Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສາຍພົວພັນມິດຕະພາບທີ່ຍິ່ງໃຫຍ່ ລາວ - ຫວຽດນາມ ໝັ້ນຍືນຕະຫຼອດໄປ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 27/07/2021 15:45:23 ຈຳ​ນວນ​​ຢ້ຽມ​ຊົມ 823 ຄັ້ງ

ໂດຍ: ສ.ຫອມໄຊຍະເດດ

ສອງຊາດ ລາວ-ຫວຽດນາມ ໄດ້ມີການພົວພັນຖານບ້ານໃກ້ເຮືອນຄຽງທີ່ດີຕໍ່ກັນມາແຕ່ບູຮານນະການ, ປະຊາຊົນສອງຊາດ ໄດ້ດຳລົງຊີວິດ ແລະ ທໍາມາຫາກິນຮ່ວມສາຍພູຫຼວງຍາວຢຽດ ແລະ ແມ່ນ້ຳຫຼາຍສາຍຕິດຈອດກັນແຕ່ເໜືອເຖິງໃຕ້, ໄດ້ມີຄວາມສາມັກຄີຊ່ວຍເຫຼືອເກື້ອກູນກັນເໝືອນດັ່ງອ້າຍນ້ອງຮ່ວມອຸທອນ, ໃນຍາມທຸກກໍຮ່ວມທຸກ ແລະ ຍາມສຸກກໍຮ່ວມສຸກນຳກັນຕະຫຼອດມາ, ທັງໄດ້ຜ່ານໄລຍະການທົດສອບໃນຂະບວນວິວັດແຫ່ງການຕໍ່ສູ້ຕ້ານພວກລ່າເມືອງຂຶ້ນຕ່າງດ້າວອັນຍືດເຍື້ອຍາວນານ ແລະ ສຸດແສນລະອິດລະອ້ຽວຂ້ຽວຂາດ ຊຶ່ງສອງຊາດ ລາວ-ຫວຽດນາມ ໄດ້ຄຽງບ່າຄຽງໄຫຼ່ກັນ, ຊ່ວຍເຫຼືອກັນ ຖານສະຫາຍອ້າຍນ້ອງ ບົນຈິດໃຈສາກົນອັນຜຸດຜ່ອງ ແລະ ໝົດຈິດໝົດໃຈ ໄດ້ມີຄວາມຮັກແພງເຊື່ອໝັ້ນຊຶ່ງກັນ ແລະ ກັນ ອັນເລິກເຊິ່ງ, ຍອມເສຍສະລະຕໍ່ກັນ ແລະ ຮ່ວມເປັນຮ່ວມຕາຍນຳກັນ. ນັ້ນແມ່ນບໍ່ເກີດຂອງການພົວພັນສາມັກຄີພິເສດ ທີ່ກາຍເປັນປັດໄຈຕັດສິນຜົນສຳເລັດ ແລະ ໄຊຊະນະຂອງການປະຕິວັດຢູ່ສອງປະເທດຂອງພວກເຮົາ ຊຶ່ງເປັນຕົວແບບທີ່ຫາໄດ້ຍາກໃນການພົວພັນລະຫວ່າງຊາດຢູ່ໃນໂລກ, ເປັນສາຍພົວພັນທີ່ຍິ່ງໃຫຍ່, ເລິກເຊິ່ງ, ດູດດື່ມ ແລະ ເປັນມໍລະດົກທີ່ລ້ຳຄ່າຂອງສອງຊາດ ລາວ-ຫວຽດນາມ.

ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ພັດທະນາຈາກສາຍພົວພັນທີ່ເປັນມູນເຊື້ອ ຊຶ່ງປະທານ ໂຮ່ຈິມິງ ຜູ້ຍິ່ງໃຫຍ່, ປະທານໄກສອນ ພົມວິຫານ ແລະ ປະທານ ສຸພານຸວົງ ທີ່ແສນເຄົາລົບຮັກສ້າງຂຶ້ນ, ອອກເຫື່ອເທແຮງເພີ່ມພູນຄູນສ້າງ ແລະ ໄດ້ຮັບການພັດທະນາຈາກບັນດາຮຸ່ນຜູ້ນຳ, ນັກຮົບປະຕິວັດ ແລະ ປະຊາຊົນສອງປະເທດ ກາຍເປັນສາຍພົວພັນທີ່ສັດຊື່ບໍລິສຸດ, ພິເສດ, ເປັນແບບຢ່າງ ແລະ ຫາຍາກໃນໂລກ.

