Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມລັດຖະມົນຕີຕ່າງປະເທດ ອາຊຽນ ກັບ ຄູ່ຮ່ວມເຈລະຈາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 03/08/2021 16:03:18 ຈຳ​ນວນ​​ຢ້ຽມ​ຊົມ 643 ຄັ້ງ

ໃນວັນທີ 3 ສິງຫາ 2021, ທ່ານ ສະ​ເຫຼີ​ມ​ໄຊ ກົມ​ມະ​ສິດ ລັດຖະມົນຕີຕ່າງປະເທດ ແຫ່ງ ສປປ ລາວ ໄດ້ນໍາພະຄະນະເຂົ້າຮ່ວມກອງ​ປະ​ຊຸມ​ລັດ​ຖະ​ມົນ​​ຕີຕ່າງ​ປະ​ເທດອາຊຽນ - ສ ເກົາຫຼີ, ກອງ​ປະ​ຊຸມ​ລັດ​ຖະ​ມົນ​​ຕີຕ່າງ​ປະ​ເທດ ອາ​ຊຽນ-ຈີນ, ກອງປະຊຸມລັດຖະມົນຕີຕ່າງປະເທດ ອາຊຽນ-ຍີ່ປຸ່ນ ແລະ ກອງປະຊຸມລັດຖະມົນຕີຕ່າງປະເທດ ອາຊຽນ ບວກສາມ (ຈີນ, ຍີ່ປຸ່ນ ແລະ ສ ເກົາຫຼີ) ຄັ້ງທີ 22 ແບບ ທາງໄກ. ເຂົ້າຮ່ວມກອງປະຊຸມດັ່ງກ່າວມີບັນດາລັດຖະມົນຕີຕ່າງປະເທດອາຊຽນ, ທ່ານເລຂາທິການ ໃຫຍ່ອາຊຽນ ແລະ ບັນດາລັດຖະມົນຕີຕ່າງປະເທດ ຄູ່ຮ່ວມເຈລະຈາອາຊຽນ.

  1. ກອງ​ປະ​ຊຸມ​ລັດ​ຖະ​ມົນ​​ຕີຕ່າງ​ປະ​ເທດ ອາຊຽນ - ສ ເກົາຫຼີ

ກອງ​ປະ​ຊຸມໄດ້ຕີລາຄາສູງ ຕໍ່ຜົນການຈັດຕັ້ງປະຕິບັດການຮ່ວມມື ອາຊຽນ - ສ ເກົາຫຼີ ໃນໄລຍະ 1 ປີຜ່ານມາ ໂດຍສະເພາະການຈັດຕັ້ງປະຕິບັດແຜນປະຕິບັດງານອາຊຽນ - ສ ເກົາຫຼີ ໄລຍະ 2021-2025, ຊຶ່ງກວມເອົາ 3 ເສົາຄໍ້າ ຂອງການສ້າງປະຊາຄົມອາຊຽນ (ການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທໍາ - ສັງຄົມ), ລວມທັງການປ້ອງກັນ, ຮັບມື ແລະ ແກ້ໄຂການແຜ່ລະບາດຂອງພະ ຍາດໂຄວິດ-19 ຊຶ່ງ ສ ເກົາຫຼີ ໄດ້ເຫັນດີຈະສືບຕໍ່ສະໜັບສະໜູນ ອາຊຽນ ໃນການຮັບມື ແລະ ແກ້ໄຂບັນຫາການແຜ່ລະບາດຂອງພະຍາດໂຄວິດ-19.

