Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຈົ້າ​ຄອງເນັ້ນ 3 ບັນຫາສຳຄັນ ຕໍ່ການຊຸກຍູ້ ແລະ ສົ່ງເສີມການດຳເນີນທຸລະກິດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 29/07/2021 14:10:48 ຈຳ​ນວນ​​ຢ້ຽມ​ຊົມ 1937 ຄັ້ງ

      ໂອກາດເຂົ້າຮ່ວມກອງປະຊຸມພົບປະ ລະຫວ່າງ ອົງການປົກຄອງ ນະຄອນຫຼວງວຽງຈັນ (ນວ) ແລະ ນັກທຸລະກິດ-ນັກລົງທຶນ ທີ່ດໍາເນີນທຸລະກິດ ຢູ່ ນວ, ທ່ານ ອາດສະພັງທອງ ສີພັນດອນ ເຈົ້າຄອງ ນວ ໄດ້ເນັ້ນ 3 ບັນຫາສຳຄັນ ຕໍ່ການຊຸກຍູ້ ແລະ ສົ່ງເສີມການດຳເນີນທຸລະກິດໃນ ນວ ເລັ່ງໃສ່ແກ້ໄຂຜົນກະທົບຕໍ່ບັນດາທຸລະກິດຂອງຜູ້ປະກອບການພາຍໃນ ນວ ພ້ອມທັງສະເໜີທິດທາງການສ້າງສຳພັນການຜະລິດທີ່ເປັນຕ່ອງໂສ້ ແນໃສ່ສ້າງເງື່ອນໄຂແຂ່ງຂັນກັບພາກພື້ນ ແລະ ສາກົນໄດ້.

      ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 29 ກໍລະກົດນີ້ ທີ່ຫ້ອງວ່າການປົກຄອງ ນວ ພາຍໃຕ້ການເປັນປະທານຮ່ວມຂອງ ທ່ານ ອາດສະພັງທອງ ສີພັນດອນ ແລະ ທ່ານ ສັງຄົມ ຈັນສຸກ ປະທານສະພາການຄ້າ ແລະ ອຸດສາຫະກຳ ນວ ໂດຍມີຜູ້ຕາງໜ້າຈາກພາກລັດທີ່ກ່ຽວຂ້ອງ ພ້ອມດ້ວຍບັນດານັກທຸລະກິດ-ນັກລົງທຶນທີ່ດຳເນີນທຸລະກິດຢູ່ ນວ ເຂົ້າຮ່ວມ.

      ທ່ານ ສັງຄົມ ຈັນສຸກ ໄດ້ລາຍງານສະພາບລວມ ແລະ ສິ່ງທ້າທາຍການດຳເນີນທຸລະກິດຢູ່ ນວ ພາຍໃຕ້ສະພາບການລະບາດຂອງພະຍາດໂຄວິດ-19 ແລະ ລາຍງານການສັງລວມຂໍ້ສະເໜີຈາກນັກທຸລະກິດ-ນັກລົງທຶນ ຕາມຂະແໜງການ ແລະ ບັນຫາຕ່າງໆທີ່ກ່ຽວຂ້ອງ ເພື່ອໃຫ້ພາກລັດ ກໍຄືອົງການປົກຄອງນະຄອນຫຼວງຊ່ວຍແກ້ໄຂ, ຊຸກຍູ້ ແລະ ສົ່ງເສີມການດໍາເນີນທຸລະກິດ ເປັນຕົ້ນຂະ  ແໜງການທ່ອງທ່ຽວ, ຮ້ານອາຫານ ແລະ ໂຮງແຮມ; ຂະແໜງການຄ້າ; ວິສາຫະກິດຂະໜາດນ້ອຍ-ກາງ ແລະ ສະມາຄົມນັກທຸລະກິດໜຸ່ມ; ບັນຫາແຮງງານ; ບັນຫາການຂົນສົ່ງ ແລະ ບໍລິການ; ວຽກງານການສົ່ງເສີມ ແລະ ຊຸກຍູ້ຜູ້ປະກອບການກະສິກຳ.