ໃນສະໃໝສົງຄາມ, ກອງທັບ ແລະ ປະຊາຊົນ ລາວ - ຫວຽດນາມ ຍາມໃດກໍ່ຢືນຢູ່ຄຽງບ່າຄຽງໄຫຼ່ກັນ, ຮ່ວມທຸກຮ່ວມສຸກ, ແບ່ງທຸກແບ່ງຍາກນໍາກັນ ດ້ວຍຈິດໃຈ “ເຂົ້າເມັດຫັກ, ຜັກເສັ້ນໜຶ່ງກໍແບ່ງປັນກັນກິນ” ໃນການຕໍ່ສູ້ສັດຕູໂຕດຽວ. ພັນທະມິດການຕໍ່ສູ້ລາວ - ຫວຽດນາມ ແມ່ນສັນຍາລັກຂອງເຈດຈຳນົງ ແລະ ຄວາມຕັດສິນໃຈໃນການຕໍ່ສູ້ເພື່ອເອກະລາດ, ເສລີພາບ, ສັນຕິພາບ ແລະ ຄວາມຍຸຕິທຳ. ກອງທັບ ແລະ ປະຊາຊົນຂອງສອງປະເທດ ໄດ້ເສີມຂະຫຍາຍກຳລັງແຮງອັນຍິ່ງໃຫຍ່ ແລະ ນໍ້າໃຈສາມັກຄີສະໜິດແໜ້ນ ເພື່ອຍາດເອົາໄຊຊະນະຢ່າງຕໍ່ເນືອງໃນການຕໍ່ສູ້ຕ້ານສັດຕູໂຕດຽວ, ຍາດເອົາເອກະລາດ ແລະ ເອກະພາບໃນແຕ່ລະປະເທດ; ທະຫານອາສາສະໝັກ ຫວຽດນາມ ມີຈຳນວນຫຼາຍໄດ້ເສຍສະຫຼະຢ່າງກ້າຫານຢູ່ລາວ ໃນການຕໍ່ສູ້ຄວາມເປັນທຳເພື່ອນຳເອົາຊີວິດທີ່ສະຫງົບສຸກ ແລະ ເສລີພາບ ມາສູ່ປະຊາຊົນຂອງສອງປະເທດ ລາວ - ຫວຽດນາມ.

ທ່ານ ປະທານ ໄກສອນ ພົມວິຫານ ເຄີຍຕີລາຄາວ່າ; “ໃນປະຫວັດສາດຂອງການປະຕິວັດໂລກ, ມີຫຼາຍຕົວຢ່າງທີ່ຈະແຈ້ງກ່ຽວກັບນໍ້າໃຈສາກົນກຳມະຊີບອັນສູງສົ່ງ, ແຕ່ບໍ່ເຄີຍເຫັນ ແລະ ຍັງບໍ່ທັນມີຍາມໃດມີຄວາມສາມັກຄີ, ສຳພັນສູ້ຮົບພິເສດ, ຍາວນານ, ຮ້ອບດ້ານຄືກັບ ຫວຽດນາມ - ລາວ”.

ດ້ວຍຈິດໃຈສາກົນກຳມະຊີບ ແລະ ປະຕິບັດຄຳສອນຂອງປະທານ ໂຮ່ຈິມິນ, ບັນດານັກຮົບອາສາສະໝັກ ແລະ ຊ່ຽວຊານຫວຽດນາມ ໄດ້ປະກອບສ່ວນຢ່າງໃຫຍ່ຫຼວງ, ປະສົບຜົນສຳເລັດຢ່າງຈົບງາມ ພ້ອມກັບກອງທັບ ແລະ ປະຊາຊົນບັນດາເຜົ່າຂອງລາວ ຍາດໄດ້ໄຊຊະນະຢ່າງສົມບູນ ໃນສົງຄາມຕໍ່ຕ້ານພວກລ່າເມືອງຂຶ້ນແບບເກົ່າ ແລະ ໃໝ່ (1945-1975).ໃນຕະຫຼອດ 30 ປີແຫ່ງການຕໍ່ສູ່ນັ້ນ, ກອງທັບຫວຽດນາມ ພ້ອມດ້ວຍກອງທັບ ແລະ ປະຊາຊົນບັນດາເຜົ່າລາວ ໄດ້ຕໍ່ສູ້ຄຽງບ່າຄຽງໄຫຼ່ກັນຕີເອົາຊະນະໃນສົງຄາມຕໍ່ສູ້ຮຸກຮານຂອງພວກລ່າເມືອງຂຶ້ນແບບເກົ່າ ແລະ ໃໝ່. ພິເສດ, ກອງທັບອາສາສະໝັກ ຫວຽດນາມ ແລະ ກອງທັບປະຊາຊົນລາວ ໄດ້ຕໍ່ສູ້ປົກປັກຮັກສາເສັ້ນທາງຂົນສົ່ງຍຸດທະສາດ ໂຮ່ຈິມິນ ທາງທິດຕາເວັນຕົກ ເຈື່ອງເຊີນ, ກໍ່ສ້າງສະ ໜາມຮົບລາວ ໃຫ້ກາຍເປັນສະໜາມຮົບໂດຍປະສານສົມທົບກັບທິດທາງການສູ້ຮົບອື່ນໆ, ປະກອບສ່ວນເຂົ້າໃນໄຊຊະນະລວມຂອງການປະຕິວັດຂອງ 3 ຊາດ ຫວຽດນາມ, ລາວ ແລະ ກຳປູເຈຍ.

ປະຕິບັດພາລະກິດສາກົນຢູ່ສະໜາມຮົບລາວ ໃນສະໄໝສົງຄາມ ຕໍ່ຕ້ານຕ້ານພວກລ່າເມືອງຂຶ້ນແບບເກົ່າແລະ ໃໝ່, ບັນດານັກຮົບອາສາສະໝັກ ແລະ ຊ່ຽວຊານຫວຽດນາມ ໄດ້ປະສົບກັບຄວາມຫຍຸ້ງຍາກ, ຄວາມລຳບາກ ເສຍສະລະຊິວິດ ທີ່ປະສົບຜົນສຳເລັດໜ້າທີ່ ທີ່ພັກ ແລະ ປະຊາຊົນມອບໝາຍໃຫ້ ແລະ ສ້າງວິລະກຳຫຼວງຫຼາຍໃນສະໜາມຮົນຢູ່ລາວ. ມີຫຼາຍໝູ່ຄະນະ ແລະ ບຸກຄົນ ຂອງກອງທັບອາສາສະໝັກ ແລະ ຊ່ຽວຊານຫວຽດນາມ ໄດ້ຮັບລາງວັນອັນສູງສົ່ງຈາກພັກ ແລະ ລັດຖະບານລາວ, ນັກຮົບອາສາສະໝັກ ແລະ ຊ່ຽວຊານ ຫວຽດນາມ ໄດ້ຮັບຄວາມໄວ້ເນື້ອເຊື່ອໃຈ, ຮັກແພງຈາກປະຊາຊົນບັນດາເຜົ່າລາວ ແລະ ຖືວ່າຄືຄົນໃນຄອບຄົວ.

