Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລາວ-ຫວຽດນາມ ກ້າວໄປພ້ອມກັນໃນເສັ້ນທາງພັດທະນາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 27/07/2021 13:29:22 ຈຳ​ນວນ​​ຢ້ຽມ​ຊົມ 838 ຄັ້ງ

ໂດຍ: ສີວັນ

ລາວ - ຫວຽດ­ນາມ ແມ່ນ​ສອງ​ປະ­ເທດ​ບ້ານ​ໃກ້​ເຮືອນ​ຄຽງ, ມີ​ພູ­ຜາ​ປ່າ­ໄມ້, ແມ່​ນຳ້ລໍາ​ເຊ​ທີ່​ຕິດ​ຈອດ​ກັນ, ສອງ​ຊາດ​ລາວ - ຫວຽດ­ນາມ ໄດ້​ມີ​ຄວາມ​ໃກ້­ຊິດສະ­ໜິດ­ສະ­ໜົມຖານ​ເພື່ອນ​ສະ­ຫາຍ ແລະ ອ້າຍ​ນ້ອງ​ກັນ, ໄດ້​ຮັບ​ການ​ສ້າງ­ຕັ້ງ ແລະ ພັດ­ທະ­ນາ​ມາ​ເປັນ​ເວ­ລາ​ດົນ​ນານ​ແລ້ວ, ຜ່ານ​ການ​ທົດ​ສອບ​ໃນ​ໄລ­ຍະ​ສົງ­ຄາມ ກໍຄື​ໄລ­ຍະ​ແຫ່ງ​ການ​ສ້າງ­ສາ ແລະ ພັດ­ທະ ­ນາ​ປະ­ເທດ​ຊາດ; ສາຍ​ພົວ­ພັນ​ມິດ­ຕະ­ພາບ​ອັນ​ຍິ່ງ​ໃຫຍ່, ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອບ­ດ້ານ  ລະ­ຫວ່າງ ລາວ - ຫວຽດ­ນາມ ນັບ​ມື້​ນັບ​ໄດ້​ຮັບ​ການ​ຂະ­ຫຍາຍ­ຕົວ ແລະ ເຂົ້າ​ສູ່​ລວງ​ເລິກ ຊຶ່ງ​ເປັນ​ກຳ­ລັງ​ໜູນ​ຊຸກ­ຍູ້​ໃຫ້​ລາວ - ຫວຽດ­ນາມ ກ້າວ​ໄປ​ພ້ອມ​ກັນ ບົນ​ເສັ້ນ­ທາງ​ພັດ­ທະ­ນາ​ປະ­ເທດ​ຊາດ.
ສາຍ​ພົວ­ພັນ​ມິດ­ຕະ­ພາບ​ອັນ​ຍິ່ງ​ໃຫຍ່, ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ ຮອບ­ດ້ານ ລະ­ຫວ່າງ ລາວຫວຽດ ­ນາມ ໂດຍ​ແມ່ນ ປະ­ທານ ໂຮ່​ຈິ​ມິນ ຜູ້​ນໍາ​ທີ່​ຍິ່ງ​ໃຫຍ່, ປະ­ທານ ໄກ­ສອນ ພົມ­ວິ­ຫານ ແລະ  ປະ ­ທານ ສຸ­ພາ​ນຸ​ວົງ ທີ່​ແສນ​ເຄົາ ­ລົບ​ຮັກໄດ້​ຮ່ວມ​ກັນ​ກໍ່​ຕັ້ງ ແລະ ໄດ້​ຮັບ​ການ​ເພີ່ມ​ພູນ​ຄູນ​ສ້າງ​ຈາກ​ບັນ­ດາ​ການ​ນໍາ, ນັກຮົບປະ ­ຕິ­ວັດ ແລະ ປະ­ຊາ­ຊົນ​ສອງ​ປະ ­ເທດ ພ້ອມ​ກັນ​ປົກ​ປັກ​ຮັກ­ສາ​ດ້ວຍ​ຢາດ​ເຫື່ອ, ເລືອດ​ເນື້ອ ຊຶ່ງ​ໄດ້​ຮັບ​ການ​ຂະ­ຫຍາຍ­ຕົວ​ຢ່າງ​ບໍ່​ຢຸດ​ຢັ້ງ, ກາຍ­ເປັນສາຍ​ພົວ­ພັນ ​ທີ່​ສັດ­ຊື່​ບໍ­ລິ­ສຸດ​ຜຸດ​ຜ່ອງ, ສະ­                                                ເໝີ​ຕົ້ນ​ສະ­ເໝີ​ປາຍທີ່​ຫາ​ຍາກ​ໃນ​ໂລກ, ເປັນ​ຊັບ​ສົມ­ບັດ​ອັນ​ລຳ້ຄ່າ​ຂອງ​ສອງ​ຊາດລາວ-      ຫວຽດ­ນາມ.
