Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເລຂາທິການໃຫຍ່ ເນັ້ນໜັກ 8 ບັນຫາສໍາຄັນຕໍ່ພະນັກງານຫຼັກແຫຼ່ງກະຊວງປ້ອງກັນປະເທດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 04/08/2021 14:14:14 ຈຳ​ນວນ​​ຢ້ຽມ​ຊົມ 1503 ຄັ້ງ

ໃນວັນທີ 4 ສິງຫາ 2021 ທີ່ກະຊວງປ້ອງກັນປະເທດ, ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ໄດ້ໂອ້ລົມເນັ້ນໜັກ 8 ບັນຫາສໍາຄັນຕໍ່ພະນັກງານຫຼັກແຫຼ່ງກະຊວງປ້ອງກັນປະເທດ ເພື່ອເສີມຂະຫຍາຍມູນເຊື້ອຂອງກຳລັງປ້ອງກັນຊາດໃຫ້ນັບມື້ເຕີບໃຫຍ່ເຂັ້ມແຂງ ແລະ ໄດ້ຮັບການພັດທະນາຢ່າງຮອບດ້ານດັ່ງນີ້:

 1. ສືບຕໍ່ຝຶກຝົນທາດແທ້ປະຕິວັດ, ຄວາມຈົງຮັກພັກດີຕໍ່ປະເທດຊາດ, ຍອມເສຍສະຫຼະ ເພື່ອຊາດ ເພື່ອປະຊາຊົນຂອງນັກຮົບ, ນາຍ ແລະ ພົນທະຫານໃນກອງທັບເຮົາໃຫ້ຖືເປັນບັນຫາສຳຄັນໃຈກາງ ແລະ ບໍ່ສາມາດຖືເບົາໄດ້;

2. ສ້າງຄວາມເປັນເອກະພາບສູງກັບແນວທາງນະໂຍບາຍຂອງພັກ, ຢ່າງໜັກແໜ້ນພາຍໃນຖັນແຖວປະກອບອາວຸດ; ຂໍໃຫ້ກຳລັງປະກອບອາວຸດ ເປັນກຳລັງແຖວໜ້າໃນການກຳແໜ້ນແນວທາງນະໂຍບາຍຂອງພັກ, ຜັນຂະຫຍາຍອອກມາເປັນອັນລະອຽດ ຂອງກຳລັງປະກອບອາວຸດ ເພື່ອຝຶກຝົນປະຊາຊົນ, ອະທິບາຍ ແລະ ສ້າງຮາກຖານປ້ອງກັນຊາດ-ປ້ອງກັນຄວາມສະຫງົບ ໃຫ້ເຂັ້ມແຂງຂຶ້ນ;

3. ກອງທັບ, ນັກຮົບ, ນາຍ ແລະ ພົນທະຫານ ຕ້ອງສືບຕໍ່ຝຶກຝົນຄວາມມີລະບຽບວິໄນຖືສິ່ງນີ້ທັງເປັນທາດແທ້, ເປັນຊີວິດຈິດໃຈຂອງຕົນ, ທັງເປັນຄຸນລັກສະນະທີ່ຂາດບໍ່ໄດ້ ເພື່ອເປັນອາວຸດອັນແຫຼມຄົມ ຕັດສິນໄຊຊະນະ ຫຼື ປະລາໄຊ ກັບສັດຕູຂອງຊາດ, ລະບຽບວິໄນ ຕ້ອງຕິດພັນກັບຈັນຍາບັນຂອງກອງທັບປະຕິວັດ ບໍ່ຄວນອະນຸຍາດໃຫ້ໃຜອອກນອກທາງ, ອອກຈາກກອບຂອງລະບຽບ, ກົດໝາຍ, ກົດຄຳສັ່ງໄດ້ເດັດຂາດ ຢູ່ໃນຖັນແຖວປະກອບອາວຸດຂອງພວກເຮົາ, ລະບຽບກອງທັບຕ້ອງເຄັ່ງຄັດຕໍ່ການປະຕິບັດ, ເດັດຂາດ ການບັງຄັບບັນຊາເປັນລະບຽບເຫຼັກ, ເຖິງເວລາຕ້ອງຍອມເສຍສະຫຼະແມ້ແຕ່ຊີວິດເພື່ອຊາດ, ເພື່ອປະຊາຊົນ, ກຽມພ້ອມຢູ່ທຸກເວລາໃນການປະຕິບັດໜ້າທີ່ (ຍອມເສຍສະຫຼະດ້ວຍຄວາມພິລະອາດຫານ ແລະ ດ້ວຍຄວາມພູມໃຈ).