ເມື່ອສັນຕິພາບ ໄດ້ຮັບການຟື້ນຟູ, ສາຍພົວພັນສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ - ຫວຽດນາມ ພາຍໃຕ້ການນໍາພາຂອງພັກປະຊາຊົນປະຕິວັດລາວ ແລະ ພັກກອມມູນິດຫວຽດນາມ ນັບມື້ນັບໄດ້ຮັບການຮັດແໜ້ນບິ່ງບິ່ງຂຶ້ນ. ປັດຈຸບັນ, ຫວຽດນາມ ແມ່ນໜຶ່ງໃນບັນດາປະເທດນຳໜ້າໃນການລົງທຶນ ແລະ ເປັນຄູ່ຮ່ວມມືການຄ້າໃຫຍ່ຂອງລາວ. ສ່ວນການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ສືບຕໍ່ບັນລຸໝາກຜົນສຳຄັນຫຼາຍຢ່າງ, ປະກອບສ່ວນຮັບປະກັນຄວາມໝັ້ນຄົງດ້ານການເມືອງ, ຄວາມ ເປັນລະບຽບຮຽບຮ້ອຍ ແລະ ຄວາມປອດໄພຂອງແຕ່ລະປະເທດ. ສອງຝ່າຍສືບຕໍ່ປະສານສົມທົບ ເພື່ອຈັດຕັ້ງປະຕິບັດເປັນຢ່າງດີຕາມຂໍ້ຕົກລົງກ່ຽວກັບຊາຍແດນທີ່ໄດ້ລົງນາມ, ປ້ອງກັນ ແລະ ແກ້ໄຂການກະທຳລະເມີດຊາຍແດນຢ່າງທັນການ, ປະສານສົມທົບກັນຕໍ່ສູ້ຕ້ານອາດຊະຍາກຳຂ້າມຊາດ, ຊຸກຍູ້ການລົງນາມບັນດາຂໍ້ຕົກລົງໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ, ວັດທະນະທຳ, ການສຶກສາ, ວິທະຍາ ສາດ-ເຕັກໂນໂລຊີ ໄດ້ສືບຕໍ່ມີໝາກຜົນຢ່າງຕັ້ງໜ້າ.

ກ່ຽວກັບການຮ່ວມມືຫຼາຍຝ່າຍ ນັບແຕ່ເຂົ້າເປັນສະມາຊິກອາຊຽນ, ຫວຽດນາມ ແລະ ລາວ ໄດ້ປະສານງານ ແລະ ສະໜັບສະໜູນເຊິ່ງກັນ ແລະ ກັນ ໃນຫຼາຍບັນຫາ ທີ່ໄດ້ປຶກສາຫາລືຢູ່ໃນບັນດາເວທີປາໄສອາຊຽນ ຊຶ່ງທັງໝົດນັ້ນ ໄດ້ປະກອບສ່ວນເພີ່ມພູນຄູນສ້າງ ແລະ ເສີມຂະຫຍາຍມູນເຊື້ອການພົວພັນມິດຕະ ພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ໃຫ້ຈະເລີນງອກງາມ ແລະ ເກີດດອກອອກຜົນຫຼາຍຂຶ້ນຕື່ມ, ປະກອບສ່ວນຢ່າງຕັ້ງໜ້າເຂົ້າໃນການເສີມສ້າງສັນຕິພາບ, ມິດຕະພາບ, ການຮ່ວມມື ແລະ ການເຊື່ອມໂຍງພາກພື້ນ ແລະ ໃນໂລກ ເພື່ອສັນຕິພາບ ແລະ ການພັດທະນາຂອງບັນດາປະເທດໃນພາກພື້ນ ແລະໃນໂລກ.

ວັນເວລາຜ່ານພົ້ນໄປຫຼາຍສິບປີ ຊຶ່ງອາດຈະບໍ່ຫຼົງເຫຼືອບັນດາຮ່ອງຮອຍຂອງທະຫານຫວຽດນາມ - ລາວ ຕາມເສັ້ນທາງເຈື່ອງເຊີນ, ແຕ່ສັນຍາລັກແຫ່ງພັນທະມິດສູ້ຮົບ ລາວ - ຫວຽດນາມ ທີ່ອະມາຕະ ຍັງດໍາລົງຄົງຕົວ ຢູ່ກັບປະຊາຊົນຂອງສອງຊາດ ຫວຽດນາມ- ລາວ ໃນປັດຈຸບັນ ແລະ ຕະຫຼອດໄປ, ກາຍເປັນຊັບສົມບັດອັນລ້ຳຄ່າ, ເປັນແຮງຈູງໃຈ ແລະ ກຳລັງແຮງອັນໃຫຍ່ຫຼວງ ເພື່ອໃຫ້ສອງປະເທດ ພ້ອມກັນຍາດເອົາໄຊຊະນະໃຫຍ່ຫຼວງກວ່າ ໃນການປະຕິວັດໃນປັດຈຸບັນ.