ໃນ​ສະ­ໄໝ​ສົງ­ຄາມ, ກອງ ­ທັບ ແລະ ປະ­ຊາ­ຊົນ ລາວ- ຫວຽດ­ນາມ ຍາມ​ໃດ​ກໍຢືນ​ຢູ່ຄຽງ​ ບ່າ​ຄຽງ​ໄຫຼ່​ກັນ, ຮ່ວມ​ທຸກ​ຮ່ວມ​ສຸກ, ແບ່ງ​ເບົາ​ຄວາມ­ທຸກ​ຄວາມ​ຍາກ​ນໍາ​ກັນ ດ້ວຍ​ຄໍາ​ຂວັນ; “ເຂົ້າ​ເມັດ​ຫັກ, ຜັກ​ເສັ້ນ​ໜຶ່ງ​ກໍ​ແບ່ງ­ປັນ​ກັນ​ກິນ” ໃນ​ການ​ຕໍ່­ສູ້​ຕ້ານ​ສັດ­ຕູ​ໂຕ​ດຽວ; ຮ່ວມ​ສໍາ​ພັນ​ການ​ຕໍ່­ສູ້​ລາວ - ຫວຽດ­ນາມ ແມ່ນ​ສັນ­ຍາ​ລັກ​ແຫ່ງ​ເຈດ​ຈຳ­ນົງ ແລະ ຄວາມ​ຕັດ­ສິນ​ໃຈ​ໃນ​ການ​ຕໍ່­ສູ້​ເພື່ອ​ເອ­ກະ­ລາດ, ເສ­ລີ­ພາບ, ສັນ­ຕິ­ພາບ ແລະ ຄວາມ​ຍຸ­ຕິ​ທຳ. ກອງ­ທັບ ແລະ ປະ­ຊາ­ຊົນ​ຂອງ​ສອງ​ປະ­ເທດ ໄດ້​ເສີມ​ຂະ­ຫຍາຍ​ກຳ­ລັງ​ແຮງ​ອັນ​ຍິ່ງ​ໃຫຍ່ ແລະ ນໍ້າ​ໃຈ​ສາ­ມັກ­ຄີ​ສະ­ໜິດ​ຕິດ​ແໜ້ນ ເພື່ອ​ຍາດ​ເອົາ​ໄຊ­ຊະ­ນະ​ຢ່າງ​ຕໍ່​ເນື່ອງ​ໃນ​ການ​ຕໍ່­ສູ້​ຕ້ານ​ສັດ­ຕູ​ໂຕ​ດຽວກັນ, ຍາດ​ເອົາ​ເອ­ກະ ­ລາດ ແລະ ເອ­ກະ​ພາບ​ໃນ​ແຕ່​ລະ​ປະ­ເທດ; ທະ­ຫານ​ອາ­ສາ​ສະ ­ໝັກຫວຽດ­ນາມ ຈຳ­ນວນ​ຫຼາຍ ໄດ້​ເສຍ­ສະ­ຫຼະ​ຢ່າງ​ກ້າ­ຫານ​ຢູ່​ລາວ ໃນ​ການ​ຕໍ່­ສູ້​ກັບຄວາມ​​ບໍ່ເປັນ​ທຳ ເພື່ອ​ນຳ​ເອົາ​ຊີ­ວິດ​ທີ່​ສະ­ຫງົບ​ສຸກ ແລະ ເສ­ລີພາບ ມາ­ສູ່​ປະ­ຊາ­ຊົນ​ຂອງ​ສອງ​ປະ ­ເທດລາວ - ຫວຽດ­ນາມ.
