ໜັງສືພິມ ປະຊາຊົນ

ກະຊວງແຜນການ ແລະ ການລົງທຶນ ປະກາດການຈັດຕັ້ງຫຼາຍຕຳແໜ່ງ

ເຜີຍແຜ່ໂດຍ: ວິໄລສັກ ເວລາ: 09/08/2022 08:23:57 ຈຳນວນຢ້ຽມຊົມ 1645 ຄັ້ງ

ກະຊວງແຜນການ ແລະ ການລົງທຶນ (ຜທ) ໄດ້ຈັດພິທີປະກາດການຈັດຕັ້ງ ຂື້ນໃນວັນທີ 8 ສິງຫາ ນີ້ ທີ່ ກະຊວງແຜນການ ແລະ ການລົງທຶນ, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ, ມີພາກສ່ວນກ່ຽວຂ້ອງເຂົ້າຮ່ວມ.

ການປະກາດການຈັດຕັ້ງຄັ້ງນີ້ ໄດ້ແຕ່ງຕັ້ງ ທ່ານ ອຸຕະແກ້ວ ແກ້ວດວງສິນ ເປັນຫົວໜ້າຫ້ອງການ ກະຊວງແຜນການ ແລະ ການລົງທຶນ; ແຕ່ງຕັ້ງ ທ່ານ ວັນທະນາ ນໍລິນທາ ເປັນຫົວໜ້າກົມສົ່ງເສີມການລົງທຶນ; ແຕ່ງຕັ້ງ ແລະ ສັບຊ້ອນ ທ່ານ ບຸນເຮືອງ ເດດວົງສອນ ຮອງຫົວໜ້າກົມສົ່ງເສີມການລົງທຶນ ມາເປັນ ຮອງຫົວໜ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ, ກະຊວງແຜນການ ແລະ ການລົງທຶນ; ຂໍ້ຕົກລົງແຕ່ງຕັ້ງ ທ່ານ ສຸລິຍາ ປວງປະດິດ ເປັນຮອງຫົວໜ້າກົມສົ່ງເສີມການລົງທຶນ ກະຊວງແຜນການ ແລະ ລົງທຶນ, ນອກຈາກນີ້ ຍັງໄດ້ຜ່ານຂໍ້ຕົກລົງວ່າດ້ວຍການໂຮມສູນຝຶກອົບຮົມພະນັກງານຄຸ້ມຄອງເສດຖະກິດ-ແຜນການ ເຂົ້າກັບສະຖາບັນຄົ້ນຄວ້າວິໄຈການພັດທະນາ.

ຂ່າວທີ່ໄດ້ຮັບຄວາມນິຍົມ