ກອງປະຊຸມໄດ້ເຫັນດີຈະສືບຕໍ່ເພີ່ມທະວີການຮ່ວມມືກັນ ໃນບາງຂົງເຂດບຸລິມະສິດ ເຊັ່ນ: ຂົງເຂດສາທາລະນະສຸກ, ການສຶກສາ, ການຫັນເປັນເສດຖະກິດດີຈີຕອນ ແລະ ນະວັດຕະກໍາ, ການເຊື່ອມຈອດອາຊຽນ, ການຮັດແຄບຄວາມແຕກໂຕນດ້ານການພັດທະນາພາຍໃນອາຊຽນ, ການພັດທະນາແບບຍືນຍົງ, ການຄໍ້າປະກັນສະບຽງອາຫານ ແລະ ການພັດທະນາເຄືອຂ່າຍຕົວເມືອງ ອັດສະລິຍະອາຊຽນ. ນອກຈາກນີ້, ກອງປະຊຸມລັດຖະມົນຕີຕ່າງປະເທດອາຊຽນ - ສ ເກົາຫຼີ ຍັງໄດ້ແລກປ່ຽນຄໍາຄິດຄໍາເຫັນຕໍ່ບາງບັນຫາພົ້ນເດັ່ນ ຢູ່ພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ, ພ້ອມທັງ ໄດ້ປືກສາຫາລື ເພື່ອກະກຽມດ້ານເນື້ອໃນ ແລະ ພະລາທິການ ໃຫ້ແກ່ກອງປະຊຸມສຸດຍອດຜູ້ນໍາອາຊຽນ-ສ.ເກົາຫຼີ ທີ່ຈະມາເຖິງ ໃນເດືອນຕຸລາ2021 ນີ້.

  1. ກອງ​ປະ​ຊຸມ​ລັດ​ຖະ​ມົນ​​ຕີຕ່າງ​ປະ​ເທດ ອາ​ຊຽນ-ຈີນ

ກອງປະຊຸມ ໄດ້ຕີລາສູງຕໍ່ຜົນການຈັດຕັ້ງປະຕິບັດການຮ່ວມມືອາຊຽນ-ຈີນ ໃນໄລຍະຜ່ານມາໂດຍສະເພາະ ການຜັນຂະຫຍາຍຜົນຂອງກອງປະຊຸມສຸດຍອດອາຊຽນ-ຈີນ ຄັ້ງທີ 23 ໃນທ້າຍເດືອນພະຈິກ 2020 ແລະ ການຈັດຕັ້ງປະຕິບັດແຜນປະຕິບັດງານການຮ່ວມມືອາຊຽນ-ຈີນ ໄລຍະ 2021-2025 ຊຶ່ງກວມເອົາ ສາມເສົາຄ້ຳ ການສ້າງປະຊາຄົມອາຊຽນຄື: ການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມ, ລວມທັງການຮ່ວມມືເພື່ອແກ້ໄຂ ແລະ ຮັບມື ກັບຜົນກະທົບຂອງພະຍາດໂຄວິດ-19 ຕໍ່ການຂະຫຍາຍຕົວທາງດ້ານເສດຖະກິດຂອງພາກພື້ນ.

