ້າທີ່ສູງ ແລະ ການດຳເນີນການດັ່ງກ່າວ, ອາດຈະເພີ່ມຄວາມບໍ່ມີປະສິດທິພາບ ແລະ ຖ່ວງດຶງການຟື້ນຕົວຂອງເສດຖະກິດ ອີກທັງຍັງເພີ່ມຄວາມສ່ຽງຂອງການກີດກັນທາງດ້ານເຕັກໂນໂລຊີອີກດ້ວຍ.

IMF ຄາດຄະເນວ່າ: ຈີນ ຈະຄຸມເຂັ້ມນະໂຍບາຍການເງິນໃນປີນີ້, ຫຼັງຈາກທີ່ມີການຂະຫຍາຍຕົວດ້ານການເງິນຄັ້ງໃຫຍ່ໃນປີ 2020 ແລະ ຈະດຳເນີນນະໂຍບາຍການເງິນແບບສະໜັບສະໜູນຢ່າງຕໍ່ເນື່ອງໃນປີ 2021, ກ່ອນທີ່ຈະຄ່ອຍໆກັບສູ່ພາວະປົກກະຕິໃນປີ 2022. ພ້ອມນີ້, IMF ຄາດຄະເນວ່າ: ເສດຖະກິດອັງກິດ ຈະຂະຫຍາຍຕົວ 5,3% ໃນປີ 2021 ເພີ່ມຂຶ້ນຈາກເດີມທີ່ເຄີຍຄາດຄະເນໄວ້ເມື່ອເດືອນມັງກອນທີ່ຜ່ານມາວ່າ ຈະຂະຫຍາຍຕົວ 4,5% ເພາະໄດ້ຮັບປັດໄຈໜູນມາຈາກການລະດົມສີດວັກຊິນປ້ອງກັນພະຍາດໂຄວິດ-19 ທີ່ວ່ອງໄວ ປະກອບກັບລັດຖະບານອັງກິດ ອອກມາດຕະການກະຕຸ້ນເສດຖະກິດເມື່ອບໍ່ດົນມານີ້. IMF ຄາດຄະເນວ່າ: ເສດຖະກິດອັງກິດ ຈະຂະຫຍາຍຕົວໄວກວ່າປະເທດກຸ່ມຢູໂຣໂຊນ ພາຍຫຼັງປະເຊີນກັບພາວະເສດຖະກິດຕົກຕ່ຳໃນໄລຍະປີ 2020, ແຕ່ກໍຄາດຄະເນວ່າ: ອາດຈະຍັງບໍ່ສາມາດກັບມາສູ່ລະດັບກ່ອນເກີດການແຜ່ລະບາດຂອງພະຍາດໂຄວິດ-19 ໄດ້ກ່ອນປີ 2022.

ອັງກິດ ມີຈຳນວນຜູ້ຕິດເຊື້ອສູງໃນພາກພື້ນເອີຣົບ, ສົ່ງຜົນໃຫ້ເສດຖະກິດຂອງປະເທດຫຼຸດລົງເກືອບ 10% ໃນປີ 2020 ຊຶ່ງຖືວ່າຮ້າຍແຮງທີ່ສຸດໃນກຸ່ມປະເທດຜູ້ນຳດ້ານເສດຖະກິດຂອງພາກພື້ນເອີຣົບ, ແຕ່ອັງກິດ ສາມາດປຸກລະດົມສີດວັກຊິນ ໃຫ້ປະຊາຊົນໄດ້ໄວກວ່າປະເທດໃນພາກພື້ນເອີຣົບເກືອບທັງໝົດ, ປະຊາຊົນເກືອບ 50% ໃນອັງກິດ ໄດ້ຮັບການສີດວັກຊິນໂດສທຳອິດແລ້ວ ເມື່ອທຽບກັບອັດຕາການສີດວັກຊິນຂອງເຢຍລະມັນ ແລະ ຝຣັ່ງ ທີ່ໜ້ອຍກວ່າ 15%.

ໃນບົດລາຍງານການຄາດຄະເນເສດຖະກິດທີ່ເຜີຍແຜ່ໃນຄັ້ງນີ້, IMF ໄດ້ຄາດວ່າ: ເສດຖະກິດຢູໂຣໂຊນ ຈະຂະຫຍາຍຕົວ 4,4% ໃນປີ 2021. ຂະນະດຽວກັນກໍໄດ້ຄາດຄະເນວ່າ: ເສດຖະກິດເຢຍລະມັນ ຈະຂະຫຍາຍຕົວ 3,6% ແລະ ເສດຖະກິດຝຣັ່ງ ຈະຂະຫຍາຍຕົວ 5,8%.