      ທ່ານ ນາງ ບົວວອນ ສຸກລາແສງ ຫົວໜ້າພະແນກ ແຜນການ ແລະ ການລົງທຶນ ນວ ໄດ້ລາຍງານກ່ຽວກັບຜົນສຳຫຼວດຜົນກະທົບທາງດ້ານເສດຖະກິດ ໃນຜ່ານມາຂອງ ນວ ຊຶ່ງຜົນການສໍາຫຼວດຈາກບັນດາຂະແໜງການພາກລັດ ແລະ ບັນດາຫົວໜ່ວຍທຸລະກິດ 1.541 ຫົວໜ່ວຍ (ຈາກແບບຟອມທີ່ຢາຍໄປໃຫ້ 2.000 ຫົວໜ່ວຍ) ມີ 245 ຫົວໜ່ວຍໄດ້ຮັບຜົນກະທົບຂັ້ນຮຸນແຮງ ເທົ່າກັບ 15,9% ຊຶ່ງແມ່ນຂະແໜງການບໍລິການທ່ອງທ່ຽວ, ໂຮງແຮມ, ບ້ານພັກ, ສະຖານທີ່ບັນເທີງ ແລະ ຄົມມະນາຄົມ ເຊັ່ນ: ການບໍລິການ ແລະ ທ່ອງທ່ຽວ ປະຕິບັດໄດ້ພຽງ 5,78% ເນື່ອງຈາກຈໍານວນນັກທ່ອງທ່ຽວ ທີ່ເດີນທາງເຂົ້າມາ ນວ ມີ 14.466 ເທື່ອຄົນ ທຽບໃສ່ແຜນການປີ (250.000 ເທື່ອຄົນ), ການຈອງຫ້ອງພັກແຮມ ຫຼຸດລົງປະມາານ 82%; ທຸລະກິດທີ່ປິດ ແລະ ໂຈະກິດຈະການມີ ທຸລະກິດທີ່ພັກແຮມ 6 ແຫ່ງ, ທຸລະກິດອາຫານ ແລະ ເຄື່ອງດື່ມ 126 ແຫ່ງ, ທຸລະກິດການທ່ອງທ່ຽວ 322 ແຫ່ງ, ທຸລະກິດບັນເທີງ 38 ແຫ່ງ ແລະ ທຸລະກິດແຫຼ່ງທ່ອງທ່ຽວ 40 ແຫ່ງ; ຜົນກະທົບລະດັບກາງ ມີ 543 ຫົວໜ່ວຍ ກວມເອົາ 35,2% ສ່ວນໃຫຍ່ແມ່ນຜູ້ປະກອບການດ້ານອຸດສາຫະກຳ ແລະ ຜົນກະທົບໜ້ອຍມີ 753 ຫົວໜ່ວຍ ຫຼື 48,9% ສ່ວນຫຼາຍແມ່ນຂະແໜງກະສິກຳ-ປູກຝັງ ແລະ ລ້ຽງສັດເປັນຕົ້ນການສົ່ງເສີມການຜະລິດເປັນສິນຄ້າ, ການຈໍາໜ່າຍສັດຫຼຸດລົງສະເລ່ຍ 30-40%. ນອກນີ້, ຍັງມີແຮງງານທີ່ໄດ້ຮັບຜົນກະທົບ 28.991 ຄົນ. ສໍາລັບຄວາມຕ້ອງການນະໂຍບາຍຈາກພາກລັດຕໍ່ການດຳເນີນທຸລະກິດ ມີນະໂຍບາຍຫຼຸດອາກອນຕ່າງໆ 46,93%; ຫຼຸດພາສີການສົ່ງອອກ-ນໍາເຂົ້າ 26,16%; ເລື່ອນຊໍາລະສິນເຊື່ອ 16,42%; ຫຼຸດຄ່າໄຟຟ້າ, ນໍ້າປະປາ ແລະ ອິນເຕີເນັດ 8,65% ແລະ ນະໂຍບາຍອຸດໜູນແຮງງານ-ສະຫວັດດີການສັງຄົມ 1,84%.