ເມື່ອ​ສັນ­ຕິ­ພາບ ໄດ້​ຮັບ​ການ​ຟື້ນ​ຟູ, ສາຍ​ພົວ­ພັນ​ມິດ ­ຕະ­ພາບ, ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອບ ­ດ້ານ ລະ­ຫວ່າງ ລາວ - ຫວຽດ ­ນາມ ພາຍ​ໃຕ້​ການ​ນຳ­ພາ​ຂອງ​ພັກ​ປະ­ຊາ­ຊົນ ປະ­ຕິ­ວັດ​ລາວ ແລະ ພັກ​ກອມ​ມູ​ນິດ ຫວຽດ­ນາມ ນັບ​ມື້​ນັບ​ໄດ້​ຮັບ​ການ​ຮັດ​ແໜ້ນ​ເພີ່ມ​ຂຶ້ນ. ວັນ​ທີ 5/9/1962, ສອງ​ປະ­ເທດ ລາວ - ຫວຽດ ­ນາມ ໄດ້​ສ້າງ­ຕັ້ງ​ສາຍ​ພົວ­ພັນ​ທາງ​ການ​ທູດ​ຢ່າງ​ເປັນ​ທາງ​ການ ແລະ ວັນ​ທີ 18/7/1977, ສອງ​ປະ­ເທດ ໄດ້​ລົງ​ນາມ​ໃນ​ສົນ­ທິ ­ສັນ­ຍາ​ມິດ­ຕະ­ພາບ ແລະ ການ​ຮ່ວມ​ມື, ນີ້​ບໍ່​ພຽງ​ແຕ່​ແມ່ນ​ເຫດ ­ການ​ ການ­ເມືອງ​ທີ່​ສຳ­ຄັນ ເທົ່າ​ນັ້ນ, ແຕ່​ຍັງແມ່ນ​ພື້ນ­ຖານ​ນິ­ຕິ​ກຳທີ່​ໜັກ​ແໜ້ນ ສຳ­ລັບ​ການ​ເພີ່ມ​ທະ­ວີ ແລະ ຂະ­ຫຍາຍ​ສາຍ​ສາຍ​ພົວ­ພັນ​ແບບ​ພິ­ເສດ ລາວ - ຫວຽດ­ນາມ ໃນ​ໄລ­ຍະ​ໃໝ່, ເຮັດ​ໃຫ້­ການ​ພົວ­ພັນ​ມິດ­ຕະ­ພາບ​ທີ່​ຍິ່ງ​ໃຫຍ່, ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອບ­ດ້ານ ລະ­ຫວ່າງ ສອງ​ພັກ, ສອງ​ລັດ ແລະ ປະ­ຊາ­ຊົນ​ສອງ​ປະ­ເທດ ລາວ - ຫວຽດ­ນາມ ນັບ​ມື້​ນັບ​ເລິກ­ເຊິ່ງ ແລະ ມີ​ປະ­ສິດ​       ທິ​ຜົນ​ດີກ​ວ່າ​ເກົ່າ.
