Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ມອບ-ຮັບໜ້າທີ່ປະທານສະມາຄົມເຟີນີເຈີລາວ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 22/07/2021 12:03:40 ຈຳ​ນວນ​​ຢ້ຽມ​ຊົມ 1736 ຄັ້ງ

 

  ພີທິມອບ-ຮັບໜ້າທີ່ປະ​ທານ​ສະ​ມາ​ຄົມ​ເຟີ​ນີ​ເຈີ​ລາວ (ສ​ຟ​ລ) ລະຫວ່າງ ທ່ານ ຄຳໄພ ສົມຊະນະ ປະທານສະມາຄົມເຟີນີເຈີລາວ ຜູ້ເກົ່າ ແລະ ທ່ານ ກອງມາລາ ພົມມະໄລ ປະທານສະມາຄົມເຟີນີເຈີລາວຜູ້ໃໝ່ ຈັດ​ຂຶ້ນ​ໃນ​ວັນ​ທີ 21 ກໍ​ລະ​ກົດ 2021 ທີ່​ສະ​ພາ​ການ​ຄ້າ ແລະ ອຸດ​ສາ​ຫະ​ກຳ​ແຫ່ງ​ຊາດ​ລາວ ໂດຍ​ມີ ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ມີພາກ​ສ່ວນກ່ຽວຂ້ອງເຂົ້າຮ່ວມ.

     ໃນພິທີໄດ້ຜ່ານຂໍ້ຕົກລົງຂອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ວ່າດ້ວຍການຮັບຮອງການແຕ່ງຕັ້ງຄະນະບໍລິຫານງານຂອງສະມາຄົມເຟີນີເຈີລາວ ສະໄໝທີ IV ໂດຍຕົກລົງຮັບຮອງເອົາ ທ່ານ ກອງມາລາ ພົມມາໄລ ອຳນວຍການໂຮງງານເຄແອນບີເຟີນິເຈີ ເປັນປະທານ ແລະ ໄດ້ຮັບຮອງເອົາຮອງປະທານ 6 ທ່ານປະກອບມີ ທ່ານ ວັນເພັງ ສົມຊະນະ ອຳນວຍການໂຮງງານຄຳໄພຊະນະປຸງແຕ່ງໄມ້ ແລະ ເຟີນີເຈີ, ທ່ານນາງ ຈັນໄຕ ທຳມະວົງສາ ອຳນວຍການໂຮງງານຈັນໄຕເຟີນີເຈີ, ທ່ານ ທອງດຳ ສີຫາມາຍາ ອຳນວຍການໂຮງງານທອງດຳເຟີນີເຈີ, ທ່ານ ກອງແຊງ ລາດສະມູນ ອຳນວຍການໂຮງຊ່າງແກະສະຫຼັກໄມ້, ທ່ານ ບຸນຖອງ ຫຼວງໂຄດ ອຳນວຍການບໍລິສັດ ຮຸ່ງຈະເລີນລວຍຊັບການຄ້າ ຂາເຂົ້າ ແລະ ສົ່ງອອກຈຳກັດ, ທ່ານ ນາງ ວອນມະນີວົງ ສະເຕີນ ອຳນວຍການບ້ານລັບແລເຟີນີເຈີ. ນອກ​ຈາກ​ນີ້ ຍັງ​​ໄດ້​ແຕ່ງ​ຕັ້ງ​ກຳ​ມະ​ການ ແລະ ຄະ​ນະ​ກວດ​ກາ​ຂອງ​ສະ​ມາ​ຄົມ​ນຳ​ອີກ.

     ທ່ານ ຄຳໄພ ສົມຊະນະ ກ່າວວ່າ: ຕະຫຼອດໄລ​ຍະຜ່ານມາຕົນໄດ້ອຸທິດກຳລັງທັງກາຍ ແລະ ໃຈ ພ້ອມທຶນຮອນປະກອບສ່ວນເຂົ້າໃນການພັດທະນາດ້ານຕ່າງໆຂອງ ສຟລ ຊຸດທີ 2 ແລະ ຊຸດທີ 3 ອັນໄດ້ສ້າງຊື່ສຽງສຳຄັນແກ່ພາຍໃນ ແລະ ພາກພື້ນໄດ້ຮູ້ຈັກຜະລິດຕະພັນໄມ້ລາວນັບມື້ຫຼາຍຂຶ້ນ.

ທ່ານກ່າວ​ອີກວ່າ: ຕະຫຼອດເວລາ 10 ກວ່າປີຜ່ານມາ ບັນດາຄະນະ ສຟລ ໄດ້ປະກອບສ່ວນທຶນຮອນຫຼາຍຕື້ກີບ ສະເພາະສ່ວນຕົວໄດ້ປະກອບສ່ວນ 1 ຕື້ກວ່າກີບ, ໃນປີ 2013 ໄດ້ຮັບໂກຕາໄມ້ທ່ອນ 30% ຈາກລັດຖະບານແບ່ງໃຫ້, ໄດ້ຖືກເຊີນເຂົ້າເປັນສະມາຊິກສະມາຄົມເຟີນີເຈີອາຊຽນໃນປີ 2014 ແລະ ໃນປີ 2017 ໄດ້ຈັດກອງປະຊຸມຄັ້ງທີ 35 ຂອງສະມາຄົມເຟີນີເຈີອາຊຽນຢູ່ ສປປ ລາວ, ໄດ້ຖືກເຊີນເຂົ້າເປັນສະມາຊິກສະມາຄົມທຸລະກິດຈີນ-ອາຊຽນ ໃນປີ 2014 ນອກນັ້ນ ສຟລ ຍັງໄດ້ມີການຈັດງານວາງສະແດງສິນຄ້າ 3 ຄັ້ງຕໍ່ປີ ແຕ່ປີ 2015 ຮອດປັດຈຸບັນ.

     ທ່ານ ກອງມາລາ ພົມມາໄລ ໄດ້ກ່າວວ່າ: ຮູ້ສຶກດີໃຈທີ່ໄດ້ຮັບຄວາມໄວ້ວາງໃຈໃຫ້​ປະ​ຕິ​ບັດໜ້າທີ່ອັນຊົງກຽດນີ້  ໂດຍຈະນຳພາສະມາຄົມພັດທະນາໄປຕາມແນວທາງນະໂຍບາຍຂອງພັກ-ລັດພັດທະນາສີມືແຮງງານລາວໃນຂະແໜງເຟີ​ນີເຈີໃຫ້ທຽບເທົ່າກັບສາກົນ ແລະ ລະດົມສະມາຊິກໃຫ້ເປັນໜຶ່ງດຽວມີຄວາມສາມັກຄີ ພ້ອມຂະຫຍາຍໄປທົ່ວທຸກແຂວງຂອບເຂດທົ່ວປະເທດ ໄປຄຽງຄູ່ກັບການພັດທະນາສິນຄ້າໃຫ້ເປັນທີ່ສົນໃຈຂອງຕະຫຼາດພາຍໃນ ແລະ ສາກົນ, ແກ້ໄຂຈຸດອ່ອນ ຂໍ້ຄົງຄ້າງໃນໄລ​ຍະຜ່ານມາ ແລະ ເສີມຂະຫຍາຍຈຸດແຂງໃຫ້ໂດດເດັ່ນຂຶ້ນໃນອະນາຄົດ. (ຂ່າວ-ພາບ: ສະມາຄົມເຟີນີເຈີລາວ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com