Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກິດຈະການປ້ອງກັນປະເທດຈີນໃນຍຸກໃໝ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 30/07/2021 08:54:12 ຈຳ​ນວນ​​ຢ້ຽມ​ຊົມ 1861 ຄັ້ງ

(ເນື່ອງໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ 1/8/1927-1/8/2021)

ລັດຖະບານຈີນ ປະກາດປື້ມປົກຂາວວ່າດ້ວຍ; “ກິດຈະການປ້ອງກັນປະເທດຈີນໃນຍຸກໃໝ່” ໂດຍລະບຸເຖິງນະໂຍບາຍປ້ອງກັນຊາດ ຊຶ່ງການປ້ອງກັນຂອງຈີນ ໃນຍຸກໃໝ່ 6 ດ້ານຢ່າງລະອຽດ ພ້ອມກໍານົດທິດທາງຍຸດທະສາດ, ຫຼັກການພື້ນຖານ ແລະ ຄວາມສໍາຄັນລະດັບໂລກ ກິດຈະການປ້ອງກັນຊາດຂອງຈີນ ແລະ ການສ້າງກໍາລັງທະຫານຈີນ ຢ່າງຊັດເຈນ, ສະແດງເຖິງຄວາມເປີດກວ້າງ, ຄວາມໂປ່ງໃສ ແລະ ຄວາມໝັ້ນໃຈ.

ນອກນີ້, ປື້ມປົກຂາວດັ່ງກ່າວ, ຍັງໄດ້ລະບຸຢ່າງຊັດເຈນເປັນຄັ້ງທໍາອິດວ່າ: ກິດຈະການປ້ອງກັນຊາດຈີນ ໃນຍຸກໃໝ່ທີ່ມີເອກະລັກທີ່ເດັ່ນຊັດຄື: ບໍ່ດໍາເນີນນະໂຍບາຍລັດທິຄອງຄວາມເປັນໃຫຍ່ ແລະ ບໍ່ຂະຫຍາຍອິດທິພົນ ໂດຍຖືການສ້າງປະຊາຄົມທີ່ມີອະນາຄົດຮ່ວມກັນຂອງມວນມະນຸດ ເປັນພາລະກິດສໍາຄັນລະດັບໂລກຂອງກິດຈະກໍາປ້ອງກັນຊາດຈີນໃນຍຸກໃໝ່ເປັນຄັ້ງທໍາອິດ. ນີ້ຖືເປັນຄວາມກ້າວໜ້າທີ່ສໍາຄັນຂອງນະໂຍບາຍປ້ອງກັນຊາດຈີນ ແລະ ສະແດງໃຫ້ເຫັນເຖິງເອກະລັກແຫ່ງຍຸກສະໃໝ.

ຕາມແຫຼ່ງຂ່າວສານຊີອາໄອ, ນະໂຍບາຍປ້ອງກັນຊາດຈີນ ຢຶດໝັ້ນແນວຄິດຫຼັກໆ ແມ່ນເນັ້ນການປ້ອງກັນມາໂດຍຕະຫຼອດ ທັງສອດຄ່ອງກັບນະໂຍບາຍທາງການທູດຂອງຈີນ ທີ່ເນັ້ນຫຼັກການ 5 ປະການດ້ານການຢູ່ຮ່ວມກັນໂດຍສັນຕິຂອງຈີນ.

ປື້ມປົກຂາວດັ່ງກ່າວ ລະບຸຕື່ມວ່າ: ເປົ້າໝາຍພື້ນຖານດ້ານປ້ອງກັນຊາດຂອງຈີນໃນຍຸກໃໝ່ ແມ່ນຄຸ້ມຄອງອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາປະເທດຊາດ ໂດຍມີເອກະລັກຢຶດໝັ້ນບໍ່ດໍາເນີນນະໂຍບາຍລັດທິຄອງຄວາມເປັນໃຫຍ່ ແລະ ບໍ່ຂະຫຍາຍອິດທິພົນຢ່າງຖາວອນ.

ໃນຍຸກໃໝ່ດ້ວຍຫຼັກການ; “ໃຫ້ບໍລິການປະຊາຊົນ” ຂອງກິດຈະກໍາປ້ອງກັນຊາດຈີນ ໄດ້ຂະຫຍາຍຂອບເຂດ ລວມເຖິງການໃຫ້ບໍລິການປະຊາຄົມໂລກ ໂດຍສະແດງໃຫ້ເຫັນວ່າ: ຈີນ ຈະເປັນຜູ້ປົກປ້ອງສັນຕິພາບໂລກຢ່າງຖາວອນ.