ເພື່ອລະນຶກເຖິງການປະກອບສ່ວນ ແລະ ການເສຍສະລະອັນໃຫຍ່ຫຼວງຂອງບັນດານັກຮົບກອງທັບປະຊາຊົນຫວຽດນາມ - ລາວ ທີ່ໄດ້ເສຍສະລະຢ່າງອົງອາດກ້າຫານ ໃນພາລະກິດຕໍ່ສູ້ປົດປ່ອຍຊາດ ລາວ - ຫວຽດນາມ, ພັກ, ລັດຖະບານ ສປປ ລາວ ໄດ້ສ້າງບັນດາອະນຸສອນຢູ່ສະຖານປະຫວັດສາດ ທີ່ສະແດງໃຫ້ເຫັນເຖິງມິດຕະພາບພິເສດ ລະຫວ່າງ ກອງທັບ ແລະ ປະຊາຊົນສອງປະເທດເຊັ່ນ: ສະຖານທີ່ປະຫວັດສາດພັນທະມິດສູ້ຮົບລາວ - ຫວຽດນາມ ຢູ່ແຂວງວຽງຈັນ, ອະນຸສອນສະຖານ "ອະນຸສາວະລີຄວາມສາມັກຄີ ສຳພັນທະມິດສູ້ຮົບລາວ - ຫວຽດນາມ" ຢູ່ແຂວງໄຊສົມບູນ ແລະ ຫຼາຍໆສະຖານທີ່ຕ່າງໆ. ນີ້ແມ່ນການຮັບຮູ້ການເສຍສະຫຼະ, ການປະກອບສ່ວນເລືອດເນື້ອ ຂອງບັນດານັກຮົບອາສາສະໝັກ ຫວຽດນາມ ເຂົ້າໃນພາລະກິດປະຕິວັດຂອງປະເທດລາວ. ແມ່ນສະຖານທີ່ເພື່ອໃຫ້ຄົນລຸ້ນໜຸ່ມ ຂອງລາວ ແລະ ຫວຽດນາມ ໄດ້ໄປຢ້ຽມຢາມ, ຮ່ຳຮຽນ ແລະຊອກຮູ້ກ່ຽວກັບປະຫວັດສາດຂອງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ - ຫວຽດນາມ. ເປັນຄວາມຮັບຜິດຊອບຂອງພວກເຮົາ ໃນທຸກມື້ນີ້ທີ່ຈະເຂົ້າໃຈແລະ ຮູ້ຄຸນຄ່າປະຫວັດສາດອັນສະຫງ່າລາສີຂອງຄວາມສາມັກຄີພິເສດ ລາວ - ຫວຽດນາມ.

ຄວາມຮັບຜິດຊອບຂອງຄົນລຸ້ນໃໝ່ຄືພວກເຮົາໃນປັດຈຸບັນ, ຕ້ອງເຂົ້າໃຈ ແລະ ທະນຸຖະໜອມປະຫວັດສາດອັນສະຫງ່າລາສີຂອງຄວາມສາມັກຄີພິເສດ ລາວ - ຫວຽດນາມ, ພ້ອມດຽວກັນນັ້ນ, ຕ້ອງປົກປັກຮັກສາ ແລະ ເສີມຂະຫຍາຍມູນເຊື້ອປະເພນີອັນລ້ຳຄ່ານັ້ນໃຫ້ຢູ່ໃນລະດັບໃໝ່, ເພື່ອໃຫ້ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ - ຫວຽດນາມ ຈະມີຄວາມຍືນຍົງ, ມີປະສິດທິຜົນ, ປະກອບສ່ວນເຂົ້າໃນສັນຕິພາບ ແລະ ສະຖຽນລະພາບໃນພາກພື້ນ ແລະ ໃນໂລກ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com