Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຜີຍແຜ່ເຊື່ອມຊຶມວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 25/08/2021 15:48:21 ຈຳ​ນວນ​​ຢ້ຽມ​ຊົມ 1521 ຄັ້ງ

ກະຊວງການເງິນໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ຂຶ້ນໃນວັນທີ 25 ສິງຫານີ້ ທີ່ກະຊວງດັ່ງກ່າວ ໂດຍການເປັນປະທານຂອງ ສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານງານພັກລັດຖະມົນຕີກະຊວງການເງິນ ຊຶ່ງມີພະນັກງານອ້ອມຂ້າງກະຊວງການເງິນເຂົ້າຮ່ວມຮັບຟັງ.

ກອງປະຊຸມຄັ້ງນີ້, ຜູ້ເຂົ້າຮ່ວມໄດ້ພ້ອມກັນເຊື່ອມຊຶມ 4 ເອກະສານໃຫຍ່ສຳຄັນເຊັ່ນ: ຄໍາສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການຊີ້ນໍາ-ນໍາພາຂອງຄະນະພັກແຕ່ລະຂັ້ນ ໃນການຈັດ ຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ສະບັບເລກທີ 01/ກມສພ, ລົງວັນທີ 26 ກໍລະກົດ 2021, ເອກະສານວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະ ກິດ-ການເງິນ, ຮ່າງຄໍາສັ່ງຂອງນາຍົກລັດຖະມົນຕີວ່າດ້ວຍການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານແຫ່ງລັດ ແລະ ແນະນໍາກ່ຽວກັບການປັບປຸງກົງຈັກການຈັດຕັ້ງ ແລະ ພັດ ທະນາບຸກຄະລາກອນຂະແໜງການເງິນ ຊຶ່ງເປັນບັນຫາທີ່ພັກ ກໍຄືລັດລັດຖະບານຕັດສິນໃຈສ້າງບາດລ້ຽວ ໃໝ່ໃນການບໍລິຫານລັດ, ການປຸກລະດົມທາງດ້ານກົນໄກ, ແບບແຜນເພື່ອບັນລຸໄດ້ຕາມຈຸດປະສົງທີ່ມະຕິກອງປະຊຸມໃຫຍ່ໄດ້ວາງອອກ.

ສະຫາຍ ບຸນໂຈມ ອຸບົນປະເສີດ ໄດ້ມີຄຳເຫັນວ່າ: ເພື່ອສ້າງຄວາມເອກະພາບ, ສ້າງຄວາມຕັດສິນໃຈພາຍໃນຄະນະພັກໃນການດໍາເນີນວຽກງານຕົວຈິງ ໂດຍສະເພາະພະນັກງານນໍາພາ-ຄຸ້ມຄອງໃນແຕ່ລະຂົງເຂດ, ການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແມ່ນຄວາມຮັບຜິດຊອບຂອງໝົດທຸກຄົນຕ້ອງຮ່ວມກັນແກ້ໄຂ, ຄົ້ນຄວ້າ, ລົງເລິກບັນຫາຄວາມຮັບຜິດຊອບທາງການເມືອງ, ເນັ້ນໜັກໃສ່ການຄົ້ນຄວ້າເຊື່ອມຊຶມເນື້ອໃນຕົ້ນຕໍເພື່ອໃຫ້ຄະນະພັກກະຊວງຮີບຮ້ອນສ້າງແຜນງານ, ແຜນດໍາເນີນງານພາຍໃນອົງຄະນະພັກ ແລະ ບັນດາກົມເພື່ອດໍາເນີນການຈັດຕັ້ງປະຕິບັດ. ທ່ານລັດຖະມົນຕີກະຊວງການເງິນ ຍັງໄດ້ຍົກໃຫ້ເຫັນບາງບັນຫາທີ່ສໍາຄັນໃນເອກສານຄໍາສັ່ງຂອງກົມການເມືອງສູນກາງພັກເປັນຕົ້ນ: ການຈັດ ຕັ້ງເຜີຍແຜ່ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ - ການເງິນຢ່າງທົ່ວເຖິງ,ເພື່ອໃຫ້ພະນັກງານສະມາຊິກພັກໄດ້ຮັບຮູ້, ເຂົ້າໃຈເປັນເອກະພາບສູງຕໍ່ເນື້ອໃນຈິດໃຈຊີ້ນໍາ ແລະ ມີຄວາມຕັດສິນໃຈເດັດດ່ຽວໃນການຈັດຕັ້ງປະຕິບັດວາລະແຫ່ງຊາດ, ເນັ້ນໃຫ້ຄະນະພັກແຕ່ລະຂັ້ນຍົກສູງສະຕິລະ ວັງຕົວຕໍ່ກົນອຸບາຍ, ຮີບດ່ວນດໍາເນີນການແກ້ໄຂບັນດາຈຸດອ່ອນ ແລະ ຂໍ້ຄົງຄ້າງຫຼາຍໆດ້ານໃນການພັດທະນາເສດຖະກິດ-ສັງຄົມທີ່ມີລັກສະນະຊໍາເຮື້ອຜ່ານມາ ໂດຍຕິດພັນກັບການປັບປຸງພາຍໃນພັກຂອດຂັ້ນດ້ານການບໍລິຫານລັດ, ສຸມໃສ່ການແກ້ໄຂການຮົ່ວໄຫຼການຈັດເກັບລາຍຮັບງົບປະມານແກ້ທັງກົນໄກ, ລະບຽບການທັງຂອດການຈັດຕັ້ງ ແລະ ບຸກຄະລາກອນ, ຄົ້ນຄວ້ານະໂຍບາຍຈໍານວນໜຶ່ງທີ່ມີຄວາມຈໍາເປັນ ແລະ ມີປະສິດທິຜົນທາງດ້ານເສດຖະກິດທີ່ວາງອອກ ແລະ ເລັ່ງປະຕິຮູບລັດວິສາຫະກິດເປັນບຸລິມະສິດແຖວໜ້າຂອງການແກ້ໄຂບັນຫາຫຍຸ້ງຍາກດ້ານເສດຖະກິດ-ການເງິນ.

(ຂ່າວ-ພາບ: ວັນເພັງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com