ຕະ­ຫຼອດ 59 ປີ​ທີ່​ຜ່ານ​ມາ, ການ​ພົວ­ພັນ​ດ້ານ​ການ­ເມືອງ ກໍ​ຄື​ການ​ພົວ­ພັນ​ທາງ​ການ​ທູດ ລະ­ຫວ່າງ ລາວ - ຫວຽດ­ນາມ ໄດ້​ຮັບ​ໝາກ­ຜົນ​ດີ​ຢ່າງ​ຕໍ່​ເນື່ອງ. ການ​ຮ່ວມ​ມື​ດ້ານ​ເສດ­ຖະ­ກິດ ແມ່ນ​ສ່ວນ​ປະ­ກອບ​ສຳ­ຄັນ​ໃນ​ສາຍ​ພົວ­ພັນ​ລາວ - ຫວຽດ­ນາມ, ເພາະ­ວ່າ ລະ­ຫວ່າງ ສອງ​ປະ ­ເທດ​ມີ​ຄວາມ​ມຸ່ງ​ຫວັງ ແລະ ເປົ້າ​ໝາຍ​ດຽວ​ກັນ ໃນ​ການ​ສ້າງ­ສາ ແລະ ພັດ­ທະ­ນາ​ປະ­ເທດ ທີ່​ຈະ­ເລີນ​ຮຸ່ງ­ເຮືອງ, ເຮັດ​ໃຫ້​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ສອງ​ປະ­ເທດ​ນັບ​ມື້​ນັບ​ດີ​ຂຶ້ນ.
ປັດ­ຈຸ­ບັນ, ສາ­ທາ­ລະ­ນະ​ລັດ ສັງ­ຄົມ​ນິ­ຍົມຫວຽດ­ນາມ ແມ່ນ​ໜຶ່ງ​ໃນ​ບັນ­ດາ​ປະ­ເທດ​ນຳ​ໜ້າ ໃນ​ການ​ລົງ­ທຶນ ແລະ ເປັນ​ຄູ່​ຮ່ວມ​ມື​ການ​ຄ້າ​ໃຫຍ່​ຂອງ​ລາວ, ໃນ​ນັ້ນ ມີ​ຫຼາຍ​ໂຄງການ ໄດ້​ຮັບ​ການ​ສົ່ງ­ເສີມ​ຢ່າງ​ມີ​ປະ ­ສິດ​ທິ​ຜົນ, ນຳ​ມາ​ຊຶ່ງ​ຜົນ​ປະ ­ໂຫຍດ​ໃຫ້​ທັງ​ສອງ​ປະ​ເທດ. ການ​ຮ່ວມ​ມື​ດ້ານ​ປ້ອງ​ກັນ​ຊາດ - ປ້ອງ​ກັນ​ຄວາມ​ສະ­ຫງົບ ສືບ­ຕໍ່​ບັນ­ລຸ​ໝາກ­ຜົນ​ທີ່​ສຳ­ຄັນ​ໃນ​ຫຼາຍ​ດ້ານ, ສອງ​ຝ່າຍ ສືບ­ຕໍ່​ປະ­ສານ​ສົມ­ທົບ​ກັນ​ໃນ​ການ­ຈັດ­ຕັ້ງ​ປະ ­ຕິ­ບັດ​ສັນ­ຍາ​ກ່ຽວ​ກັບ​ຊາຍ​ແດນ ທີ່​ໄດ້​ລົງ​ນາມ​ເປັນ​ຢ່າງ​ດີ, ປົກ​ປ້ອງ ແລະ ແກ້​ໄຂ​ຢ່າງ​ທັນ​ການ​ກັບ​ການ​ລະ­ເມີດ​ຕ່າງໆ ໃນ​ເຂດ​ຊາຍ​ແດນ, ປະ­ສານ​ສົມ ­ທົບ​ກັນ​ຕໍ່­ສູ້​ຕ້ານ​ອາ­ຊະ­ຍາ​ກຳ​ຂ້າມ​ຊາດ, ຊຸກ­ຍູ້​ການ​ເຊັນ​ສັນ ­ຍາ​ກ່ຽວ​ກັບ​ການ​ປ້ອງ​ກັນ​ຊາດ ແລະ ຄວາມ​ໝັ້ນ­ຄົງ. ຂົງ­ເຂດ​ວັດ­ທະ­ນະ­ທຳ, ການ​ສຶກ­ສາ, ວິ­ ທະ­ຍາ­ສາດ ແລະ ເຕັກ​ໂນ​ໂລຊີ ສືບ­ຕໍ່​ບັນ­ລຸ​ໝາກ­ຜົນ​ທີ່​ຕັ້ງ­ໜ້າ. ການ​ຮ່ວມ​ມື ແລະ ແລກ­ປ່ຽນ​ບົດ­ຮຽນ ລະ­ຫວ່າງ ບັນ­ດາ​ກະ ­ຊວງ, ຂະ­ແໜງ­ການ​ຂັ້ນ​ສູນ​ກາງ ແລະ ທ້ອງ­ຖິ່ນ ນັບ​ມື້​ນັບ​ໄດ້​ຮັບ​ການນັບ​ຖື​ເປັນ​ສຳ­ຄັນ​ທາງດ້ານ​ຄຸນ​ນະ​ພາບ ແລະ ມີ​ປະ­ສິດ​ທິ​ຜົນ​ຕົວ​ຈິງ. ສອງ​ປະ­ເທດ ໄດ້​ສ້າງ​ເງື່ອນ­ໄຂ​ສະ ­ດວກ​ໃຫ້​ປະ­ຊາ­ຊົນ​ສອງ​ຊາດ ລາວ - ຫວຽດ­ນາມ ດໍາ​ລົງ​ຊີ­ວິດ, ເຮັດ​ວຽກ ແລະ ຮໍ່າ​ຮຽນຕາມ​ກົດ­ໝາຍ​ຂອງ​ແຕ່​ລະ​ປະ​ເທດ. ກ່ຽວ​ກັບ​ການ​ຮ່ວມ​ມື​ຫຼາຍ​ຝ່າຍ, ນັບ​ແຕ່​ເຂົ້າ​ເປັນ​ສະ­ມາ­ຊິກ​ອາ​ຊຽນ, ລາວ ແລະ ຫວຽດ­ນາມ ໄດ້​ມີ​ການ​ປະ­ສານ​ງານ ແລະ ສະ­ໜັບ­ສະ­ໜູນ ຊຶ່ງ​ກັນ ແລະ ກັນ ຢ່າງ​ສະ­ເໝີ​ຕົ້ນ​ສະ­ເໝີ​ປາຍ ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ງານ​ການ­ເຄື່ອນ­ໄຫວ​ຂອງ​ອາ​ຊຽນ, ກ່ຽວ​ກັບ​ຫຼາຍ​ປະ­ເດັນ​ທີ່​ໄດ້​ປຶກ­ສາ​ຫາ­ລື​ໃນ​ຂອບ​ອາ​ຊຽນ ແລະ ສະ­ໜັບ­ສະ­ໜູນ​ຊຶ່ງ​ກັນ ແລະ ກັນ. ຈັດ​ຕັ້ງ​ປະ­ຕິ­ບັດ​ສຳ­ເລັດ​ກອງ​ປະ­ຊຸມ​ກ່ຽວ​ກັບ​ດ້ານ​ການ­ເມືອງ ແລະ ຄວາມ​ໝັ້ນ­ຄົງ​ທີ່ ລາວ ແລະ ຫວຽດ­ນາມ​ຮັບ­ຜິດ­ຊອບ​ເປັນ​ປະ­ທານ​ຂອງ​ອາ​ຊຽນ.
