Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລັດຖະ​ບານ-​ພາກທຸ​ລະ​ກິດ​ປຶກ​ສາ​ຫາ​ລືເພື່ອປັບປຸງສະພາບແວດລ້ອມການດໍາເນີນທຸລະກິດ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 28/07/2021 13:16:12 ຈຳ​ນວນ​​ຢ້ຽມ​ຊົມ 2239 ຄັ້ງ

   ພາກລັດ ແລະ ພາກທຸລະກິດ ໄດ້ຈັດກອງປະຊຸມທຸລະກິດລາວ ຄັ້ງທີ 13 ຂຶ້ນໃນວັນທີ 28 ກໍລະກົດນີ້ ທີ່ຫໍປະຊຸມແຫ່ງຊາດ ເພື່ອຮ່ວມກັນປຶກສາຫາລື ກຳນົດທິດທາງແກ້ໄຂບັນຫາ ເພື່ອປັບປຸງສະພາບແວດລ້ອມ ການດຳເນີນທຸລະກິດ ໃນ ສປປ ລາວ ໂດຍໄດ້ທົບທວນການຈັດຕັ້ງປະຕິບັດການປຶກສາຫາລືລະຫວ່າງພາກລັດ ແລະ ພາກທຸລະກິດ ໃນກອງປະຊຸມທຸລະກິດລາວ ຄັ້ງທີ 12 ແລະ ຕົກລົງເຫັນດີຕໍ່ກັບແຜນຈັດຕັ້ງປະຕິບັດເພື່ອສືບຕໍ່ການປຶກສາຫາລື ແລະ ຊອກຫາວິທີແກ້ໄຂບັນຫາສໍາລັບ 32 ບັນຫາບຸລິມະສິດທີ່ຄົງຄ້າງ ຈາກ 40 ບັນຫາບຸລິມະສິດ.

      ກອງປະຊຸມດັ່ງກ່າວ ດຳເນີນພາຍໃຕ້ການເປັນປະທານຂອງ ທ່ານ ພັນຄຳ ວິພາວັນ ນາຍົກ ລັດຖະມົນຕີ ໂດຍມີຜູ້ຕາງໜ້າຈາກຂະແໜງການຕ່າງໆຂອງພາກລັດ, ບັນດາຜູ້ປະກອບການລາວ ແລະ ຕ່າງປະເທດ, ບັນດາ​ທູຕານຸທູດ ແລະ ອົງການຈັດຕັ້ງສາກົນເຂົ້າຮ່ວມ.

      ໂອກາດກ່າວເປີດກອງປະຊຸມ, ທ່ານ ພັນຄໍາ ວິພາວັນ ໄດ້ເນັ້ນໜັກເຖິງຄວາມສໍາຄັນຂອງການສົ່ງເສີມຄວາມຫຼາກຫຼາຍທາງເສດຖະກິດ ເພື່ອສົ່ງເສີມການປັບຕົວທາງເສດຖະກິດເພື່ອຮັບມືກັບຜົນກະທົບຈາກການ​ແຜ່ລະບາດຂອງໂຄວິດ-19 ກໍຄື ການພັດທະນາເສດຖະກິດຂອງ ສປປ ລາວ ຢ່າງຍືນຍົງ ແລະ ມີສ່ວນຮ່ວມ; ພ້ອມທັງໄດ້ສະຫຼຸບນະໂຍບາຍ ແລະ ແຜນຍຸດທະສາດທີ່ສໍາຄັນຂອງລັດຖະບານເພື່ອສົ່ງເສີມການລົງທຶນຂອງພາກເອກະຊົນເຂົ້າໃນຂະແໜງການທີ່ບໍ່ເອື່ອຍອີງໃສ່ ຊັບພະຍາກອນທໍາມະຊາດ, ລວມທັງຂະແໜງອຸດສາຫະກໍາປຸງແຕ່ງທົ່ວໄປ, ການທ່ອງທ່ຽວ ແລະ ການປຸງແຕ່ງຜະລິດຕະພັນກະສິກໍາ.

      ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ກ່າວວ່າ: ການລະບາດຂອງພະຍາດໂຄວິດ-19 ໄດ້ເຮັດໃຫ້ເສດຖະກິດຂອງ ສປປ ລາວ ຖົດຖອຍລົງຫຼາຍ ໃນປີ 2020 ເຮັດໃຫ້ອັດຕາຂະຫຍາຍຕົວຂອງເສດຖະກິດຫຼຸດລົງໃນລະດັບ 0,5%, ມີ 15% ຂອງແຮງງານໄດ້ສູນເສຍວຽກເຮັດງານທຳ; ພ້ອມກັນນັ້ນ ຈໍານວນເງິນສົ່ງກັບບ້ານເກີດຈາກແຮງງານລາວຢູ່ຕ່າງປະເທດໄດ້ຫຼຸດລົງ. ເຖິງວ່າໃນປີນີ້, ຂະແໜງອຸດສາຫະກຳໄດ້ຟື້ິນຕົວຂຶ້ນເຊັ່ນ: ພະລັງງານ, ບໍ່ແຮ່, ອຸດສາຫະກຳປຸ່ງແຕ່ງເພື່ອສົ່ງອອກ ແຕ່ຂະແໜງບໍລິການ ໂດຍສະເພາະໂຮງແຮມ, ຂົນສົ່ງທາງອາກາດ ແລະ ບັນດາຂະແໜງປິ່ນອ້ອມການທ່ອງທ່ຽວ ຍັງມີຄວາມຫຍຸ້ງຍາກ ຍ້ອນການລະບາດຂອງພະຍາດໂຄວິດ-19 ຮອບ 2 ຢູ່ ສ​ປ​ປ ລາວ.