ກອງປະຊຸມ ເຫັນດີຈະສືບຕໍ່ຮ່ວມມືກັນ ໃນບາງຂະແໜງການບຸລິມະສິດ ຄື: ສືບຕໍ່ຮັດແໜ້ນການຮ່ວມມື ດ້ານສາທາລະນະສຸກ ໂດຍສະເພາະການແລກປ່ຽນຂໍ້ມູນຂ່າວສານ ແລະບົດຮຽນທີ່ດີໃນການຄົ້ນຄວ້າ-ພັດທະນາ ຢາວັກແຊັງຕ້ານພະຍາດໂຄວິດ-19 ແລະ  ການສະໜອງຢາວັກຊິນດັ່ງກ່າວ ຜ່ານບ້ວງສອງ ຝ່າຍ ແລະ ຫຼາຍຝ່າຍ ຫຼື ໂຄແວັກ (COVAX); ການຈັດຕັ້ງປະຕິບັດບັນດາກິດຈະກໍາສະ ເຫຼີມສະ ຫຼອງການພົວພັນຮ່ວມມືຄົບຮອບ 30 ປີ ໃນປີ 2021; ການຟື້ນຟູເສດຖະກິດຮອບດ້ານຫຼັງໂຄວິດ-19; ການສືບຕໍ່ຈັດຕັ້ງປະຕິບັດແຜນແມ່ບົດການເຊື່ອມຈອດອາ ຊຽນ 2025 (MPAC 2025); ການຈັດຕັ້ງປະ ຕິບັດແຜນປະຕິບັດງານການເຊື່ອມໂຍງອາຊຽນ ສະບັບທີ 4 (2021-2025); ການຫັນເປັນເສດຖະກິດດີ ຈີຕອນ ໂດຍຈະສຸມໃສ່ສະໜັບສະໜູນຈຸລະວິສາຫະກິດ, ທຸລະກິດຂະໜາດນ້ອຍ ແລະ ຂະໜາດກາງ (MSMEs) ເພື່ອໃຫ້ສາມາດດຳເນີນທຸລະກິດ-ການຄ້າທາງເອເລັກໂຕຣນິກຮ່ວມກັນໄດ້; ການຈັດຕັ້ງປະຕິບັດ ເຂດການຄ້າເສລີອາຊຽນ-ຈີນ ແລະ ສັນຍາການຮ່ວມມືເສດຖະກິດຮອບດ້ານລະດັບພາກພື້ນ ຫຼື RCEP; ການສຶກສາ ໂດຍສະເພາະ ການສະໜອງທຶນສຶກສາທັງໄລຍະສັ້ນ ແລະ ໄລຍະຍາວ ແລະ ການສົ່ງເສີມ ການຮ່ວມມືອະນຸ ພາກພື້ນ ໂດຍສະເພາະຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ. ນອກນີ້, ກອງປະຊຸມ ຍັງໄດ້ແລກປ່ຽນຄຳຄິດ ຄຳເຫັນຕໍ່ບາງບັນຫາພົ້ນເດັ່ນຢູ່ພາກພື້ນ ແລະ ສາກົນທີ່ມີຄວາມສົນໃຈ ຮ່ວມກັນ, ພ້ອມທັງປຶກສາຫາລືການ ກະກຽມດ້ານເນື້ອໃນ ແລະ ພິທີການໃຫ້ແກ່ກອງປະຊຸມສຸດຍອດ ຜູ້ນໍາອາຊຽນ-ຈີນ ໃນເດືອນຕຸລາ 2021 ທີ່ຈະມາເຖິງນີ້.

ໃນກອງປະຊຸມຄັ້ງນີ້, ສະເຫຼີມໄຊ ກົມມະສິດ ຍັງໄດ້ສະແດງຄວາມຂອບໃຈຕໍ່ການຊ່ວຍເຫຼືອອັນລໍ້າຄ່າ ຂອງ ສປ ຈີນ ໃຫ້ແກ່ ສປປ ລາວ ໃນໄລຍະຜ່ານມາ ໂດຍສະເພາະການຊ່ວຍເຫຼືອທາງດ້ານເຕັກນິກ-ວິຊາການ ແລະ ການສະໜອງທຶນຊ່ວຍເຫຼືອ ເພື່ອຮັບມື ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ; ພິເສດ, ແມ່ນການຊ່ວຍເຫຼືອໃນການສະໜອງວັກຊິນຕ້ານໂຄວິດ-19 ທັງຜ່ານບ້ວງສອງຝ່າຍ ແລະ ຫຼາຍຝ່າຍ.

3. ກອງປະຊຸມລັດຖະມົນຕີຕ່າງປະເທດ ອາຊຽນ-ຍີ່ປຸ່ນ

ກອງປະຊຸມ ໄດ້ຕີລາຄາສູງ ແລະ ຮັບຊາບ ສະພາບການຮ່ວມມື ລະຫວ່າງ ອາຊຽນ ແລະ ຍີ່ປຸ່ນ ໄລຍະຜ່ານມາ ໂດຍສະເພາະຄວາມຄືບໜ້າ ການຈັດຕັ້ງປະຕິບັດບັນດາແຜນງານ ແລະ ໂຄງການ ພາຍໃຕ້ແຜນປະຕິບັດງານ ອາຊຽນ-ຍີ່ປຸ່ນ ສະບັບປັບປຸງ (2017-2021) ຊຶ່ງກວມເອົາການຮ່ວມມື ໃນຂົງເຂດທີ່ເປັນບຸລິມະສິດຄື: ຄູ່ຮ່ວມມືເພື່ອສັນຕິພາບ ແລະ ຄວາມໝັ້ນຄົງ; ຄູ່ຮ່ວມມືເພື່ອຄວາມສົມ ບູນພູນສຸກ; ຄູ່ຮ່ວມມືເພື່ອຄຸນນະພາບຊີວິດ; ແລະ ຄູ່ຮ່ວມມືໃຈເຖິງໃຈ. ພ້ອມນີ້, ກອງປະຊຸມຍັງໄດ້ປຶກ ສາຫາລືທິດທາງແຜນການຮ່ວມມືໃນຕໍ່ໜ້າເປັນຕົ້ນແມ່ນການຈັດຕັ້ງປະຕິບັດແຜນປະຕິບັດງານການຮ່ວມມື ອາຊຽນ-ຍີ່ປຸ່ນ ກໍຄືການຜັນຂະຫຍາຍຜົນຂອງກອງປະຊຸມສຸດຍອດ ອາຊຽນ-ຍີ່ປຸ່ນ ຄັ້ງທີ 23 ແລະ ຢ້ຳຄືນຄຳໝາຍໝັ້ນຈະສືບຕໍ່ຮ່ວມມືກັນ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂບັນຫາ ການແຜ່ລະບາດຂອງພະຍາດໂຄວິດ-19 ກໍຄືການຟື້ນຟູ ລະບົບເສດຖະກິດພາຍຫຼັງ ທີ່ສາມາດຄວບ ຄຸມການແຜ່ລະບາດຂອງເຊື້ອພະຍາດດັ່ງກ່າວສໍາເລັດ.