ພັກ, ລັດ ແລະ ປະ­ຊາຊົນ ຫວຽດ­ນາມ ຍາມ​ໃດ​ກໍ​ໃຫ້­ ການ​ສະ­ໜັບ­ສະ­ໜູນ​ທີ່​ລ້ຳ​ຄ່າ, ທັນ​ເວ­ລາ ແລະ ມີ​ປະ­ສິດ​ທິ​ຜົນ​ ແກ່ ສປປ​ລາວ, ໃນ​ແຕ່​ລະ​ປີ ກໍ​ຄື​ໄລ­ຍະ​ເວ­ລາ​ທີ່​ເກີດໄພພິ­ບັດ​ທາງ​ທຳ​ມະ​ຊາດ​ຢູ່​ລາວ ໂດຍ​ສະ­ເພາະ​ແມ່ນ​ການ​ຮັບ​ມື​ກັບ​ການ​ລະ­ບາດ​ຂອງ​ພະ­ຍາດ ໂຄ​ວິດ-19. ເມື່ອ​ບໍ່​ດົນ​ມາ​ນີ້, ຫວຽດ­ນາມ ແມ່ນ​ປະ­ເທດ​ທຳ ­ອິດ​ທີ່​ໄດ້​ສົ່ງ​ຜູ້​ຊ່ຽວ­ຊານ​ດ້ານ​ການ​ແພດ ແລະ ອຸ­ປະ­ກອນ​ການ​ແພດ ມາ​ຊ່ວຍ­ເຫຼືອ​ປະ­ເທດ​ລາວ ຊຶ່ງ​ສະ­ແດງ​ໃຫ້​ເຫັນ​ລັກ ­ສະ­ນະ​ພິ­ເສດ​ຂອງ​ສາຍ​ພົວ­ພັນ​ການ​ຮ່ວມ​ມື ລາວ - ຫວຽດ­ນາມ, ກາຍ­ເປັນ​ປັດ­ໄຈ​ສຳ­ຄັນ ໃນ​ການ​ພັດ­ທະ­ນາ​ຂອງ​ສອງ​ປະ​ເທດ. ການ​ນຳ​ຂັ້ນ​ສູງ​ຂອງ​ສອງ​ປະ ­ເທດ ຍາມ​ໃດ​ກໍ​ຊີ້​ນຳ​ຢ່າງ​ແທດ​ເຖິງ, ເພີ່ມ​ທະ­ວີ​ໃນ​ການ​ເຊື່ອມ​ຕໍ່​ລະ­ຫວ່າງ ສອງ​ພື້ນ­ຖານ​ເສດ​ຖະ​ກິດ. ພິ­ເສດ ແມ່ນ​ພື້ນ­ຖານ​ໂຄງ​ລ່າງ, ຄົມ­ມະ­ນາ­ຄົມ, ການ​ຂຸດ​ຄົ້ນ​ພະ­ລັງ­ງານ ແລະ ການ​ພັດ­ທະ­ນາ​ພະ­ລັງ­ງານ, ຄຽງ​ຄູ່​ກັບ​ການ​ແກ້​ໄຂ ແລະ ຜ່ານ​ຜ່າ​ຄວາມ​ຫຍຸ້ງ­ຍາກ​ທີ່​ມີ​ຢູ່​ແລ້ວ ເພື່ອ​ເຮັດ​ໃຫ້­ການ​ຮ່ວມ​ມື​ດັ່ງ ­ກ່າວ ນັບ​ມື້​ເລິກ­ເຊິ່ງ ແລະ ມີ​ປະ ­ສິດ​ທິ​ຜົນ​ດີກ​ວ່າ​ເກົ່າ, ສອດ­ຄ່ອງ​ກັບ​ທ່າ​ແ​ຮງ​ຂອງ​ສອງ​ປະ​ເທດ.