      ທ່ານ ນາງ ວາລີ ເວດສະພົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວໄດ້ກ່າວລາຍງານຄວາມຄືບໜ້າຂອງການແກ້ໄຂບັນດາບຸລິມະສິດ ທີ່ຜູ້ປະກອບການໄດ້ສະເໜີຜ່ານກົນໄກວິທີການປະສານງານວຽກງານກອງປະຊຸມທຸລະກິດ ຫຼື LBF ຊຶ່ງເຫັນວ່າໄດ້ຮັບການແກ້ໄຂ ຫຼື ໄດ້ມີຄໍາຕອບຊັດເຈນແລ້ວ ປະກອບມີ 8 ບັນຫາ ຈາກ 40 ບັນຫາ ເປັນຕົ້ນແມ່ນບັນຫາຄ່າທໍານຽມຈົດທະບຽນຫຼັກຊັບຄໍ້າປະກັນເງິນກູ້ດ້ວຍສິດນຳໃຊ້ທີ່ດິນ; ບັນຫານະໂຍບາຍການເປີດກວ້າງດ້ານນິຕິກຳ ໃນການໃຫ້ບໍລິການທາງດ້ານການເງິນຜ່ານເຕັກໂນໂລຊີ; ບັນຫາຂັ້ນຕອນການອະນຸຍາດແຜນນຳເຂົ້າສິນຄ້າ ແລະ ວັດຖຸດິບ ທີ່ໄດ້ຮັບການຍົກເວັ້ນພາສີ ແລະ ອາກອນມູນຄ່າເພີ່ມພາຍໃຕ້ກົດໝາຍສົ່ງເສີມການລົງທຶນ; ບັນຫາອັດຕາຄ່າໄຟຟ້າຂອງຂະແໜງກະສິກຳ; ບັນຫາຂັ້ນຕອນການອະນຸຍາດເອກະສານເພື່ອຊໍາລະພາສີສາງສິນຄ້າ; ບັນຫາລະບຽບການຄຸ້ມຄອງດ້ານອະສັງຫາລິມະຊັບ; ບັນຫາພາສີນໍາເຂົ້າວັດຖຸອຸປະກອນເພື່ອມາຮັບໃຊ້ການຜະລິດທີ່ມີມູນຄ່າສູງ ແລະ ບັນຫາການເຂົ້າຫາຖານຂໍ້ມູນການຜະລິດກະສິກຳໃນ ສປປ ລາວ.

      ກອງປະຊຸມຍັງໄດ້ຮັບຟັງການລາຍງານກ່ຽວກັບຄວາມຄືບໜ້າຂອງການປຶກສາຫາລື ລະຫວ່າງພາກລັດ ແລະ ພາກທຸລະກິດ ພາຍໃຕ້ກົນໄກ LBF ຂັ້ນແຂວງ (ແຂວງອຸດົມໄຊ, ຫຼວງນໍ້າທາ ແລະ ຜົ້ງສາລີ); ຮັບຟັງການສະເໜີບັນຫາຈາກກຸ່ມບັນຫາທີ່ຕິດພັນກັບການເລີ່ມຕົ້ນທຸລະກິດ ແລະ ນະໂຍ ບາຍສົ່ງເສີມການລົງທຶນ, ກຸ່ມບັນຫາທີ່ຕິດພັນກັບການອຳນວຍຄວາມສະດວກທາງດ້ານການຄ້າ ແລະ ກຸ່ມບັນຫາທີ່ຕິດພັນກັບຕະຫຼາດຄູ່ຂະໜານ ໃນການແລກປ່ຽນເງິນຕາ ແລະ ການຈັດຕັ້ງປະຕິບັດກົດລະບຽບທີ່ຕິດພັນກັບການແລກປ່ຽນເງິນຕາ. ກອງປະຊຸມຍັງໄດ້ຕົກລົງເຫັນດີຕໍ່ກັບແຜນຈັດຕັ້ງປະຕິບັດເພື່ອສືບຕໍ່ການປຶກສາຫາລື ແລະ ຊອກຫາວິທີແກ້ໄຂບັນຫາສໍາລັບ 32 ບັນຫາບຸລິມະສິດທີ່ຄົງຄ້າງ.

ໃນຕອນທ້າຍຂອງກອງປະຊຸມ, ທ່ານນາຍົກລັດຖະມົນຕີ ໄດ້ກ່າວຢ້ຳເຖິງຄວາມມຸ່ງໝັ້ນຂອງລັດຖະບານ ໃນການຮັກສາສະຖຽນລະພາບຂອງເສດຖະກິດມະຫາພາກ ໂດຍການເພີ່ມມາດຕະການປັບປຸງສະພາບແວດລ້ອມການດໍາເນີນທຸລະກິດ, ການລົງທຶນຂອງລັດໃນໂຄງລ່າງພື້ນຖານ ເພື່ອສ້າງໃຫ້ມີສິນຄ້າສົ່ງອອກທີ່ຫຼາກຫຼາຍ, ເພີ່ມຜະລິດຕະພາບຂອງພາກທຸລະກິດ ແລະ ຫຼຸດຜ່ອນຕົ້ນທຶນຄ່າໃຊ້ຈ່າຍໃນການດໍາເນີນທຸລະກິດ ດ້ວຍການປັບປຸງກົນໄກການຄຸ້ມຄອງຂອງພາກລັດ ແລະ ປັບປຸງຂັ້ນຕອນການອະນຸຍາດຕ່າງໆໃຫ້ສະດວກ, ວ່ອງໄວ ແລະ ໂປ່ງໃສ.

(ຂ່າວ-ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com