Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມລັດຖະມົນຕີຕ່າງປະເທດຂອບການຮ່ວມມືຄູ່ຮ່ວມແມ່ນໍ້າຂອງ-ອາເມຣິກາ ຄັ້ງທີ 2

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 03/08/2021 14:18:44 ຈຳ​ນວນ​​ຢ້ຽມ​ຊົມ 472 ຄັ້ງ

 

      ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືຄູ່ຮ່ວມແມ່ນ້ຳຂອງ - ສ ອາເມຣິກາ ຄັ້ງທີ 2 ໃນຮູບແບບກອງປະຊຸມທາງໄກຈັດ​ຂຶ້ນ​ໃນ​ວັນ​ທີ 3 ສິງ​ຫາ 2021 ພາຍໃຕ້ການເປັນປະທານຮ່ວມຂອງທ່ານ ປຣັກ ໂຊຄົນ (Prak SOKHONN) ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດແລະ ການຮ່ວມມືສາກົນ ກຳປູເຈຍ ແລະ ທ່ານ ແອນໂທນີ ເຈ. ບຣິນແກັນ (Antony J. Blinken) ລັດຖະມົນຕີກະຊວງການຕ່າງປະເທດ ສ ອາເມຣິກາ ແລະ ມີບັນດາລັດຖະມົນຕີຕ່າງປະເທດຈາກປະເທດສະມາຊິກແມ່ນໍ້າຂອງຄື: ມຽນມາ, ໄທ, ຫວຽດນາມ ແລະ ເລຂາທິການໃຫຍ່ອາຊຽນເຂົ້າຮ່ວມ.

ກອງປະຊຸມໄດ້ທົບທວນຄືນໝາກຜົນຂອງການຮ່ວມມືໃນໄລຍະຜ່ານມາເຖິງແມ່ນວ່າພະຍາດໂຄວິດ-19 ຍັງສືບຕໍ່ມີການແຜ່ລະບາດຢູ່ໃນບັນດາປະເທດແມ່ນໍ້າຂອງ ແລະ ສ ອາເມຣິກາ ແຕ່ຂອບການຮ່ວມມືຄູ່ຮ່ວມແມ່ນໍ້າຂອງ - ສ ອາເມຣິກາ ກໍຍັງໄດ້ຮັບການສືບຕໍ່ຂະຫຍາຍຕົວຢ່າງຕໍ່ເນື່ອງ ໂດຍສະເພາະການຈັດຕັ້ງຜັນຂະຫຍາຍບັນດາໂຄງການ ແລະ ແຜນງານຂອງຂອບການຮ່ວມມືໃນຂົງເຂດ 1). ການເຊື່ອມຈອດດ້ານເສດຖະກິດ (Economic Connectivity); 2). ການປົກປັກຮັກສາສິ່ງແວດລ້ອມ ແລະ ການຄຸ້ມຄອງຊັບພະຍາກອນທຳມະຊາດ ແລະ ແຫຼ່ງນໍ້າແບບຍືນຍົງ (Sustainable Water Use, Natural Resources Management and Environmental Protection); 3). ຄວາມໝັ້ນຄົງທີ່ບໍ່ແມ່ນການທະຫານ (Non-Traditional Security)ແລະ 4). ການພັດທະນາຊັບພະຍາກອນມະນຸດ (Human Resource Development).

ທ່ານ ສະເຫຼີມໄຊ ກົມມະສິດ ໃນນາມຫົວໜ້າຄະນະຜູ້ແທນລາວໄດ້ຕີລາຄາສູງຕໍ່ໝາກຜົນຂອງການຮ່ວມມືໃນໄລຍະຜ່ານມາ ໂດຍສະເພາະບັນດາໂຄງການສ້າງຂີດຄວາມສາມາດດ້ານເຕັກນິກ ແລະ ວິຊາການຕ່າງໆ ເຊັ່ນ: ໂຄງການສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ຊາວໜຸ່ມ. ພ້ອມດຽວກັນນັ້ນ, ກໍໄດ້ສະແດງຄວາມຊົມເຊີຍທີ່ ສ ອາເມຣິກາ ໄດ້ປະກອບສ່ວນຊ່ວຍເຫຼືອວັກຊິນໃຫ້ແກ່ບັນດາປະເທດແມ່ນໍ້າຂອງໂດຍຜ່ານໂຄງການໂຄແວັກ (COVAX) ຊຶ່ງມາຮອດປັດຈຸບັນ ສປປ ລາວ ໄດ້ຮັບການຊ່ວຍເຫຼືອວັກຊິນຈາກ ສ ອາເມຣິກາ ລວມທັງໝົດ 1.108.620 ໂດສ (Pfizer ຈຳນວນ 100.620 ໂດສ ແລະ Johnson and Johnson ຈຳນວນ 1.008.000 ໂດສ).

ນອກຈາກນັ້ນ, ກອງປະຊຸມ ຍັງໄດ້ຮ່ວມກັນປຶກສາຫາລື ກ່ຽວກັບການຮ່ວມມືໃນຕໍ່ໜ້າ ໂດຍສະເພາະການຮ່ວມກັນຟື້ນຟູເສດຖະກິດຢູ່ໃນພາກພື້ນແມ່ນໍ້າຂອງ ແລະ ສ ອາເມຣິກາ ພາຍຫຼັງການແຜ່ລະບາດຂອງພະຍາດໂຄວິດ-19 ໂດຍໄດ້ເນັ້ນໃສ່ 4 ຂົງເຂດການຮ່ວມມືດັ່ງກ່າວເປັນບຸລິມະສິດ, ສະໜັບສະໜູນໃຫ້ມີການຮ່ວມມືຢ່າງໃກ້ຊິດຂອງປະເທດສະມາຊິກ ແລະ ສືບຕໍ່ຜັນຂະຫຍາຍການຮ່ວມມືໃຫ້ຂົງເຂດອື່ນໆໃຫ້ເກີດດອກອອກຜົນ. ກອງປະຊຸມ ຍັງໄດ້ຮັບຮອງເອົາແຜນປະຕິບັດງານຂອບການຮ່ວມມືຄູ່ຮ່ວມແມ່ນໍ້າຂອງ -                  ສ ອາເມຣິກາ 2021-2023 ເພື່ອເປັນທິດທາງຮ່ວມມືໃນຕໍ່ໜ້າ.

ໃນໂອກາດດຽວກັນນີ້, ໄດ້ມີການມອບ-ຮັບໜ້າທີ່ ປະທານໝູນວຽນຈາກ ກໍາປູເຈຍ ໃຫ້ແກ່ ສປປ ລາວ ເພື່ອສືບຕໍ່ປະຕິບັດໜ້າທີ່ເປັນປະທານຮ່ວມກັບ ສ ອາເມຣິກາ ໃນປີ 2021-2022. ກອງປະຊຸມລັດຖະມົນຕີຕ່າງປະເທດຖືເປັນກົນໄກກອງປະຊຸມລະດັບສູງຢູ່ໃນຂອບການຮ່ວມມືດັ່ງກ່າວ ໂດຍໄດ້ຖືກຈັດຂຶ້ນເປັນປະຈໍາທຸກປີ ແລະ ບັນດາປະເທດແມ່ນໍ້າຂອງແມ່ນໄດ້ຜັດປ່ຽນກັນເປັນປະທານຮ່ວມໝູນວຽນກັບ                 ສ ອາເມຣິກາ ຕາມລໍາດັບຕົວອັກສອນພາສາອັງກິດ.

ຂ່າວ-ພາບ: ກະ​ຊວງ​ການ​ຕ່າງ​ປະ​ເທດ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com