4. ກອງທັບເຮົາ ຕ້ອງຝຶກຝົນຫຼໍ່ຫຼອມດ້ານສິນລະປະຍຸດ, ຍຸດທະວິທີຢ່າງເປັນປະຈໍາ.

5. ພັດທະນາກອງທັບໃຫ້ເຂັ້ມແຂງ, ທັນສະໄໝເທື່ອລະກ້າວ, ຮູ້ຈຸດໃດ, ຂົງເຂດໃດ, ກໍາລັງປະເພດໃດທີ່ຕ້ອງເນັ້ນໜັກການພັດທະນາ, ເນັ້ນໜັກການປັບປຸງ,  ເໜັ້ນໜັກການນຳໃຊ້. ກຳລັງໃດ, ປະເພດ ໃດທີ່ຕ້ອງສ້າງ, ປັບປຸງໂລດ ໃນສະເພາະໜ້າ ແລະ ກຳລັງປະເພດໃດຕ້ອງພັດທະນາໄລຍະຍາວ ຊຶ່ງຕ້ອງຮູ້ວ່າມັນຂຶ້ນຢູ່ກັບສະຖານະການຈະຜັນແປນັ້ນໃຫ້ຊັດເຈນ ແລະ ໜັກແໜ້ນ ເພື່ອບໍ່ໃຫ້ຜິດພາດ ໃນການຕົກລົງ ແລະ ຕັດສິນໃຈ.

6. ກອງທັບເຮົາຕ້ອງສືບຕໍ່ເອົາໃຈໃສ່ ຊ່ວຍລັດຖະບານແກ້ໄຂບັນຫາເສດຖະກິດ, ກອງທັບຕ້ອງສ້າງຄວາມເຂັ້ມແຂງທາງດ້ານການສ້າງພາລະທິການກັບທີ່ເພື່ອຊ່ວຍຫຼຸດຜ່ອນການແບກຫາບຂອງລັດຖະບານ ໄດ້ຫຼາຍເທົ່າໃດກໍຍິ່ງດີ ເພື່ອໃຫ້ລັດຖະບານມີກຳລັງແຮງຊ່ວຍກອງທັບ ໃນບັນຫາຍຸດທະສາດໃຫຍ່ໆ. ການປະຢັດ, ການໃຊ້ຈ່າຍຢ່າງມີປະສິດທິຜົນ ຕ້ອງເປັນທາດແທ້ຂອງກອງທັບເຮົາ.

7. ກອງທັບເຮົາ, ກຳລັງປະກອບອາວຸດເຮົາ ຈະສືບຕໍ່ມູນເຊື້ອອັນດີງາມ ໃນການຊ່ວຍເຫຼືອປະຊາ ຊົນ, ຊ່ວຍເຫຼືອດ້ານການລຶບລ້າງຄວາມທຸກຍາກ, ຊ່ວຍບັນເທົາທຸກໃນຍາມມີໄພ ທີ່ກະທົບເຖິງປະຊາຊົນ ດັ່ງທີ່ເຄີຍປະຕິບັດມາ ຊຶ່ງກອງທັບເຮົາໄດ້ເປັນທີ່ໄວ້ວາງໃຈໄດ້ຂອງປະຊາຊົນຢ່າງແທ້ຈິງໃນໄລຍະຜ່ານມາ.

8. ກອງທັບເຮົາ ຈະຕ້ອງສືບຕໍ່ໃຫ້ຄວາມສໍາຄັນ ກັບການພົວພັນກັບປະເທດເພື່ອນມິດ ທັງຢູ່ໃກ້ ແລະ ຢູ່ໄກ ໂດຍສະເພາະເອົາໃຈໃສ່ກັບເພື່ອນມິດຍຸດທະສາດ ຮູ້ຍາດແຍ່ງ, ຮູ້ຮໍ່າຮຽນ ແລະ ຮູ້ຮັບເອົາການຮ່ວມມືຢ່າງມີການເລືອກເຟັ້ນດ້ວຍສະຕິປັນຍາທີ່ແຫຼມຄົມ. (ຂ່າວ-ພາບ: ອາ​ຫວຸ້ນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com