ທ່ານ ນາງ ບົວວອນ ສຸກລາແສງ ຍັງລາຍງານໃຫ້ຮູ້ກ່ຽວກັບບັນດາມາດຕະການ ແລະ ວິທີການຈັດຕັ້ງປະຕິບັດ ເພື່ອກະຕຸ້ນເສດຖະກິດ. ໃນຂະນະທີ່ການແກ້ໄຂການສະເໜີຈາກນັກທຸລະກິດ-ນັກລົງທຶນທີ່ດຳເນີນທຸລະກິດຢູ່ ນວ ໃນໄລຍະຜ່ານມາ ມີ 16 ບັນຫາ ແກ້ໄດ້ 14 ບັນຫາ ຍັງຄົຄ້າງ 2 ບັນຫາ ຄື: ການຫຼຸດຜ່ອນລາຄາໄຟຟ້າ ແລະ ການເຂົ້າເຖິງແຫຼ່ງທຶນ.

      ໃນຕອນທ້າຍກອງປະຊຸມ, ທ່ານເຈົ້າຄອງ ນວ ເນັ້ນ 3 ບັນຫາສຳຄັນຄື: ການດຳເນີນທຸລະກິດ ແມ່ນຕ້ອງຕື່ນຕົວເປັນເຈົ້າການປະຕິບັດມາດຕະການທາງການແພດຢ່າງເຂັ້ມງວດ ເພື່ອປ້ອງກັນການລະບາດຂອງພະຍາດໂຄວິດ-19; ເນັ້ນໃຫ້ບັນດາພະແນກ, ຂະແໜງການວິຊາສະເພາະ ຕ້ອງມີການຄົ້ນຄວ້າ ປັບປຸງກົນໄກອໍານວຍຄວາມສະດວກດ້ານຕ່າງໆ ໃຫ້ແກ່ພາກທຸລະກິດ ໃນການດຳເນີນທຸລະກິໃຫ້ຄ່ອງຕົວ ຫັນເຂົ້າສູ່ກົດໝາຍຢ່າງເຂັ້ມງວດ, ມີການຖືບັນຊີ, ມີການແຈ້ງມອບພັນທະອາກອນຕົວຈິງ; ເນັ້ນໃຫ້ຜູ້ປະກອບການ ທີ່ເຮັດການຜະລິດສິນຄ້າ ເບິ່ງເຫັນສິນຄ້າອັນໃດ? ທີ່ມີທ່າແຮງ ມີຄວາມໄດ້ປຽບ ທີ່ຈະສາມາດສຸມໃສ່ພັດທະນາ ສ້າງກາໝາຍ, ຈົດເປັນລິຂະສິດ, ຮັບປະກັນຄຸນນະພາບ ສາມາດແຂ່ງຂັນກັບສິນຄ້າຂອງພາກພື້ນ ແລະ ສາກົນໄດ້. ພ້ອມທັງໃຫ້ເບິ່ງວ່າຈະຜະລິດຮ່ວມກັນແນວໃດ? ຜະລິດສິນຄ້າທີ່ສົ່ງເສີມຊຶ່ງກັນ ແລະ ກັນ ແນວໃດ? ເພື່ອສ້າງສຳພັນການຜະລິດນຳກັນໃຫ້ເປັນຕ່ອງໂສ້ ຊຶ່ງອາດຈະຊ່ວຍໃຫ້ສາມາດຫຼຸດຕົ້ນທຶນການຜະລິດ ແລະ ມີເງື່ອນໄຂແຂ່ງຂັນກັບສິນຄ້າຂອງຕ່າງປະເທດໄດ້, ທັງນີ້ກໍເພື່ອສູ້ຊົນໃຫ້ມີຜະລິດຕະພັນ ຢ່າງນ້ອຍ 10 ໂຄງການຜະລິດສິນຄ້າປາຍແຫຼມ ຂອງ ນວ ຕາມມະຕິ VII ຂອງອົງຄະນະພັກ ນວ ໃນ 8 ແຜນງານສືບຕໍ່ໂຄງການບຸກທະລຸ ຊຶ່ງແມ່ນແຜນງານທີ 2 ທີ່ໄດ້ກຳນົດໄວ້.

(ຂ່າວ-ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com