ວັນທີ 24 ກໍລະກົດ 2019, ລັດຖະບານຈີນ ໄດ້ປະກາດປື້ມປົກຂາວວ່າດ້ວຍ; “ການປ້ອງກັນປະເທດໃນສັກກະລາດໃໝ່” ໂດຍຊີ້ອອກວ່າ: ປະເທດຈີນ ຢືນຢັນຫຼັກການຈະບໍ່ໃຊ້ອໍານາດຄອບງໍາ, ບໍ່ແຜ່ຂະຫຍາຍ ແລະ ບໍ່ສະແຫວງຫາອິດທິພົນ. ນີ້ແມ່ນຄຸນສົມບັດທີ່ໂດດເດັ່ນຂອງການປ້ອງກັນປະເທດຈີນໃນຫຍຸກໃໝ່.

ປື້ມປົກຂາວດັ່ງກ່າວເນັ້ນວ່າ: ຈີນ ຢືນຢັນໃນຄວາມເປັນເພື່ອນ, ຂັດຄ້ານການໃຊ້ກໍາລັງ ຫຼື ຂົ່ມຂູ່ດ້ວຍກໍາລັງການກໍ່ສ້າງ ແລະ ພັດທະນາການປ້ອງກັນປະເທດຂອງຈີນ, ມຸ້ງເນັ້ນຕອບສະໜອງຄວາມຕ້ອງການຮັກສາຄວາມປອດໄພໂດຍຊອບທໍາຂອງຕົນເອງ, ເປັນການເຕີບໂຕຂອງກໍາລັງເພື່ອສັນຕິພາບຂອງໂລກຕະຫຼອດໄປ. ປະຫວັດສາດຈະພິສູດວ່າ: ຈີນ ຈະບໍ່ແລ່ນຕາມແນວຄິດຄອງຄວາມເປັນໃຫຍ່, ຈະບໍ່ເດີນຕາມເສັ້ນທາງສາຍເກົ່າຂອງປະເທດທີ່ມີກໍາລັງແຂງແກ່ນຕ້ອງເປັນເຈົ້າໂລກ. ເຖິງຈະພັດທະນາຫຼາຍປານໃດກໍຕາມ ຈີນ ຈະບໍ່ເປັນໄພຄຸກຄາມຕໍ່ໃຜ ແລະ ຈະບໍ່ຂະຫຍາຍ ແລະ ບໍ່ສ້າງຂອບເຂດອິດທິພົນຕໍ່ພາຍນອກອີກດ້ວຍ.

ວັນທີ 26 ພຶດສະພາ 2020, ທ່ານ ສີຈິ້ນຜິງ ປະທານປະເທດຈີນ, ໄດ້ເຂົ້າຮ່ວມກອງປະຊຸມຄົບຄະນະຂອງຄະນະຜູ້ແທນທະຫານ ແລະ ຕໍາຫຼວດ ໃນວາລະດໍາເນີນກອງປະຊຸມສະພາຜູ້ແທນປະຊາຊົນແຫ່ງຊາດຊຸດທີ 13 ຄັ້ງທີ 3 ທ່ານ ກ່າວວ່າ: ໃນຂະນະປະຕິບັດວຽກງານປ້ອງກັນ, ຄວບຄຸມການລະບາດພະຍາດໂຄວິດ-19, ວຽກງານຕ່າງໆຂອງກອງທັບ ຄວນດໍາເນີນການຕໍ່ໄປ ເພື່ອບັນລຸເປົ້າ ໝາຍການປ້ອງກັນປະເທດ ແລະ ການສ້າງສັນກອງທັບປີ 2020 ຢ່າງເດັດຂາດ, ໃຊ້ຄວາມພະຍາຍາມ ເພື່ອປະຕິບັດຕາມພາລະບົດບາດໜ້າທີ່ຕ່າງໆ ທີ່ໄດ້ຮັບການມອບໝາຍຈາກພັກ ແລະ ປະຊາຊົນ.

ທ່ານ ສີຈິ້ນຜິງ ກ່າວເນັ້ນວ່າ: ສະຖານະການໂຣກລະບາດຄັ້ງນີ້ ສົ່ງຜົນກະທົບຢ່າງໜັກຕໍ່ໂຄງສ້າງຂອງໂລກ ທັງໄດ້ສົ່ງຜົນກະທົບຕໍ່ຄວາມໝັ້ນຄົງ ແລະ ການພັດທະນາຂອງຈີນ ອີກດ້ວຍ. ທ່ານ ກ່າວຕື່ມວ່າ: ເຮົາຄວນລະມັດລະວັງ ຝຶກຊ້ອມທະຫານຢ່າງຕໍ່ເນື່ອງ ພ້ອມຮັບມືກັບສະຖານະການທີ່ມີຄວາມສະລັບຊັບຊ້ອນຢ່າງທັນການ ແລະ ມີປະສິດທິຜົນ, ຮັກສາອະທິປະໄຕ, ຄວາມໝັ້ນຄົງ, ຜົນປະໂຫຍດຕໍ່ການພັດທະນາແຫ່ງຊາດ, ຄຸ້ມຄອງຄວາມໝັ້ນຄົງທາງຍຸດທະສາດຂອງປະເທດຊາດ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com