ນອກຈາກນີ້, IMF ຍັງໄດ້ຄາດຄະເນວ່າ: ອັງກິດ ແລະ ປະເທດໃນຢູໂຣໂຊນ ອາດຈະໃຊ້ເວລາຫຼາຍກວ່າອາເມຣິກາ ແລະ ຍີ່ປຸ່ນ ກ່ອນທີ່ຈະກັບຄືນສູ່ລະດັບກ່ອນເກີດການແຜ່ລະບາດໄດ້ພາຍໃນປີນີ້ ຊຶ່ງ IMF ຍັງໄດ້ປັບເພີ່ມການຄາດຄະເນເສດຖະກິດອັງກິດ ໃນປີ 2022 ຂຶ້ນສູ່ລະດັບ 5,1% ໝາຍຄວາມວ່າ: ເສດຖະກິດອັງກິດ ຈະຂະຫຍາຍຕົວແຂງແຮງທີ່ສຸດໃນກຸ່ມປະເທດຜູ້ນຳດ້ານເສດຖະກິດຂອງເອີຣົບໃນປີໜ້າ.

ທ່ານ ກິຕາ ໂກປິນາດ ຫົວໜ້ານັກເສດຖະສາດຂອງ IMF ໄດ້ສະແດງຄວາມຄິດເຫັນວ່າ: ການປັບເພີ່ມໂຕເລກຄາດຄະເນການຂະຫຍາຍຕົວທາງດ້ານເສດຖະກິດໂລກ ເປັນຜົນສືບເນື່ອງມາຈາກການເບິ່ງເຫັນທາງອອກຂອງວິກິດສຸຂະພາບ ແລະ ວິກິດເສດຖະກິດໄດ້ຢ່າງຊັດເຈນຫຼາຍຂຶ້ນ. ນອກຈາກນີ້, ທ່ານ ກິຕາ ໂກປິນາດ ຍັງໄດ້ປະເມີນສະຖານະການທາງດ້ານເສດຖະກິດໂລກໃນປີ 2020 ທີ່ຜ່ານມາວ່າ: ຫຼຸດລົງປະມານ 3,3% ຖືວ່າດີກວ່າທີ່ເຄີຍຄາດຄະເນໄວ້ກ່ອນໜ້ານີ້ວ່າ, ຈະຫຼຸດລົງເຖິງ 3,5% ໂດຍໄດ້ຜົນມາຈາກການທີ່ລັດຖະບານທົ່ວໂລກ ພ້ອມໃຈກັນເພີ່ມງົບປະມານລວມຫຼາຍກວ່າ 16 ລ້ານໆໂດລາ ເພື່ອກະຕຸ້ນເສດຖະກິດ ແລະ ຖ້າຫາກບໍ່ມີມາດຕະການກະຕຸ້ນພາວະເສດຖະກິດໂລກ ປີທີ່ຜ່ານມາ ຈະຮ້າຍກວ່າທີ່ເປັນຢູ່ໃນປັດຈຸບັນເຖິງ 3 ເທົ່າ.

ບົດລາຍງານ IMF ລະບຸຕື່ມວ່າ: ກຸ່ມປະເທດທີ່ມີບັນຫາເລື່ອງຄວາມຊັກຊ້າໃນການແຈກຢາຍວັກຊິນ ແລະ ມີນະໂຍບາຍກະຕຸ້ນເສດຖະກິດໃນລະດັບຈຳກັດ ລວມທັງກຸ່ມປະເທດທີ່ອາໄສພາກການທ່ອງ ທ່ຽວເປັນລາຍໄດ້ສຳຄັນ ອາດຈະຟື້ນຕົວໄດ້ຊ້າກວ່າປະເທດອື່ນໆ, ແຕ່ປັດສ່ຽງສໍາຄັນ ຍັງແມ່ນພາວະການແຜ່ລະບາດຂອງພະຍາດໂຄວິດ-19 ທີ່ມີການລະບາດໄປທົ່ວໂລກ ລວມທັງຄວາມບໍ່ແນ່ນອນໃນຕະຫຼາດການເງິນໂລກ. IMF ຈຶ່ງຖືເອົາໂອກາດນີ້ ຮຽກຮ້ອງໃຫ້ທະນາຄານກາງທົ່ວໂລກ ກຽມນະໂຍບາຍດ້ານການເງິນ ທີ່ພ້ອມສະໜັບສະໜູນການຟື້ນຕົວທາງດ້ານເສດຖະກິດຂອງແຕ່ລະປະເທດ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com