ເມື່ອ​ເດືອນ​ທີ່​ຜ່ານ​ມາ, ສະ­ຫາຍ ທອງ​ລຸນ ສີ​ສຸ​ລິດ ເລ ­ຂາ­ທິ­ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ປປ ລາວ ປະ ­ທານ​ປະ­ເທດ​ແຫ່ງ ສປປ ລາວ ພ້ອມ​ດ້ວຍ​ພັນ​ລະ​ຍາ ແລະ ຄະ­ນະ​ຜູ້​ແທນ​ຂັ້ນ​ສູງ​ຂອງ ສປປ ລາວ ໄດ້​ມີ​ການ​ຢ້ຽມ­ຢາມ​ສັນ ­ຖະ­ວະ­ໄມ­ຕີ ສສ ຫວຽດ­ນາມ ຢ່າງ​ເປັນ​ທາງ​ການ, ນີ້​ແມ່ນ​ການ​ຢ້ຽມ­ຢາມ​ຕ່າງ­ປະ­ເທດ​ຄັ້ງ​ທຳ­ອິດ ຫຼັງ​ຈາກ​ສະ­ຫາຍ ໄດ້​ຖືກ​ເລືອກ​ຕັ້ງ​ເປັນ​ເລ­ຂາ­ທິ­ການ​ໃຫຍ່ ແລະ ປະ­ທານ​ປະ­ເທດ​ແຫ່ງ ສປປ ລາວ, ສະ­ແດງ​ເຖິງ​ຄວາມ​ສໍາ​ຄັນ ແລະ ສືບ­ຕໍ່​ເພີ່ມ​ທະ­ວີ​ການ​ພົວ­ພັນ​ຮ່ວມ​ມື​ຮອບ ­ດ້ານ, ຄວາມ​ສາ­ມັກ­ຄີ​ແບບ​ພິ ­ເສດ ລະ­ຫວ່າງ ລາວ - ຫວຽດ ­ນາມ ກໍ​ຄື​ຄວາມ​ສະ­ໜິດ­ສະ ­ໜົມ ແລະ ຄວາມ​ໄວ້​ເນື້ອ​ເຊື່ອ​ໃຈ ລະ­ຫວ່າງ​ການ​ນຳ​ຂັ້ນ​ສູງ​ຂອງ​ສອງ​ຊາດ, ສ້າງ​ກຳ­ລັງ​ແຮງ​ໃນ​ການ​ຮ່ວມ​ມື, ຊຸກ­ຍູ້​ການ​ຟື້ນ​ຟູ ແລະ ພັດ­ທະ­ນາ​ເສດ­ຖະ­ກິດ - ສັງ­ຄົມ ຂອງ​ແຕ່​ລະ​ປະ­ເທດ, ເພີ່ມ​ທະ­ວີ​ການ​ຮ່ວມ​ມື​ໃນ​ທຸກ​ດ້ານ ເພື່ອ​ປ້ອງ​ກັນ​ພະ­ຍາດ ໂຄ​ວິດ-19. ພ້ອມ​ກັນ​ນັ້ນ, ການ​ຢ້ຽມ­ຢາມ​ສັນ­ຖະ­ວະ­ໄມ­ຕີ ສສ ຫວຽດ­ນາມ ຢ່າງ​ເປັນ​ທາງ​ການ​ຄັ້ງ​ນີ້ ຂອງ​ສະ­ຫາຍ ທອງ​ລຸນ ສີ​ສຸ​ລິດ ອີກ​ເທື່ອ​ໜຶ່ງ​ໄດ້​ຢັ້ງ­ຢືນ​ເຖິງ​ສາຍ​ພົວ­ພັນ​ມິດ­ຕະ­ພາບ​ອັນ​ຍິ່ງ​ໃຫຍ່, ຄວາມ​ສາ­ມັກ­ຄີ​ແບບ​ພິ­ເສດ ແລະ ການ​ຮ່ວມ​ມື​ຮອບ­ດ້ານ ລະ­ຫວ່າງ ສອງ​ພັກ, ສອງ​ລັດ ແລະ ປະ­ຊາ­ຊົນ​ສອງ​ຊາດ ລາວ - ຫວຽດ­ນາມ ແມ່ນ​ປັດ­​ໄຈ​ຕັດ­ສິນ​ສຳ­ລັບ​ໄຊ­ຊະ ­ນະ​ຂອງ​ການ​ປະ­ຕິ­ວັດ​ຂອງ​ແຕ່​ລະ​ປະ­ເທດ, ຈະ​ນຳ​ເອົາ​ສອງ​ປ­ະເທດ ລາວ - ຫວຽດ­ນາມ ກ້າວ​ໄປພ້ອມ ​ກັນ ບົນ​ເສັ້ນ­ທາງ​ແຫ່ງ ການ​ ພັດ​ທະ​ນາ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com