ນາຍົກຮ່ວມປ່ອນບັດເລືອກຕັ້ງສສຊຊຸດທີX ແລະ ສສຂຊຸດທີ Vຢູ່ແຂວງຈໍາປາສັກ

ໃນພິທີ, ທ່ານ ສຸກວິໃສ ສີສົມຫວັງ ຮອງເລຂາພັກນະຄອນປະທານຄະນະກຳມະການປົກຄອງນະຄອນ ໃຫ້ກຽດຂຶ້ນກ່າວເປີດຈຸດປະສົງຂອງການເຕົ້າໂຮມໃນມື້ນີ້ແມ່ນເພື່ອຈັດຕັ້ງພິທີປ່ອນບັດເລືອກຕັ້ງເອົາ ສສຊ ຊຸດທີ X ປະຈຳເຂດເລືອກຕັ້ງທີ 15 ແຂວງຈຳປາສັກ ແລະ ສສຂ ຊຸດທີ V ປະຈຳເຂດເລືອກຕັ້ງ ນະຄອນປາກເຊ ຊຶ່ງແມ່ນການເສີມຂະຫຍາຍຢ່າງແຂງແຮງໃນການປະຕິບັດສິດປະຊາທິປະໄຕຂອງປະຊາຊົນລາວບັນດາເຜົ່າ ໂດຍສະເພາະແມ່ນຜູ້ມີສິດເລືອກຕັ້ງ ຕື່ນຕົວສະໝັກໃຈໄປໃຊສິດເລືອກຕັ້ງເອົາຕົວແທນຂອງຕົນເປັນ ສສຊ ຊຸດທີ X ແລະ ສສຂ ຊຸດທີ V ເຂົ້າໄປເຮັດວຽກຢູ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຊຶ່ງເປັນອົງການຕົວແທນແຫ່ງສິດ ແລະ ຜົນປະໂຫຍດຂອງ ປະຊາຊົນລາວບັນດາເຜົ່າ, ເປັນອົງການສູງສຸດແຫ່ງອໍານາດລັດ, ເປັນອົງການນິຕິບັນຍັດ ປະຕິບັດຕາມພາລະບົດບາດຮັບຮອງເອົາລັດຖະທໍາມະນູນ ແລະ ກົດໝາຍ, ຕົກລົງບັນຫາສໍາຄັນພື້ນຖານ ຂອງ ປະເທດຊາດ ແລະ ຕິດຕາມກວດກາ ການເຄົາລົບປະຕິບັດລັດຖະທາມະນູນ ແລະ ກົດໝາຍຂອງ ບັນດາອົງການລັດ.

(ຂ່າວ: ແສງຈັນ)