Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນາຍົກ ເນັ້ນໃຫ້ແຂວງສະຫວັນນະເຂດ ສຸມໃສ່ແກ້ໄຂການ​ແຜ່​ລະ​ບາດ​ຂອງພະຍາດໂຄວິດ-19

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 30/07/2021 11:48:18 ຈຳ​ນວນ​​ຢ້ຽມ​ຊົມ 1120 ຄັ້ງ

ເພື່ອຕິດຕາມ, ຊຸກຍູ້, ໃຫ້ກຳລັງໃຈ ແລະ ຊີ້ນຳການຈັດຕັ້ງປະຕິບັດ ບັນດາມາດຕະການກ່ຽວກັບການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງພະຍາດໂຄວິດ-19 ຂອງແຂວງສະຫວັນນະເຂດ, ໃນຕອນບ່າຍວັນທີ 29 ກໍລະກົດ 2021 ທ່ານ ພັນຄຳ ວິພາວັນ ນາຍົກລັດຖະມົົນຕີ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ໂອ້ລົມຕໍ່ການນຳ ແລະ ຄະນະສະເພາະກິດ ຂອງແຂວງສະຫວັນນະເຂດ ໂດຍການຕ້ອນຮັບຂອງ ທ່ານ ສັັນຕິພາບ ພົມວິຫານ ເຈົ້າແຂວງສະຫວັນນະເຂດມີ​ການ​ນຳ​ແຂວງ ແລະ ພາກສ່ວນທີ່ກ່ຽວຂ້ອງເຂົ້າ​ຮ່ວມ.

ໃນໂອກາດດັ່ງ​ກ່າວທ່ານນາຍົກລັດຖະມົນຕີ ໄດ້ຮັບຟັງການລາຍງານ ກ່ຽວກັບສະພາບການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງພະຍາດໂຄວິດ-19 ຢູ່ແຂວງສະຫວັນນະເຂດຈາກການນໍາດັ່ງກ່າວ. ຫຼັງຈາກນັ້ນ, ທ່ານນາຍົກລັດຖະມົນຕີ ໄດ້ມີຄຳເຫັນໂອ້ລົມ ແລະ ໃຫ້ທິດຊີ້ນຳ ຕໍ່ຜູ້ເຂົ້າຮ່ວມ ໂດຍໄດ້ກ່າວສະແດງຄວາມຊົມເຊີຍຕໍ່ການນຳຂອງແຂວງທີ່ມີຄວາມຮັບຜິດຊອບສູງ, ມີຫົວຄິດປະດິດສ້າງໃນການຜັນຂະຫຍາຍນິຕິກຳ ກໍຄືມາດຕະການທີ່ລັດຖະບານ ແລະ ຄະນະສະເພາະກິດວາງອອກມາເປັນນິຕິກຳຂອງຕົນ ແລະ ຈັດຕັ້ງປະຕິບັດຢ່າງເຂັ້ມງວດ, ປະຊາຊົນ ແລະ ທຸກພາກສ່ວນໃຫ້ການຮ່ວມມືເຮັດໃຫ້ສາມາດຄວບຄຸມ ແລະ ສະກັດກັ້ນການລະບາດຂອງພະຍາດໄດ້ໃນລະດັບໜຶຶ່ງ. ອັນສຳຄັນທ່ານນາຍົກລັດຖະມົນຕີ ໄດ້ເນັ້ນໜັກ ໃຫ້ພ້ອມກັນເອົາໃຈໃສ່ຕື່ມບາງດ້ານ ເປັນຕົ້ນໃຫ້ຄະນະພັກ, ຄະນະນໍາ ກໍຄືຄະນະສະເພາະກິດໂຄວິດ-19 ຂອງແຂວງສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ທີ່ລັດຖະບານ ກໍຄືຄະນະສະເພາະກິດວາງອອກໃນແຕ່ລະໄລຍະ ໂດຍສອດຄ່ອງກັບສະພາບຕົວຈິງຂອງແຂວງຕົນ; ແຂວງສະຫວັນນະເຂດ ແມ່ນມີແຮງງານລາວກັບຄືນມາຈາກປະເທດໃກ້ຄຽງຈຳນວນຫຼາຍ, ສຳລັບມາດຕະການຮີບດ່ວນສະເພາະໜ້າ ແມ່ນໃຫ້ປັບປຸງ ແລະ ຂະຫຍາຍສູນຈຳກັດບໍລິເວນ ແລະ ສູນປິ່ນປົວໃຫ້ພຽງພໍ ແລະ ຖືກຕ້ອງຕາມຫຼັກການແພດ, ປັບປຸງລະບຽບການຄຸ້ມຄອງສູນຈໍາກັດບໍລິເວນ ແລະ ສູນປິ່ນປົວ ເພື່ອຮັບປະກັນຄວາມເປັນລະບຽບຮຽບຮ້ອຍ, ພ້ອມທັງແນະນຳໃຫ້ແຮງງານທີ່ມາຢູ່ໃນສູນດັ່ງກ່າວເຂົ້າໃຈ ແລະ ປະຕິບັດຢ່າງເຂັ້ມງວດ; ໃຫ້ລະດົມ, ດັດສົມແພດ ແລະ ອາສາສະໝັກ ພາຍໃນແຂວງ ເພື່ອມາຊ່ວຍໃນການກວດວິເຄາະຫາເຊື້ອ ແລະ ປິ່ນປົວ ພ້ອມທັງເອົາໃຈໃສ່ເບິ່ງແຍງຊີວິດການເປັນຢູ່ຂອງແພດໝໍໃຫ້ດີ ແລະ ສະໜອງເຄື່ອງມືອຸປະກອນປ້ອງກັນທາງການແພດໃຫ້ພຽງພໍ ເພື່ອຮັບປະກັນຄວາມປອດໄພຈາກການຕິດເຊື້ອ; ເລັ່ງການສັກວັກ​ຊິນໃຫ້ກຸ່ມເປົ້າໝາຍ ລວມທັງແຮງງານລາວກັບມາຈາກປະເທດໃກ້ຄຽງ ທີ່ຄົບກຳນົດການຈໍາກັດບໍລິເວນ ແລະ ປິ່ນປົວຫາຍດີແລ້ວ ເພື່ອຫຼຸດຜ່ອນຄວາມສ່ຽງຂອງການຕິດເຊື້ອ ຫຼື ຖ້າຕິດເຊື້ອ ກໍຊ່ວຍບໍ່ໃຫ້ມີອາການຮຸນແຮງ; ສໍາຄັນແມ່ນໃຫ້ເພີ່ມທະວີການເຮັດວຽກງານສຶກສາອົບຮົມແນວຄິດໃຫ້ແຮງງານລາວທີ່ກັບມາຈາກປະເທດໃກ້ຄຽງ ໂດຍສະເພາະກ່ຽວກັບຄວາມເປັນຫ່ວງເປັນ​ໃຍຂອງລັດຖະບານ ຕໍ່ແຮງງານລາວ, ນະໂຍບາຍຂອງລັດຖະບານ, ການໄປອອກແຮງງານຢູ່ຕ່າງປະເທດ ແລະ ການກັບຄືນມາ ໃຫ້ຖືກຕ້ອງຕາມລະບຽບກົດໝາຍ ດ້ວຍຫຼາຍຮູບການ, ຫຼາຍວິທີທີ່ເໝາະສົມຕາມແຕ່ລະເປົ້າໝາຍແຮງງານເປັນຕົ້ນດ້ວຍການສາຍຮູບເງົາ, ຕິດຕັ້ງລະບົບໂທລະໂຄ່ງ ເພື່ອປະກາດຂ່າວຢູ່ພາຍໃນສູນຈຳກັດບໍລິເວນ, ສູນປິ່ນປົວ, ຢູ່ຕາມບ້ານ, ພິມແຜ່ນພັບແລະແຈກຢາຍ ກ່ຽວກັບຕະຫຼາດແຮງງານຢູ່ລາວ ເມື່ອເວລາບັນດາແຮງງານເຫຼົ່ານັ້ນຄົບກຳນົດຈໍາກັດບໍລິເວນ ຫຼື ປິ່ນປົວຫາຍດີແລ້ວ ກໍສາມາດໄປຊອກວຽກເຮັດງານທໍາ. ນອກນັ້ນ ກໍໃຫ້ອົງການປົກຄອງບ້ານ ແລະ ຄອບຄົວເປັນຫຼັກໃນການບອກສອນ ສຶກສາອົບຮົມແນວຄິດໃຫ້ລູກຫຼານຂອງຕົນໄດ້​ຮັບ​ຮູ້ ແລະ ປະ​ຕິ​ບັດ​ໃຫ້​ເອ​ກະ​ພາບ​ກັນ; ໃຫ້ແຂວງຄາດຄະເນຈໍານວນແຮງງານທີ່ຢູ່ແຂວງຂອງຕົນ ແລະ ແຮງງານທີ່ຈະກັບມາຕື່ມໃນຕໍ່ໜ້າມີຫຼາຍປານໃດ ເພື່ອວາງມາດຕະການ ແລະ ກຽມແຜນຮອງຮັບໃຫ້ຊັດເຈນ ລວມທັງຂຶ້ນທະບຽນແຮງງານໃຫ້ລະອຽດຊັດເຈນ ເພື່ອເປັນບ່ອນອີງໃນການຝຶກສີມືແຮງງານ ແລະ ການຈັດຫາແຮງງານໃນຕໍ່ໜ້າ; ພ້ອມນີ້, ໃຫ້ອົງການປົກຄອງທ້ອງຖິ່ນ ສົມທົບກັບສະພາການຄ້າ ແລະ ອຸດ​ສາ​ຫະ​ກຳ​ແຂວງ, ບັນດາຫົວໜ່ວຍແຮງງານ, ໂຄງການລົງທຶນຄົ້ນຄວ້າຝຶກສີມືແຮງງານ ແລະ ຊອກຫາຕະຫຼາດແຮງງານ; ໃຫ້ແຂວງສະຫວັນນະເຂດປະສານກັບແຂວງ​ໃກ້​ຄຽງຂອງປະເທດພື່ອນ​ບ້ານເກັບກຳຂໍ້ມູນແຮງງານທີ່ຈະກັບຄືນມາເພື່ອກະກຽມຮັບ ແລະ ອຳນວຍຄວາມສະດວກໃນການກັບເຂົ້າມາ; ລັດຖະບານ ຈະຈັດສົ່ງເຄື່ອງມືອຸປະກອນການແພດຕ່າງໆ ຕາມຄວາມຕ້ອງການທີ່ຈຳເປັນ ແລະ ຮີບດ່ວນ ພ້ອມທັງສະໜອງງົບປະມານ ຢ່າງສົມເຫດສົມຜົນ.