ໃນໂອກາດນີ້, ກອງປະຊຸມຍັງໄດ້ປືກສາຫາລື ແລະ ແລກປ່ຽນຄວາມຄິດເຫັນ ຕໍ່ບັນຫາພາກພື້ນ ແລະ ສາກົນ ທີ່ຕ່າງຝ່າຍມີຄວາມສົນໃຈຮ່ວມກັນ ເພື່ອປະກອບສ່ວນເຂົ້າໃນການຮັກສາສັນຕິພາບ ແລະ ຄວາມໝັ້ນຄົງໃນພາກພື້ນ ເປັນຕົ້ນການຈັດຕັ້ງປະຕິບັດຖະແຫຼງການຮ່ວມ ອາຊຽນ-ຍີ່ປຸ່ນ ວ່າດ້ວຍການ ຮ່ວມມືກັບວິໄສທັດອາຊຽນ ວ່າດ້ວຍ ອິນໂດ-ປາຊີຟິກ ທີ່ໄດ້ຮັບຮອງເອົາໃນໂອກາດກອງປະຊຸມສຸດ ຍອດອາຊຽນ-ຍີ່ປຸ່ນ ໃນທ້າຍປີຜ່ານມາ ແລະ ບັນຫາອື່ນໆ.

 

4. ກອງປະຊຸມລັດຖະມົນຕີຕ່າງປະເທດ ອາຊຽນ ບວກສາມ (ຈີນ, ຍີ່ປຸ່ນ ແລະ ສ ເກົາຫຼີ) ຄັ້ງທີ 22

ກອງປະຊຸມໄດ້ຕີລາຄາສູງ ແລະ ຮັບຊາບ ຄວາມຄືບໜ້າການຮ່ວມມື ອາຊຽນບວກສາມ ໄລຍະຜ່ານ ມາ ໂດຍສະເພາະຄວາມຄືບໜ້າການຈັດຕັ້ງປະຕິບັດບັນດາແຜນການຮ່ວມມືອາຊຽນບວກສາມ ສຳລັບໄລ ຍະ 2018-2022 ກໍຄືການ​ຈັດ​ຕັ້ງ​ປະ​ຕິ​ບັດບັນ​ດາ​ຂໍ້​ສະ​ເໜີ​ແນະ​ຂອງ​ໜ່ວຍ​ງານ​ວິ​ໄສ​ທັດ​ອາ​ຊີ​ຕາ​ເວັນ​ອອກ II (EAVG II) ຊຶ່ງກວມເອົາການຜັນຂະຫຍາຍ ຜົນຂອງກອງປະຊຸມສຸດຍອດ ສະໄໝພິເສດ ອາຊຽນ ບວກສາມ ວ່າດ້ວຍ ການລະບາດຂອງພະຍາດໂຄວິດ-19 ໃນເດືອນເມສາ 2020. ພ້ອມນີ້, ບັນດາລັດຖະມົນຕີຕ່າງປະເທດ ຍັງໄດ້ສະແດງຄວາມເພິ່ງພໍໃຈ ຕໍ່ຜົນການຈັດຕັ້ງປະຕິບັດການຮ່ວມມື ໃນໄລຍະ 1 ປີຜ່ານມາ ໂດຍສະເພາະ ການຮ່ວມມືກັນໃນການປ້ອງກັນ, ຮັບມື ແລະ ແກ້ໄຂ ການແຜ່ລະ ບາດຂອງພະຍາດໂຄວິດ-19 ແລະ ການແກ້ໄຂຜົນກະທົບຂອງພະຍາດໂຄວິດ-19 ຕໍ່ການພັດທະນາເສດ ຖະກິດ-ສັງຄົມ ກໍຄືຊີວິດການເປັນຢູ່ຂອງປະຊາຊົນ.

