Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະຖານທີ່ທ່ອງທ່ຽວຖໍ້ານໍ້າລອດ ເປັນສະຖານທີທ່ອງທ່ຽວທີ່ມີຊື່ສ່ຽງຂອງແຂວງຄໍາມ່ວນ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 21/10/2021 12:05:26 ຈຳ​ນວນ​​ຢ້ຽມ​ຊົມ 1364 ຄັ້ງ

   

                                                        ໂດຍ: ວັນໄຊ

           ຖໍ້ານໍ້າລອດເຊບັ້ງໄຟ ເມືອງເຊບັ້ງໄຟ ​ເປັນແຫຼ່ງທ່ອງທ່ຽວອີກແຫ່ງໜຶ່ງທີ່ມີຊື່ສຽງຂອງແຂວງຄໍາມ່ວນ, ຖໍ້າແຫ່ງນີ້ໄດ້ເປີດໃຫ້ບໍລິການນັກທ່ອງທ່ຽວທັງພາຍໃນ ແລະ ຕ່າງປະເທດຢ່າງເປັນທາງການເມື່ວວັນທີ 28/3/2013 ໂດຍໄດ້ຮັບກຽດລັ່ນຄ້ອງໃນພິທີເປີດຈາກ ທ່ານ ສົມໃຈ ເພັດສີນວນ ຮອງເຈົ້າແຂວງຄໍາມ່ວນໃນເວລານັ້ນ ແລະ ໄດ້ມີນັກທ່ອງທ່ຽວຫຼັ່ງໄຫຼເຂົ້າມາທ່ຽວຖໍ້າແຫ່ງນີ້ບໍ່ໄດ້ຂາດນັບແຕ່ເວລານັ້ນເປັນຕົ້ນມາ.

  ຫຼັກສະນະຂອງຖໍ້າແຫ່ງນີ້ເປັນຖໍ້າລອດມີນໍ້າເຊບັ້ງໄຟໄຫຼຜ່ານມີຄວາມຍາວເຖິງ 11,5 ກິໂລແມັດ, ບໍລິເວນປາກຖໍ້າສູງເຖິງ 80 ແມັດ, ຢູ່ພາຍໃນຖໍ້າມີກ້ອນຫີນງອກ, ຫີນຍ້ອຍ ມີບາງກ້ອນກໍເຫຼື້ອມຍິບຍັບຄືກາບເພັດຕິດ, ມີຫາດຊາຍມີວັງນໍ້າ ແລະ ມີເກາະແກ້ງໃຫຍ່ເຖິງ 5 ແຫ່ງ ກ່ອນຈະຮອດປາກຖໍ້າເບື້ອງເທິງ.

  ຖໍ້ານໍ້າລອດເຊບັ້ງໄຟ ຕັ້ງຢູ່ໃນເຂດອຸດທະຍານແຫ່ງຊາດພູຫີນໜາມໜໍ່ ຊຶ່ງຫ່າງຈາກຕົວເມືອງທ່າແຂກໄປທາງທິດຕາເວັນອອກປະມານ 154 ກິໂລແມັດ ແລະ ຫ່າງຈາກຕົວເມືອງບົວລະພາ 14 ກິໂລແມັດ, ຂອບເຂດຂອງຖໍ້າແຫ່ງນີ້ກວມເອົາເນື້ອທີ່ທັງໝົດ 10.430 ເຮັກຕາ, ຕິດກັບ 3 ບ້ານຄື: ບ້ານຫຍ້າແວດ, ບ້ານໜອງປິງ ແລະ ບ້ານກວນຂະໂຍມ.