ພາຍຫຼັງສຳເລັດການໂອ້ລົມການນຳ ແລະ ຄະນະສະເພາະກິດແລ້ວ, ຄະນະຂອງທ່ານນາຍົກລັດຖະມົນຕີ ຍັງໄດ້ສືບຕໍ່ໄປຢ້ຽມຢາມ, ໂອ້ລົມ ແລະ ໃຫ້ກຳລັງໃຈ ແກ່ແຮງງານທີ່ຖືກຈຳກັດບໍລິເວນ ແລະ ຜູ້ທີ່ຕິດເຊື້ອໂຄວິດ-19 ທີ່ກໍາລັງປິ່ນປົວ ຢູ່ສູນຈຳກັດບໍລິເວນ ແລະ ສູນປິ່ນປົວ 3 ແຫ່ງຢູ່ນະຄອນໄກສອນ ພົມວິຫານ ຄື: ສູນກັກກັນສະໜາມກິລາ ຫຼັກ 4, ໂຮງໝໍພາກສະໜາມຫຼັກ 9  ບ້ານອຸດົມສຸກ ແລະ ສູນຈຳກັດບໍລິເວນແຫ່ງທີ 2 ບ້ານໂນນສະຫວາດ. ໃນການຢ້ຽມຢາມໂຮງໝໍພາກສະໜາມຫຼັກ 9 ທ່ານນາຍົກລັດຖະມົນຕີ ໄດ້ເນັ້ນໜັກໃຫ້ແຮງງານລາວຜູ້ທີ່ຕິດເຊື້ອໂຄວິດ-19 ທີ່ກຳລັງປິ່ນປົວໃຫ້ເຂົ້າໃຈເຖິງຄວາມເປັນຫ່ວງເປັນໃຍຂອງລັັັັັດຖະບານຕໍ່ແຮງງານລາວ, ນະໂຍບາຍຂອງລັດຖະບານ ໂດຍສະເພາະການໄປອອກແຮງງານຢູ່ຕ່າງປະເທດ ແລະ ການກັບຄືນມາໃຫ້ຖືກຕ້ອງຕາມກົດໝາຍ, ການເອົາໃຈໃສ່ ແລະ ຄວາມພະຍາຍາມ ໃນການແກ້ໄຂບັນຫາການແຜ່ລະບາດຂອງພະຍາດໂຄວິດ-19 ຢູ່ປະເທດເຮົາ ລວມທັງຍົກໃຫ້ເຫັນເຖິງຜົນຮ້າຍຂອງພະຍາດດັ່ງກ່າວ. ພ້ອມດຽວກັນນັ້ນ, ທ່ານຍັງໄດ້ເນັ້ນໜັກໃຫ້ອົດທົນ, ເອົາໃຈໃສ່ ແລະ ໃຫ້ການຮ່ວມມືກັບລັດຖະບານ, ປະຕິບັດຕາມຄຳແນະນຳຂອງແພດໝໍ ແລະ ລະບຽບຂອງໂຮງໝໍຢ່າງເຂັ້ມງວດ  ພ້ອມທັງເອົາໃຈໃສ່ເບິ່ງແຍງຮັກສາສຸຂະພາບຂອງຕົນ ເພື່ອຜ່ານຜ່າວິກິດຄວາມຫຍຸ້ງຍາກດັ່ງກ່າວໄປພ້ອມກັນ, ພາຍຫຼັງປິ່ນປົວຫາຍດີເປັນປົກກະຕິແລ້ວ ໃຫ້ພ້ອມກັນໄປຮັບວັກຊິນປ້ອງກັນ ແລະ ສືບຕໍ່ປະຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອ ຢ່າງເຂັ້ມງວດ. ນອກຈາກນັ້ນ ກໍໃຫ້ເອົາໃຈໃສ່ຕິດຕໍ່ພົວພັນກັບຄອບຄົວ, ຍາດພີ່ນ້ອງ ແລະ ໝູ່ເພື່ອນ ໂດຍສະເພາະຜູ້ທີ່ໄປອອກແຮງງານ ແລະ ຍັງບໍ່ທັນກັບຄືນມາປະເທດ ໃຫ້ເຄົາລົບລະບຽບກົດໝາຍຂອງປະເທດນັ້ນໆ, ຫາກມີຄວາມປະສົງຢາກກັບຄືນມາ ກໍແນະນຳໃຫ້ມາຢ່າງຖືກຕ້ອງຕາມກົດໝາຍ ຫຼື ມາແລ້ວ ໃນຕໍ່ໜ້າຫາກຈະກັບໄປກໍໃຫ້ດຳເນີນຕາມຂັ້ນຕອນ ແລະ ລະບຽບກົດໝາຍ ເພື່ອປົກປ້ອງສິດ ແລະ ຜົນປະໂຫຍດຂອງແຮງງານ.

ພາບ ແລະ ຂ່າວ: ກົມປະຊາສຳພັນ ຫສນຍ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com