ພ້ອມນີ້, ກອງປະຊຸມໄດ້ຢ້ຳຄືນຄຳໝາຍໝັ້ນທີ່ຈະສືບຕໍ່ຮ່ວມມືກັນ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂບັນຫາການແຜ່ລະບາດຂອງພະຍາດໂຄວິດ-19 ກໍຄືການຟື້ນຟູ ລະບົບເສດ ຖະກິດພາຍຫຼັງທີ່ສາມາດຄວບຄຸມການແຜ່ລະບາດຂອງເຊື້ອພະຍາດດັ່ງກ່າວສໍາເລັດ ລວມທັງ ການຮ່ວມມືກັນ ໃນການຄົ້ນຄວ້າ-ພັດທະນາ ແລະ ຜະລິດຢາປົວພະຍາດ ກໍຄື ຢາວັກຊິນຕ້ານໂຄວິດ-19 ແລະ ການຮັບປະກັນ ໃນການເຂົ້າເຖິງ ແລະ ສາມາດໄດ້ຮັບຢາປົວພະຍາດ ແລະ ຢາວັກຊິນດັ່ງກ່າວ ຢ່າງເທົ່າທຽມ; ສືບຕໍ່ຮັດແໜ້ນການຮວມມືເພື່ອຈັດຕັ້ງປະຕິບັດແຜນແມ່ບົດການເຊື່ອມຈອດອາຊຽນ ຮອດປີ 2025 (MPAC 2025); ການຈັດຕັ້ງປະຕິບັດແຜນປະຕິບັດງານ ການເຊື່ອມໂຍງອາຊຽນ ສະບັບທີ 4 (ສຳລັບ ໄລຍະປີ 2021-2025); ການຫັນເປັນເສດຖະກິດດີຈີຕອນ ໂດຍສຸມໃສ່ສົ່ງເສີມຈຸລະວິສາຫະ ກິດ, ທຸລະກິດຂະໜາດນ້ອຍ ແລະ ຂະໜາດກາງ (MSMEs) ເພື່ອໃຫ້ສາມາດເຮັດທຸລະກິດທາງເອເລັກໂຕຣນິກຮ່ວມກັນໄດ້ການພັດທະນາແບບຍືນຍົງລວມທັງການໃຫ້ການຮ່ວມມືຊ່ວຍເຫຼືອພາຍໃຕ້ເຄື່ອຂ່າຍ ຕົວເມືອງອັດສະລິຍະອາຊຽນ; ການຮ່ວມມືບ້ວງຄັງເຂົ້າສຸກເສີນອາຊຽນບວກສາມ ແລະ ວຽກງານການ ຮ່ວມມືຫຼາຍຝ່າຍ ແລະ ອື່ນໆ.

ກອງປະຊຸມຄັ້ງນີ້, ຍັງໄດ້ແລກປ່ຽນຄຳຄິດຄຳເຫັນນຳກັນຕໍ່ບາງບັນຫາເດັ່ນຢູ່ພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ແລະ ໄດ້ພ້ອມກັນປຶກສາຫາລື ເພື່ອກະກຽມດ້ານເນື້ອໃນ ແລະ ພະລາທິການ ໃຫ້ແກ່ກອງປະຊຸມສຸດຍອດອາຊຽນບວກສາມ ຄັ້ງທີ 24 ທີ່ຈະມີຂຶ້ນໃນ ເດືອນຕຸລາ 2021.

ຂ່າວ-ພາບ: ກະຊວງການຕ່າງປະເທດ 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com