   ອີງຕາມປະຫວັດຄວາມເປັນມາຖໍ້າແຫ່ງນີ້ໄດ້ຖືກປະປ່ອຍມາເປັນເວລາ 90 ກວ່າປີ ໃນໄລຍະສົງຄາມຮຸກຮານຈຶ່ງເປັນສາເຫດໜຶ່ງທີ່ບໍ່ໄດ້ມີໂອກາດເຂົ້າໄປສໍາຫຼວດສຶກສາຄົ້ນຄວ້າຢ່າງລະອຽດ. ໃນເມື່ອກ່ອນຊາວບ້ານໄດ້ເອີ້ນວ່າ: ຖໍ້າຂຸນເຊ, ໃນປີ 1995 ໄດ້ມີນັກສໍາຫຼວດຈາກປະເທດຝຣັ່ງເດີນທາງມາສໍາຫຼວດເທື່ອທໍາອິດການສໍາຫຼວດຄັ້ງນັ້ນສາມາດເກັບກໍາຂໍ້ມູນໄດ້ພຽງເລັກໜ້ອຍ. ຕໍ່ມາໃນປີ 2006 ທ່ານ ຈອນໂພແລກ ຜູ້ຊ່ຽວຊານກ່ຽວກັບຖໍ້າໄດ້ນໍາພາທີມງານມາສໍາຫຼວດຖໍ້າຄືນໃໝ່ ແລະ ຕໍ່ມາໃນປີ 2008 ທ່ານ ຈອນໂພແລກ ກັບທີມງານສໍາຫຼວດ 4 ຄົນກໍໄດ້ມາທໍາການສໍາຫຼວດອີກ.

ຕາມຄວາມເຊື່ອຂອງປະຊາຊົນທ້ອງຖິ່ນໃນສະໄໝນັ້ນ ແລະ ຖືກບັນທຶກໄວ້ຈົນມາເຖິງປັດຈຸບັນນີ້ວ່າ: ຖ້ຳແຫ່ງນີ້ເປັນບ່ອນຢູ່ອາໄສຂອງວິນຍານທີ່ມີຄວາມເມດຕາ, ດວງວິນຍານທີ່ເປັນເຈົ້າກົກເຈົ້າເລົ່າຂອງຖ້ຳແຫ່ງນີ້ຊີ້ວ່າ: ຕາບອຍ ທີ່ປົກປັກຮັກສາຊາວບ້ານ ແລະ ຍັງເຊື່ອກັນວ່າໃຕ້ວັງໃຫຍ່ໜ້າປາກຖ້ຳທີ່ເປັນບ່ອນຢູ່ອາໄສຂອງດວງວິນຍານເອີ້ນວ່າ: ເມືອງບາດານ. ຄັ້ງໜຶ່ງໃນອະດິດ ຊາວບ້ານໄດ້ເອົາແຄນທີ່ເປ່ເພໄປວາງໄວ້ທີ່ໜ້າປາກຖ້ຳຈາກນັ້ນຮຸ່ງແຈ້ງມື້ໃໝ່ມາ ພົບວ່າແຄນທີ່ເປເພນັ້ນຖືກສ້ອມແປງຄືນໃໝ່ຢ່າງສວຍງາມ ແລະ ພາຍໃນຖ້ຳຍັງມີເຄື່ອງແຕ່ງກາຍສຳລັບງານແຕ່ງງານ ຫຼື ພິທີກຳຕ່າງໆ ຊຶ່ງປະຊາຊົນສາມາດເຂົ້າໄປຢືມມາສວມໃສ່ ຈາກນັ້ ນກໍນຳເອົາໄປສົ່ງຄືນ  ຕໍ່ມາກໍມີຊາວບ້ານຜູ້ໜຶ່ງໄດ້ຢືມເອົາເຄື່ອງເຫຼົ່ານັ້ນມາໃຊ້ອີກ ຈາກນັ້ນ ກໍນຳໄປສົ່ງຄືນໂດຍບໍ່ມີການອະນາໄມ ຊັກລ້າງໃຫ້ສະອາດ ແລະ ແລ້ວເຄື່ອງຂອງເຫຼົ່ານັ້ນກໍສູນຫາຍໄປໝົດໂດຍບໍ່ຮູ້ສາເຫດ. ບໍ່ພຽງແຕ່ເທົ່ານັ້ນ ໃນໄລຍະສົງຄາມ ກໍບໍ່ເຄີຍມີລູກລະເບີດຖືກຖິ້ມເຂົ້າໄປໃນຖໍ້າເລີຍ. ຈົນເຖິງປັດຈຸບັນນີ້ ນອກຈາກເປັນແຫຼ່ງທ່ອງທ່ຽວແລ້ວຍັງເປັນ ບ່ອນຊອກຢູ່ຫາກິນໂດຍສະເພາະການຫາປາ, ຊອກຮັງນົກແອ່ນ ແລະ ໂຕເຈຍຢູ່ພາຍໃນຖ້ຳ ຄືເກົ່າຕະຫຼອດມາ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com