ໜັງສືພິມ ປະຊາຊົນ

ໂຮງຮຽນເຕັກນິກ-ວິຊາຊີບ ປະເມີນວຽກງານ ປະກັນຄຸນນະພາບການສຶກສາ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 23/03/2020 08:55:04 ຈຳນວນຢ້ຽມຊົມ 3149 ຄັ້ງ

ໂຮງຮຽນເຕັັກນິກ-ວິຊາຊີບແບບປະສົມ ແຂວງຊຽງຂວາງ ໄດ້ຈັດກອງປະຊຸມການປະເມີນພາຍນອກວຽກງານປະ ກັນຄຸນນະພາບການສຶກສາ ຂຶ້ນ ໃນອາທິດທີ່ຜ່ານມາ ທີ່ໂຮງ ຮຽນດັ່ງກ່າວ ໂດຍການເປັນປະທານຂອງທ່ານ ບຸນຄົງ ດວງພະວັນ ອໍານວຍການໂຮງ ຮຽນ, ມີຄະນະປະເມີນຈາກພາກລັດ ແລະ ເອກະຊົນຈາກນະຄອນຫຼວງວຽງຈັນ ພ້ອມດ້ວຍຄູ-ອາຈານ ຜູ້ຮັບຜິດຊອບວຽກງານການປະກັນຄຸນນະພາບການສຶກສາເຂົ້າຮ່ວມ.
ໃນພິທີ ທ່ານ ເດືອນສະ ຫວັນ ພົມມະວົງສາ ຫົວໜ້າພະແນກ ຄະນະວິສະວະກໍາສາດ ມະຫາວິທະຍາໄລແຫ່ງຊາດ ໄດ້ຂຶ້ນກ່າວສະເໜີຈຸດປະສົງ ແລະ ວາລະຂອງການລົງປະເມີນຄັ້ງນີ້ ພ້ອມທັງໃຫ້ຄຳຊີ້ແຈງກ່ຽວກັບວຽກງານການປະກັນຄຸນນະພາບການສຶກສາໂດຍຫຍໍ້. ຈາກນັ້ນ, ທ່ານ ບຸນຄົງ ດວງພະວັນ ອໍານວຍການໂຮງຮຽນໄດ້ຂຶ້ນມີຄໍາຄິດເຫັນ ແລະ ກ່າວເປີດພິທີ ຢ່າງເປັນທາງການ ພ້ອມທັງນໍາສະເໜີສະພາບການຈັດຕັ້ງ ປະຕິບັດວຽກງານການຮຽນ- ການສອນ ໃນສົກຮຽນ 2018-2019 ໂດຍຫຍໍ້. ໂຮງຮຽນດັ່ງ ກ່າວມີຄູ-ອາຈານທັງໝົດ 56 ຄົນ, ຍິງ 16 ຄົນ, ມີນັກຮຽນ-ນັກ ສຶກສາທັງໝົດ 748 ຄົນ, ຍິງ 245 ຄົນ ໃນນັ້ນ, ໄດ້ຈັດຕັ້ງການ ຮຽນ-ການສອນຢູ່ 9 ສາຂາວິຊາ ຮຽນຄື: ສາຂາປູກຝັງ, ລ້ຽງສັດ, ກໍ່ສ້າງ, ຊ່າງໄມ້, ໄຟຟ້າ, ສ້ອມ ແປງທົ່ວໄປ, ຕັດຫຍິບ, ອາຫານ-ການບໍລິການເຄື່ອງດື່ມ ແລະ ສາຂາການບໍລິການໂຮງແຮມ.
ສໍາລັບການລົງປະເມີນຂອງຄະນະທີມງານຄັ້ງນີ້, ແມ່ນເພື່ອເປັນການຕິດຕາມກວດກາວຽກງານດ້ານຕ່າງໆຂອງໂຮງ ຮຽນທີ່ໄດ້ຈັດຕັ້ງປະຕິບັດໃນໄລຍະຜ່ານມາວຽກໃດທີ່ເຮັດສໍາເລັດ ແລະ ວຽກໃດທີ່ຍັງຄ້າງຄາ ແມ່ນຈະໄດ້ພ້ອມກັນຊອກຫາວິທີທາງປັບປຸງແກ້ໄຂໃຫ້ດີ ຂຶ້ນ ເພື່ອໃຫ້ເປັນທີ່ຍອມຮັບ ຂອງສັງຄົມໄດ້. ຫຼັງຈາກນັ້ນ, ກໍ ຈະໄດ້ສໍາພາດຄະນະອໍານວຍ ການໂຮງຮຽນ, ຫົວໜ້າພະແນກ ວິຊາ, ຄູ-ອາຈານ ແລະ ນັກຮຽນ ຈໍານວນໜຶ່ງຕື່ມອີກ ເພື່ອໃຫ້ໄດ້ ຂໍ້ມູນທີ່ຊັດເຈນໃນການເຄື່ອນ ໄຫວວຽກງານຕ່າງໆ ພ້ອມນັ້ນຍັງຈະໄດ້ລົງສໍາພາດບັນດາສະ ຖານປະກອບການພາກເອກະ ຊົນກ່ຽວກັບຜົນການຕອບຮັບ ຂອງສັງຄົມດ້ານສີມືແຮງງານຂອງນັກສຶກສາທີ່ຮຽນຈົບອອກ ໄປ ແລະ ສໍາພາດອະດີີດນັກ ຮຽນທີ່ຮຽນຈົບຢູ່ໂຮງຮຽນໄປປະກອບອາຊີບເຮັດທຸລະກິດສ່ວນຕົວຕື່ມອີກ ໂດຍຈະໃຊ້ເວລາດໍາເນີນກອງປະຊຸມທັງໝົດ 5 ວັນ ຈຶ່ງສໍາເລັດ.
(ຂ່າວ-ພາບ: ຄຳເພົາ ໂຮງ ຮຽນເຕັກນິກ-ວິຊາຊີບ)

ຂ່າວທີ່ໄດ້ຮັບຄວາມນິຍົມ